Ore i mexü̃ ga Luca ümatüxü̃ 10:2 - Tupanaarü Ore

² Rü ñanagürü nüxü̃: —Aixcümaxü̃chi nangẽxma i muxũchixü̃ i duü̃xü̃gü i ímemaregüxü̃ nax yaxõgüãxü̃ natürü ngẽma Tupanaarü orearü uwa puracüexü̃ rü noxretama nixĩ. Rü ngẽmaca̱x name i perü yumüxẽwa nüxna peca ya Tupana ya puracüarü yora ixĩcü nax ngẽma norü puracüwa namugüãxü̃ca̱x i togü i puracütanüxü̃ nax nüxü̃ yaxugüxü̃ca̱x i norü ore.

Ore i mexü̃ ga Luca ümatüxü̃ 10:2 Referans Kwoze

1 Tesalonicenses 5:12

Pa Chauenexẽgüx, pexü̃ taca̱xaxü̃gü nax nüxü̃ pengechaü̃güxü̃ i ngẽma taenexẽgü i petanüwa puracüexü̃ rü pemaxã icua̱xgüxü̃ rü pexü̃ ngúexẽẽxü̃ i Cori ya Ngechuchuarü ore.

Ore i mexü̃ ga Márcu ümatüxü̃ 16:15

Rü ñanagürü nüxü̃: —¡Guxü̃ i naanewa pexĩ rü guxü̃ i duü̃xü̃gümaxã nüxü̃ peyarüxu i ore i mexü̃!

Norü taxre ga popera ga Timutéuca̱x naxümatüxü̃ ga Pauru 4:5

¡Natürü cuma rü mea cugüna nadau, rü ínaxuãxẽ! ¡Rü namaxã napora i ngẽxguma ngúxü̃ cuxca̱x ínguxgu! ¡Rü nüxü̃ ixuama i ngẽma ore i mexü̃ i tüxü̃ maxẽxẽxẽxü̃! ¡Rü mea yanguxẽxẽ i ngẽma puracü ya Tupana cuxna ãxü̃!

2 Tesalonicenses 3:1

Rü ñu̱xma Pa Chauenexẽgüx, rü chanaxwa̱xe nax toxca̱x peyumüxẽgüxü̃ nax paxa guxü̃wama nanguxü̃ca̱x i tórü Cori ya Ngechuchuarü ore, rü duü̃xü̃gü norü ngúchaü̃maxã nax nayauxgüxü̃ca̱x yema pema nax penayauxgüxü̃rüxü̃.

Ore i mexü̃ ga Márcu ümatüxü̃ 13:34

Rü guxü̃ma i ngẽma pemaxã nüxü̃ chixuxü̃, rü ñoma wüxi ga yatü ga ixũãchichaü̃cü nax to ga nachixü̃anewa naxũxü̃ca̱xrüxü̃ nixĩ. Rü yemaca̱x norü puracütanüxü̃na naxãga nax mea nüxna nadaugüxü̃ca̱x ga gumá napata. Rü ñu̱xũchi wüxichigüna nanaxã ga norü puracü. Rü yema ĩã̱xarü dauruxü̃ rü nagu nanamu nax mea nadauxü̃taegüxü̃ca̱x.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:10

Rü ngẽmaca̱x nixĩ i ipuracüexü̃ rü yigü iporaãẽxẽẽxü̃ nax nüxü̃ ixuxü̃ca̱x i ngẽma ore i mexü̃, erü nüxü̃́ tayaxõgü ya tórü Tupana ya Maxü̃cü ya guxãarü Maxẽxẽẽruxü̃ ixĩcü, rü yexera ngẽma nüxü̃́ yaxõgüxü̃arü ixĩcü.

