Ore i mexü̃ ga Luca ümatüxü̃ 10:13 - Tupanaarü Ore

¹³ Rü wüxi i ngechaü̃ nixĩ i pexca̱x, Pa Corachíü̃cüã̱x rü Bechaídacüã̱x i Duü̃xü̃güx. Yerü yexguma chi Tíruarü ĩanewa rü Chidóü̃arü ĩanewa chanaxüxgu ga yema mexü̃gü ga cua̱xruü̃gü ga Tupanaarü poramaxã petanüwa chaxüxü̃, rü woo nax poraãcü yachixexü̃ ga yema Tírucüã̱x rü Chidóü̃cüã̱x ga duü̃xü̃gü rü nũxcümama chitama nüxü̃ narüxoe ga nacüma ga chixexü̃, rü poraãcü chi nügümaxã nangechaü̃gü rü naxauxe, yerü chi nügü nicua̱xãchitanü nax yapecaduã̱xgüxü̃.

Ore i mexü̃ ga Luca ümatüxü̃ 10:13 Referans Kwoze

Echequié 26:1

Rü yexguma 11 ga taunecü ínguxgu nax toxü̃ yagagüxü̃ ga Babiróniaanearü ãẽ̱xgacü, rü gumá nüxíraü̃cü ga tauemacüarü nüxíraxü̃ ga ngunexü̃gu rü Tupana rü chomaxã nidexa rü ñanagürü choxü̃: —Pa Yatüx, ngẽma Tírucüã̱xgü rü Yerucharéü̃cüã̱xgüxü̃ nacugüe rü ñanagürügü: “Yima ĩane ya taxü̃ne ya Yerucharéü̃ ya guxü̃ma nawa taxegüne rü guxchawa nangẽxma. Rü ngẽmaca̱x i ñu̱xmax i yixema rü tá yoxniẽgü nax idiẽruã̱xgüxü̃!” ñanagürügü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:2

Rü ngẽma duü̃xü̃gü i nüxü̃ rüxoexü̃ nax yaxõgüãxü̃ rü tá nüxü̃́ inarüxĩnüe i ngẽma duü̃xü̃gü i nawomüxẽẽgüxü̃ rü idorata̱xaxgüxü̃. Erü ngẽma duü̃xü̃gü i dorata̱xaxgüxü̃ rü düxwa namaxã nixü nax chixexü̃guxicatama naxĩnüexü̃.

Ichaía 61:3

Rü ngẽma Chióü̃cüã̱xgü i ngúxü̃ ingegüxü̃, rü Tupana choxü̃ namu nax chanataãẽxẽẽgüxü̃ca̱x nax tama yexü̃cürü ngechaü̃ãcü tanimacaétüwa natogüeechaxü̃ca̱x. Erü nüma ya Tupana rü nanaxwa̱xe nax taãẽxü̃ nanguxuchixü̃ i norü ngechaü̃gü rü taãẽruxü̃ i wiyaegüxü̃ nanguxuchixü̃ i norü ĩ̱xãchiãẽgü. Rü ngẽxguma i duü̃xü̃gü rü tá pexü̃ ñanagürügü: —Tupana rü ñoma poraxü̃ i naigü i roblegü i nüma inatogüxü̃rüxü̃ pewa nanango̱xẽxẽ i norü pora —ñanagürügü tá pexü̃.

Yox 42:6

Rü ngẽmaca̱x i ñu̱xma rü marü nüxü̃ charüxo ga yema noxri cumaxã nagu charüxĩnüxü̃. Rü ngẽmaca̱x nua waixü̃müte̱xewa rü tanimacate̱xewa charüto —ñanagürü ga Yox.

Yema Cuáü̃ nüxü̃ dauxü̃ i yixcüra tá ngupetüxü̃chiga 11:3

Rü choma rü tá chanamu i taxre i chorü orearü uruü̃gü i témüxü̃maxã ixãxchiruxü̃ nax 1,260 i ngunexü̃ duü̃xü̃gümaxã nüxü̃ yaxugüxü̃ca̱x i chorü ore”, ñanagürü choxü̃.

Danié 9:3

Rü yemaca̱x chayumüxẽ rü Cori ya Tupanana chaca nax toxü̃ ínanguxü̃xẽẽxü̃ca̱x naxme̱xwa i torü uanügü rü wena torü naanewa toxü̃ nawoeguxẽẽxü̃ca̱x. Rü yemaacü tama chachibüãcüma chayumüxẽ rü témüxü̃ ga naxchirugu chicu̱x rü tanimacate̱xewa charüto.

Amúx 1:9

Rü nüma ya Cori ya Tupana rü ñanagürü ta: —Ngẽma Tírucüã̱xgü rü poraãcü chixexü̃ naxügü rü ngẽmaca̱x taxũtáma íchayachaxãchi nax chanapoxcuexü̃. Yerü nüma ga yema Tírucüã̱xgü rü woo nügümaxã nanaxuegu nax nügü tá nangü̃xẽẽgüxü̃, natürü nüma i Tírucüã̱xgü rü Edóü̃cüã̱xgüxü̃ tümamaxã nataxegüama ga ñuxre ga ĩaneãcugü ga guxema tümamaxã inaxügagüchiréxe