Ore i mexü̃ ga Luca ümatüxü̃ 10:11 - Tupanaarü Ore

¹¹ “Rü woo ñaa perü ĩanearü üxaxü̃ i tocutüwa yaxũxü̃, rü itanapagü, nax ngẽmawa nüxü̃ pecuáxü̃ca̱x nax Tupana rü tama pemaxã nataãẽxü̃. ¡Natürü tama nüxü̃ ipeyarüngümae nax marü pexna nangaicamachiréxü̃ ya Tupana nax perü ãẽ̱xgacü yixĩxü̃”, ñaperügügü tá nüxü̃ i ngẽma ĩanecüã̱x!

Ore i mexü̃ ga Luca ümatüxü̃ 10:11 Referans Kwoze

Ngechuchuarü ngúexü̃gü ga yamugüxü̃arü puracüchiga 13:51

Rü yexguma ga Pauru rü Bernabé rü inapagücutü ga norü üxaxü̃cutü nax yemawa nüxü̃ yacua̱xãchitanüxü̃ca̱x ga norü chixexü̃ ga yema ĩanecüã̱xgü ga duü̃xü̃gü. Rü ñu̱xũchi ga Pauru rü Bernabé rü ĩane ga Icóniowa naxĩ.

Ore i mexü̃ ga Luca ümatüxü̃ 10:9

¡Rü penameexẽxẽ i ngẽma ida̱xaweexü̃ ya yima ĩanewa ngẽxmagüxü̃! ¡Rü namaxã nüxü̃ pixu rü ñapegügü nüxü̃: “Tupana ya Ãẽ̱xgacü ixĩcü rü marü pexna nangaicama”, ñapegügü nüxü̃!

Popera ga Yudíugü ga yaxõgüxü̃ca̱x ümatüxü̃ 1:3

Rü Nanewa nixĩ i nüxü̃ idauxü̃ nax ñuxãcü naxüünexü̃ i nüma ya Tupana. Rü nüma ya Nane, rü Nanatü ya Tupanarüü̃tama nixĩ. Rü ñu̱xma nax guxü̃arü ãẽ̱xgacü yixĩxü̃ ya Nane, rü nüma rü norü orearü poramaxã guxü̃maama inacua̱x. Rü nüma ya Nane nixĩ ga taxca̱x nayuxü̃ nax nüxü̃ rüxoexü̃ca̱x ga tórü pecadugü. Rü yemawena rü Nanatüxü̃tawa naxũ rü yéma Nanatüarü tügünecüwawa nayarüto.

Ngechuchuarü ngúexü̃gü ga yamugüxü̃arü puracüchiga 13:46

Natürü ga Pauru rü Bernabé rü tama namuü̃eãcüma yema Yudíugüxü̃ nangãxü̃gü, rü ñanagürügü: —Tupana nanaxwa̱xe nax pemaxãxíra nüxü̃ tixuxü̃ i norü ore. Natürü ñu̱xma nax nüxü̃ pexoexü̃ i ngẽma ore rü tama penayauxgüchaü̃xü̃ i maxü̃ i taguma gúxü̃, rü ngẽmaca̱x i ñu̱xmax i toma rü tá ngẽma tama Yudíugü ixĩgüxü̃tanüwa taxĩ.

Ngechuchuarü ngúexü̃gü ga yamugüxü̃arü puracüchiga 13:40

Rü pexuãẽgü nax tama pegu nanguxü̃ca̱x i ngẽma poxcu i Tupanaarü orearü uruü̃gü nüxü̃ ixuchigaxü̃ ga yexguma ñagügu:

Ngechuchuarü ngúexü̃gü ga yamugüxü̃arü puracüchiga 13:26

Rü ñanagürü ga Pauru —Pa Chautanüxü̃ i Abraáü̃taagüx, rü Guxãma i Pema i To i nachixü̃anecüã̱x i Tupanaga Ĩnüexex, rü pexca̱x nixĩ i ñaa ore i tüxü̃ maxẽxẽẽxü̃.

