Ore i mexü̃ ga Luca ümatüxü̃ 10:27 - Tupanaarü Ore

²⁷ Rü yema ngúexẽẽruxü̃ ga Moichéarü mugüwa ngu̱xẽẽtaexü̃, rü Ngechuchuxü̃ nangãxü̃, rü ñanagürü: —¡Nüxü̃ nangechaü̃ ya Cori ya curü Tupana i guxü̃ma i curü maxü̃maxã, rü guxü̃ i cuãẽmaxã, rü guxü̃ i curü poramaxã, rü guxü̃ i nagu curüxĩnüxü̃maxã! ¡Rü nüxü̃ nangechaü̃ i cumücü ngẽma nax cugütama cungechaü̃xü̃rüxü̃! —ñanagürü.

Ore i mexü̃ ga Luca ümatüxü̃ 10:27 Referans Kwoze

Wenaxarü naxümatü ga Tupanaarü mugü 6:5

¡Rü nüxü̃ pengechaxü̃gü ya perü Tupana i guxü̃ne ya perü maxü̃nemaxã, rü guxü̃ i peãxẽmaxã, rü guxü̃ i perü poramaxã!

Romanos 13:9

Rü Tupanaarü mugü rü ñanagürü: “¡Taxṹ i nai i ngexü̃maxã cumaxü̃! ¡Rü taxṹ i cumáeta! ¡Rü taxṹ i cungĩ̱x! ¡Rü taxṹ i toguã̱xarü ngẽmaxü̃ cuxü̃́ ngúchaü̃xü̃!” ñanagürü. Natürü ngẽma mugü rü guxü̃ma i togü i Tupanaarü mugümaxã rü wüxigu nanu nagu i norü ore i ñaxü̃: “¡Rü nüxü̃ nangechaü̃ i cumücü nax cugütama cungechaü̃xü̃rüxü̃!” ñaxü̃.

Wenaxarü naxümatü ga Tupanaarü mugü 30:6

Rü nüma ya perü Cori ya Tupana rü peãẽwa rü petaagüãẽwa tá nayanaxoxẽxẽ i ngẽma chixexü̃ i ngéma ngẽxmaxü̃ nax ngẽmaãcü aixcüma nüxü̃ pengechaü̃güxü̃ca̱x perü maxü̃nemaxã rü peãẽmaxã nax ngẽmaãcü pexü̃́ nangẽxmaxü̃ca̱x i perü maxü̃.

Lebítanüxü̃arü puracüchiga 19:18

Rü tama name nax namaxã cunuxwa̱xexü̃ i cutanüxü̃ rü bai nax naxchi cuxaixü̃. ¡Rü cumücüxü̃ nangechaü̃, ñoma cugütama cungechaü̃xü̃rüxü̃! Rü choma nixĩ ya Cori ya Tupana.

Popera ga Chantiágu ümatüxü̃ 2:8

Tupanaarü mu i guxü̃ i norü mugüarü yexera ixĩxü̃ rü ñanagürü: “¡Nüxü̃ nangechaü̃ i cumücü ngẽma cugütama cungechaü̃xü̃rüxü̃!” ñanagürü. Rü ngẽxguma aixcüma naga pexĩnüegu i ngẽma mu, rü mexü̃ pexügü.

Wenaxarü naxümatü ga Tupanaarü mugü 10:12

Rü ñu̱xma Pa Iraétanüxü̃x ¿ta̱xacü nixĩ i perü Cori ya Tupana pexü̃́ naxwa̱xexü̃? Rü ngẽma pexü̃́ nanaxwa̱xexü̃ nixĩ nax nüxü̃ picua̱xüü̃güxü̃ rü aixcüma naga pexĩnüexü̃ rü nacümagu pexĩxü̃, rü nüxü̃ pengechaü̃güxü̃ rü ñu̱xũchi nüxü̃́ pepuracüexü̃ guxü̃ma i perü maxü̃maxã rü guxü̃ i peãẽmaxã.

Nüxíraxü̃xü̃ ga popera ga Cuáü̃ ümatüxü̃ 3:18

Pa Chauxacügüx, tama name i taa̱xmaxã rü tórü oremaxãxicatama nüxü̃ tangechaü̃ i taenexẽ. Natürü tanaxwa̱xe i tórü maxü̃maxã rü tórü ü i mexü̃maxã nüxü̃ tangechaü̃.

Popera ga Yudíugü ga yaxõgüxü̃ca̱x ümatüxü̃ 8:10

Natürü ngẽma ngunexü̃güwena rü wena tá ngẽma Iraétanüxü̃maxã ichaxuneta. Rü ñaãcü tá nixĩ i namaxã ichaxunetaxü̃: ‘Choma rü tá meama ngẽma duü̃xü̃güxü̃ nüxü̃ chacua̱xẽxẽ i chorü mugü nax aixcüma naãxẽwa rü norü maxü̃wa nangẽxmagüxü̃ca̱x. Rü choma rü tá norü Tupana chixĩ, rü nümagü rü tá chorü duü̃xü̃gü nixĩgü’.

Gálatas 5:13

Natürü pemax, Pa Chauenexẽgüx, rü Tupana pexca̱x naca nax ngẽma mugüna ípenguxü̃xü̃ca̱x. Rü ñu̱xma nax nüxna ípenguxü̃xü̃, rü tama name i ngẽmaca̱x pexenearü ngúchaü̃ pexügü. Natürü name nixĩ nax pegü pengechaü̃güxü̃ rü ngẽmaãcü pegü perüngü̃xẽẽgüxü̃ i wüxichigü.

Ore i mexü̃ ga Matéu ümatüxü̃ 19:19

¡Rü tümaga naxĩnü ya cunatü rü cué, rü nüxü̃ nangechaü̃ i cumücügü ngẽma nax cugü cungechaü̃xü̃rüxü̃! —ñanagürü.

Wenaxarü naxümatü ga Tupanaarü mugü 6:4

¡Rü dücax, iperüxĩnüe, Pa Iraétanüxü̃x! Rü nüma ya Cori ya tórü Tupana rü nüxicatama nixĩ i Cori yixĩxü̃.

Ore i mexü̃ ga Luca ümatüxü̃ 10:26

Rü Ngechuchu nanangãxü̃, rü ñanagürü: —¿Ñuxũ ñaxü̃ i ngẽma ore i Moichéarü mugüwa ümatüxü̃? ¿Rü ta̱xacüxü̃ i cumaxã yaxuxü̃? —ñanagürü.