Ngechuchuarü ngúexü̃gü ga yamugüxü̃arü puracüchiga 22:21

Natürü nüma ga Cori rü ñanagürü choxü̃: “¡Paxa cugü namexẽxẽ rü inaxũãchi! Erü yáxü̃guxü̃ i nachixü̃anegüwa tá cuxü̃ chamu i duü̃xü̃gü i tama Yudíugü ixĩgüxü̃tanüwa” —ñanagürü.

Ngechuchuarü ngúexü̃gü ga yamugüxü̃arü puracüchiga 20:28

Rü ngẽmaca̱x i ñu̱xma rü penaxwa̱xe nax pexuãẽgüxü̃ rü mea nüxna pedaugüxü̃ i guxü̃ma i yaxõgüxü̃ i petanüwa ngẽxmagüxü̃. Erü ngẽma nixĩ i Tupanaãxẽ ya Üünecü nagu pexü̃ mugüxü̃ nax nüxna pedaugüxü̃ca̱x i ngẽma Tupanaarü duü̃xü̃gü i yaxõgüxü̃ ya Ngechuchu nagümaxãtama naxca̱x taxexü̃.

Ngechuchuarü ngúexü̃gü ga yamugüxü̃arü puracüchiga 13:4

Rü Tupanaãxẽ ya Üünecü rü inanamuãchitanü ga Bernabé rü Chauru. Rü ĩane ga Cheleúchiawa naxĩ, rü gumáarü türewa inaxĩãchi, rü capaxũ ga Chíperewa naxĩ. Rü Cuáü̃ ga Márcu nawe narüxũ nax nüxü̃ nangü̃xẽẽxü̃ca̱x. Rü yexguma Chíperearü ĩane ga Charamínaarü türewa nangugügu, rü inanaxügüe ga nüxü̃ nax yaxugüxü̃ ga Tupanaarü ore ga Yudíugüarü ngutaque̱xepataü̃güwa.

Ngechuchuarü ngúexü̃gü ga yamugüxü̃arü puracüchiga 13:2

Rü wüxi ga ngunexü̃ ga yexguma Corica̱x ínangutaque̱xegügu rü tama nachibüeãcüma ínayumüxẽgüguyane, rü Tupanaãxẽ ya Üünecü rü ñanagürü nüxü̃: —¡Choxna penamugü i Chauru rü Bernabé nax naxügüã̱xü̃ca̱x i ngẽma puracü i choma nawa chanamugüchaü̃xü̃! —ñanagürü.

Ngechuchuarü ngúexü̃gü ga yamugüxü̃arü puracüchiga 11:19

Rü yexguma Estébaü̃ yuxguwena, rü inanaxügüe nax yema yaxõgüxü̃we yangexü̃tanüxü̃. Rü yemaca̱x nügü nawoone. Rü Feníchiawa, rü Chíperewa rü Antioquíawa nabuxmü. Rü yéma nüxü̃ nixugüe ga ore ga mexü̃ ga Ngechuchuchiga. Natürü Yudíugümaxãxicatama nüxü̃ nixugüe ga yema ore rü tama ga togümaxã.

Ngechuchuarü ngúexü̃gü ga yamugüxü̃arü puracüchiga 8:4

Rü yema yaxõgüxü̃ ga Chaurucha̱xwa ibuxmüxü̃ ga Yerucharéü̃wa, rü guxü̃wama ga ngextá ínaxĩxü̃wa rü nüxü̃ nixuchigagü nax Ngechuchu tüxü̃ maxẽxẽẽxü̃.

Ore i mexü̃ ga Luca ümatüxü̃ 9:1

Rü Ngechuchu rü nanangutaque̱xexẽxẽ ga yema 12 ga norü ngúexü̃gü. Rü pora nüxna naxã rü nüxna naxãga nax ínawoxü̃ãxü̃ca̱x ga naguxü̃raü̃xü̃ ga ngo̱xogü, rü nax nameexẽẽãxü̃ca̱x ga duü̃xü̃gü ga ida̱xaweexü̃.