Ore i mexü̃ ga Márcu ümatüxü̃ 6:11

Rü ngẽxguma wüxi ya ĩanewa tama mea pexü̃ nayauxgüchaü̃gu rü tama pexü̃́ inaxĩnüẽchaü̃gu, ¡rü ípechoxü̃ i ngéma! Rü ngẽxguma ipexĩãchigu, ¡rü ipenapagü i perü üxaxü̃cutü nax ngẽmawa nüxü̃ nacua̱xgüxü̃ca̱x nax nataxü̃ tá i norü poxcu i ngẽxguma nagu̱xgu i naane! —ñanagürü.

Ore i mexü̃ ga Matéu ümatüxü̃ 10:14

Rü ngẽxguma wüxi ya ĩwa rüe̱xna wüxi ya ĩanewa tama mea pexü̃ nayauxgügu rü tama nüxü̃ naxĩnüechaü̃gu i perü ore, ¡rü ípechoxü̃ nawa ya yima ĩpata rüe̱xna yima ĩane! Rü ngẽxguma ípechoxü̃gu, ¡rü ngẽxma penapagü i perü üxaxü̃cutü!

Romanos 10:21

Rü Tupana rü Ichaíawa Iraétanüxü̃chiga nidexa rü ñanagürü: “Guxü̃ i ngunexü̃gu rü nüxna chaxuecha i ngẽma duü̃xü̃gü i tama chauga ĩnüechaü̃xü̃ rü chomaxã nuexü̃. Natürü tama choxü̃́ inarüxĩnüẽchaü̃”, ñanagürü.

Romanos 10:8

Erü tama ngẽmaãcü nixĩ i Cristuca̱x idauxü̃, yerü yema ore ga Moiché ümatüxü̃ rü ñanagürü: “Marü cuxü̃tawa nangẽxma i Tupanaarü ore. Rü cua̱xwa nangẽxma nax nüxü̃ quixuxü̃ca̱x. Rü cuãẽwa nangẽxma nax nagu curüxĩnüxü̃ca̱x”, ñanagürü. Rü ñu̱xma Pa Chauenexẽgüx, rü ngẽmatama ore nixĩ i duü̃xü̃gümaxã nüxü̃ tixuxü̃. Rü ngẽma ore nixĩ i pexü̃ nüxü̃ cua̱xẽẽxü̃ nax pexü̃́ nangẽxmaxü̃ i maxü̃ ega aixcüma peyaxõgügu.

Echequié 2:5

Rü ñanagürü ta: —Ngẽma duü̃xü̃gü i tama irüxĩnüechaü̃xü̃ rü ngẽxguma woo cuxü̃́ inaxĩnüegu rüe̱xna tama cuxü̃́ inaxĩnüegu, natürü tá nüxna nacua̱xãchie nax natanüwa marü nangẽxmaxü̃ i chorü orearü uruxü̃.

Ore i mexü̃ ga Matéu ümatüxü̃ 3:2

Rü duü̃xü̃gümaxã nüxü̃ nixu rü ñanagürü: —¡Nüxü̃ perüxoe i pecüma i chixexü̃! Erü Tupana ya dauxü̃wa ãẽ̱xgacü ixĩcü rü marü ningaica nax perü ãẽ̱xgacü yixĩxü̃ca̱x —ñanagürü.

Ore i mexü̃ ga Matéu ümatüxü̃ 10:7

¡Rü ngéma natanüwa nüxü̃ peyarüxu nax marü yangaicaxü̃ nax norü ãẽ̱xgacü yixĩxü̃ ya Tupana ya daxũwa ãẽ̱xgacü ixĩcü!

Ore i mexü̃ ga Luca ümatüxü̃ 9:5

Rü ngẽxguma chi wüxi ya ĩanewa tama pexü̃ nayauxgügu ¡rü ípechoxü̃ nawa ya yima ĩane! Rü ngẽxguma ngéma ipexĩãchigu ¡rü ipepagücutü i perü üxaxü̃cutü nax ngẽmawa nüxü̃ nacua̱xgüxü̃ca̱x nax chixexü̃ naxügüxü̃ i ngẽma duü̃xü̃gü! —ñanagürü.

Ore i mexü̃ ga Luca ümatüxü̃ 10:10

Natürü ega nawa pengugügu ya wüxi ya ĩane i ngextá duü̃xü̃gü tama mea pexü̃ íyauxgüxü̃wa, ¡rü yima ĩanearü namagu ípechoxü̃ rü ñapegügü nüxü̃ i ngẽma ĩanecüã̱x!: