Ore i mexü̃ ga Luca ümatüxü̃ 10:14 - Tupanaarü Ore

¹⁴ Natürü pemaxã nüxü̃ chixu rü ngẽma ngunexü̃ ya Tupana nagu napoxcuexü̃ i pecaduã̱xgüxü̃, rü ngẽma ngunexü̃gu rü Tírucüã̱xarü yexera rü Chidóü̃cüã̱xarü yexera tá pexü̃ napoxcue i pemax, Pa Corachíü̃cüã̱x rü Pa Bechaídacüã̱x.

Ore i mexü̃ ga Luca ümatüxü̃ 10:14 Referans Kwoze

Romanos 2:1

Rü ngẽmaca̱x, Pa Duü̃xü̃x, rü woo texé quixĩxgu rü taxuacüma Tupanape̱xewa cugüétüwa cuchogü ega togüxü̃ quixuxgu. Erü ngẽxguma togüxü̃ quixuxgu nax nachixexü̃ rü cugütama chixexü̃gu cungu̱xẽxẽ, erü cuma nax cumücüxü̃ quixuxü̃ rü cuma rü ta cunaxü i ngẽma chixexü̃ i cumücüxü̃ naxca̱x quixuxü̃.

Romanos 2:27

Rü dücax, Pa Chauenexẽgü Pa Yudíugüx, rü ngẽma duü̃xü̃gü i tama Yudíugü ixĩgüxü̃ i tama íwíecha̱xmüü̃pe̱xechiraü̃güxü̃ natürü naga ĩnüexü̃ i Tupanaarü mugü, rü ngẽma duü̃xü̃ rü tá Tupanape̱xewa pexü̃ nixu. Erü pema rü tama naga pexĩnüe i Tupanaarü mugü rü woochire̱x nax nüxü̃ pecuáxü̃ i ngẽma mugü, rü woochire̱x nax ípewíecha̱xmüü̃pe̱xechiraü̃güxü̃.

Ore i mexü̃ ga Cuáü̃ ümatüxü̃ 3:19

Rü yíxema tama nüxü̃́ yaxõgüxe, rü Tupana rü marü poxcu tümamaxã naxuegu, yerü yexguma ñoma ga naanewa nanguxgu ga Nane ya duü̃xü̃güarü nangóonexẽẽruxü̃, rü tama nüxü̃́ tayaxõgüchaxü̃. Natürü yexera tümaarü me nixĩ nax ẽanexü̃wa tayexmagüxü̃ rü chixexü̃ taxügüxü̃.

Amúx 3:2

Rü ñanagürü: —Dücax, rü natanüwa i guxü̃ma i duü̃xü̃gü i ñoma i naanewa maxẽxü̃ rü pexü̃xicatama nixĩ ga chaxunetaxü̃ nax chorü duü̃xü̃gü pixĩgüxü̃ca̱x. Rü ngẽmaca̱x yexeraãcü tá pexna naxca̱x chaca i guxü̃ma ga yema chixexü̃ ga pexügüxü̃.

Joel 3:4

¿Rü ta̱xacü ẽ̱xna nixĩ i chomaxã penaxwa̱xegüxü̃ i pemax, Pa Tírucüã̱xgü, rü Chidóü̃cüã̱xgü, rü Firitéugü? ¿Ẽ̱xna chomaxã pegü pedaixchaü̃? ¿Ẽ̱xna penaxwa̱xe nax ta̱xacü pexü̃́ chaxütanüxü̃? Choma rü paxatáma poxcu pexca̱x íchanguxẽxẽ.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe

Ore i mexü̃ ga Matéu ümatüxü̃ 10:15

Rü aixcüma pemaxã nüxü̃ chixu rü ngẽma ngunexü̃ i nagu Tupana nüxü̃ ícagüxü̃ i duü̃xü̃gü, rü Gomóracüã̱x rü Chodómacüã̱x i duü̃xü̃güarü yexera Tupana tá nanapoxcue i ngẽma duü̃xü̃gü i tama mea pexü̃ yauxgüxü̃.

Ore i mexü̃ ga Matéu ümatüxü̃ 11:21

Rü ñanagürü ga Ngechuchu: “Wüxi i ngechaü̃ nixĩ i pexca̱x, Pa Corachíü̃cüã̱x rü Pa Bechaídacüã̱x. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo ga nax poraãcü yachixexü̃ ga yema duü̃xü̃gü, rü nũxcümama chitama nüxü̃ narüxoe ga yema nacüma ga chixexü̃, rü poraãcüxüchi chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.