Ore i mexü̃ ga Márcu ümatüxü̃ 16:20

Rü nümagü ga norü ngúexü̃gü rü inaxĩãchi nax guxü̃wama nüxü̃ yanaxugüexü̃ ga ore i mexü̃. Rü nüma ga Cori rü nüxü̃ narüngü̃xẽxẽ, rü nanango̱xẽxẽ nax aixcüma yixĩxü̃ ga yema ore, yerü wüxigu namaxã napuracü nax naxügüã̱xü̃ca̱x ga mexü̃gü ga taxü̃gü ga Tupanaarü poramaxã naxügüxü̃.

Ore i mexü̃ ga Matéu ümatüxü̃ 20:1

Rü ngẽma Tupana ãẽ̱xgacü ixĩxü̃wa rü nanangẽxgumaraxü̃ ga wüxi ga úbanecüarü yora ga pa̱xmama puracütanüxü̃ca̱x yadaucü nax norü úbanecüwa napuracüexü̃ca̱x.

Chacaría 11:17

¡Rü nügümaxã nangechaü̃ i ngẽma carnéruarü dauruxü̃ i tama mea norü carnérugüna dauxü̃ rü tüxü̃ ngéma wogümarexü̃! Rü norü poxcu tá nixĩ nax tara i taxrewa ãmaguxü̃maxã nacachacüüxü̃ rü nacaxetüxü̃ i norü tügünexetüwa! Rü tá ninachacüxü rü norü tügünexetüwa rü tá nangexetü. ¡Rü ngẽmaãcü ya nachacüxü rü tá nipamare rü tá nangexetü i norü tügünexetüwa! —ñanagürü.

Yeremía 3:15

Rü choma rü tá pexca̱x ichanamugü i ãẽ̱xgacügü i choma chanaxwa̱xexü̃ãcü pemaxã icua̱xgüxü̃. Rü nümagü rü tá nüxü̃́ nangẽxma i cua̱x nax mea pemaxã inacua̱xgüxü̃ca̱x.

Filipenses 2:25

Rü ngẽxgumarüxü̃ ta cha̱u̱xca̱x name nixĩ i ngéma petanüwa chanamuxü̃ i taenexẽ i Epaporudítu. Rü nüma nixĩ ga pematama cha̱u̱xca̱x núma penamuxü̃ nax choxü̃ nangü̃xẽẽxü̃ca̱x. Rü nüma rü chomücü nixĩ i Tupanaarü puracüwa, rü poraãcü choxü̃ narüngü̃xẽxẽ i ta̱xacü choxü̃́ taxuxü̃wa.

Filipenses 2:21

Erü guxü̃ma i togü rü naxca̱x nadaugü i noxrütama ngúchaü̃gü, rü tama aixcüma nagu narüxĩnüe i ngẽma Ngechuchu ya Cristuarü ngúchaü̃.

1 Corintios 12:28

Rü ngẽmaca̱x ya Tupana rü nanaxwa̱xe nax mea nügü inanuxü̃ i ngẽma yaxõgüxü̃. Rü yíxema tüxíra tüxü̃ naxunetagüxe tixĩ ya yíxema norü puracüwa tüxü̃ namugüxe. Rü ngẽmawena tüxü̃ naxuneta ya toguxegü nax nüxü̃ tixugüxü̃ca̱x i norü ore. Rü ngẽmawena tüxü̃ naxuneta ya toguxegü nax duü̃xü̃güxü̃ tangúexẽẽxü̃ca̱x i norü ore. Rü ngẽxgumarüxü̃ ta tüxü̃ naxuneta ya toguxegü nax tanaxügüxü̃ca̱x i cua̱xruü̃gü i Tupanaarü poramaxã taxügüxü̃, rü toguxegü rü tüxna nanaxã i cua̱x nax tanameexẽẽxü̃ca̱x i ida̱xaweexü̃, rü toguxegü rü tüxna nanaxã i cua̱x nax nüxü̃ tarüngü̃xẽẽgüxü̃ca̱x i ngẽma togü, rü toguxegü rü tüxna nanaxã i cua̱x nax yaxõgüxü̃arü ãẽ̱xgacügü tixĩgüxü̃ca̱x. Rü toguxegü rü tüxna nanaxã i cua̱x nax ngẽma nagagü i tama nüxü̃ tacuáxü̃wa tidexagüxü̃ca̱x.

Iraétanüxü̃arü muxchiga 11:17

Rü choma rü tá ngẽxma ícharüxĩ, rü ngéma tá cumaxã chidexa. Rü tá ngẽma ãẽ̱xgacügüna chanaxã i ngẽma Chauãxẽ i cuwa ngẽxmaxü̃ nax nümagü cuxü̃ nangü̃xẽẽgüxü̃ca̱x nax namaxã inacua̱xgüxü̃ i ñaa duü̃xü̃gü. Rü ngẽxguma rü marü taxũtáma cuxica namaxã icucua̱x.

Colosenses 1:29

Rü ngẽmaca̱x woo guxchaxü̃gü cha̱u̱xca̱x ínguxgu rü poraãcü chapuracüama namaxã i ngẽma pora i chowa ngẽxmaxü̃ i Cristu choxna ãxü̃.

Filipenses 2:30

Yerü nüma ga Epaporudítu rü yema nax poraãcü Cristuarü puracüwa napuracüxü̃ rü wixguxüchi taa̱x nayu. Rü ãũcümaxü̃wa nügü nayexmaxẽxẽ nax pechicüxü choxü̃ nangü̃xẽẽxü̃ca̱x.

Popera ga Yudíugü ga yaxõgüxü̃ca̱x ümatüxü̃ 3:6

Natürü nüma ya Ngechuchu rü Moichéarü yexera nixĩ erü Tupana Nanexü̃chi nixĩ. Rü nüma nixĩ i nüxna nadauxü̃ i guxü̃ma i ngẽma Tupanaarü duü̃xü̃gü ixĩgüxü̃. Rü yixema rü ta rü Tupanaarü duü̃xü̃gü tixĩgü ega aixcüma Ngechuchuaxü̃́ yaxõgügu rü taguma nüxü̃ rüxoegu. Rü Tupana nanaxwa̱xe nax guxü̃guma Ngechuchumaxã itaãẽgüxü̃ erü nüxü̃ tacua̱x nax wüxi i ngunexü̃ rü tá taxca̱x nataeguxü̃ nax wüxiwa namaxã ingexmagüxü̃ca̱x.

1 Tesalonicenses 2:9

Pa Chauenexẽgüx, pema rü nüxna pecua̱xãchie nax ñuxãcü poraãcü tapuracüexü̃ nax torü õnaca̱x tataxegüxü̃ca̱x ga yexguma petanüwa tayexmagügu. Rü ngunecü rü woo chütacü tapuracüe nax taxúeãxü̃ma wüxi ga guxchaxü̃ tixĩgüxü̃ca̱x ga yexguma petanüwa pemaxã nüxü̃ tixuxgu ga Tupanaarü ore.

Colosenses 4:12

Rü ngẽxgumarüxü̃ ta pexü̃ narümoxẽ i Epáparu. Rü nüma rü petanüxü̃ nixĩ, rü aixcüma nanaxü i Cristuarü puracü. Rü nüma rü guxü̃guma norü yumüxẽwa Tupanaxü̃ naca̱xaxü̃ pexca̱x nax tama nüxna pixĩgachixü̃ca̱x i norü ore rü peyaxõgüamaxü̃ca̱x rü aixcüma penaxüxü̃ca̱x i ngẽma Tupanaarü ngúchaü̃.

2 Corintios 6:1

Rü ñu̱xma nax Tupanaarü ngü̃xẽẽruü̃gü tixĩgüxü̃, rü pexü̃ taca̱a̱xü̃ nax tama nüxü̃ pexoexü̃ca̱x ga yema ngechaü̃ ga Tupana pexca̱x ixãxü̃.

1 Corintios 15:10

Natürü ga Tupana rü chomaxã namecüma, rü ngẽmaca̱x i ñu̱xma rü choxü̃ pedau nax ta̱xacü chixĩxü̃ rü ñuxãcü nax chixĩxü̃. Rü yema chomaxã nax namecümaxü̃ rü tama natüca̱xma nixĩ. Yerü choma rü guxü̃ ga togü ga yamugüxü̃arü yexera chanaxü ga Tupanaarü puracü. Natürü tama chauechama chanaxü ga yema puracü, natürü Tupana ga chomaxã mecümacü rü chomaxã puracücü nixĩ ga naxücü ga yema puracü nax nüxü̃ chixuxü̃ca̱x ga norü ore.

Chacaría 11:5

Rü ngẽma duü̃xü̃gü i naxca̱x taxegüxü̃ rü tama nüxü̃́ taxãũxãchitümüü̃ãcü tüxü̃ nadai. Rü ngẽma carnérugümaxã taxegüxü̃ rü ñanagürügü: “¡Moxẽ ya Cori erü marü chadiẽruã̱x!” ñanagürügü. Rü woo i ngẽma carnérugüarü dauruü̃gü rü tama nüxü̃́ taxãũãchitümüxü̃ ya yíxema norü carnérugü.

Nüxíraxü̃xü̃ ga popera ga ãẽ̱xgacügüchiga 18:22

Rü nüma ga Ería rü nidexachigüama rü ñanagürü: —Chaxicatama chixĩ i Cori ya Tupanaarü orearü uruxü̃ i íchayaxüxü̃ rü chamaxü̃xü̃. Natürü ngẽma Baáxarü orearü uruü̃gü rü 450 nixĩ.

Iraétanüxü̃arü muxchiga 11:29

Natürü nüma ga Moiché rü nanangãxü̃ rü ñanagürü: —¿Ẽ̱xna choxü̃ quinuxü̃? ¡Chierüx nüma ya Cori ya Tupana rü guxü̃ma i duü̃xü̃güna nangu̱xẽẽãgu i ngẽma Naãxẽ nax ngẽmaãcü guxü̃ma i duü̃xü̃gü Tupanaarü orearü uruü̃gü yaxĩgüxü̃ca̱x! —ñanagürü.

Popera ga Filemúü̃ca̱x naxümatüxü̃ ga Pauru 1:1

Pa Toenexẽ i Filemúü̃ i Toxrüxü̃ Tupanaarü Puracüwa Puracüxex, choma i Pauru rü taenexẽ i Timutéumaxã cuxca̱x tanaxümatü i ñaa popera. Rü choma rü nuxã chapoxcu nagagu nax nüxü̃ chixuxü̃ ya Ngechuchu ya Cristuarü ore.

Wiyaegü 68:11

Rü ngẽxguma Tupana idexagu rü muxü̃ma i orearü ngẽruxü̃gü nanaxunagü i norü ore rü ñanagürügü:

Yema Cuáü̃ nüxü̃ dauxü̃ i yixcüra tá ngupetüxü̃chiga 2:1

“Rü ñu̱xma chanaxwa̱xe i ngẽma Epéchiuwa ngẽxmagüxü̃ i yaxõgüxü̃arü ãẽ̱xgacüca̱x cunaxümatü. Rü chanaxwa̱xe i ñacurügü nüxü̃: ‘Ñaa nixĩ i norü ore ya yima norü tügüneme̱xẽwa 7 ya woramacuri nüxü̃́ ngẽxmacü. Rü nüma nixĩ i natanügu yanaxũũxü̃ i ngẽma 7 i omüarü üruü̃gü i úirunaxca̱x.