Ore i mexü̃ ga Luca ümatüxü̃ 10:1 - Tupanaarü Ore

¹ Rü yemawena ga Cori ya Ngechuchu rü nayadexechi ga 72 ga to ga norü ngúexü̃gü. Rü taxrechigü yoxni nügüpe̱xegu nayamugü nax nawa naxĩxü̃ca̱x ga guxü̃nema ga gumá ĩanegü rü nachicagü ga Ngechuchu nawa ũxchaü̃güne.

Ore i mexü̃ ga Luca ümatüxü̃ 10:1 Referans Kwoze

Ore i mexü̃ ga Luca ümatüxü̃ 9:52

Rü nügüpe̱xegu nayamugü ga ñuxre ga norü orearü ngeruü̃gü. Rü nümagü rü nawa naxĩ ga wüxi ga ĩanexacü ga Chamáriaanewa yexmane, nax yexma naxca̱x yadaugüxü̃ca̱x ga wüxi ga ĩpata nax Ngechuchu nagu pexü̃nexü̃.

Iraétanüxü̃arü muxchiga 11:16

Natürü nüma ga Cori ya Tupana rü Moichéxü̃ nangãxü̃ rü ñanagürü: —¡Ẽcü nanutaque̱xe i 70 i norü ãẽ̱xgacügü i Iraétanüxü̃ i duü̃xü̃gü naga ĩnüexü̃, rü chopatawa nagagü! ¡Rü ngéma choxü̃ namaxã yarüngu̱xẽxẽ!

Ore i mexü̃ ga Luca ümatüxü̃ 1:76

Rü ñanagürü ta: “Cumax, Pa Chaunex, rü Tupana ya guxü̃étüwa ngẽxmacüarü orearü uruxü̃maxã tá cuxü̃ naxugü. Erü cuma rü tá nape̱xe quixũ ya Cori nax yoxni duü̃xü̃gümaxã nüxü̃ quixuxü̃ca̱x i nachiga naxü̃pa nax ínanguxü̃.

Ore i mexü̃ ga Luca ümatüxü̃ 1:17

Rü nüma ya Cuáü̃ rü tá Cori ya Cristupe̱xegu nixũ. Rü Tupanaarü orearü uruxü̃ ga Eríarüxü̃ tá nüxü̃́ nangẽxma i Tupanaãxẽ i poraxü̃, rü tá nüxü̃ narüngü̃xẽxẽ i papagü nax naxacügümaxã nangüxmüexü̃ca̱x. Rü tá nüxü̃ narüngü̃xẽxẽ i ngẽma tama Tupanaga ĩnüechaü̃xü̃ nax Tupanaga naxĩnüexü̃ca̱x. Rü ngẽmaãcü tá duü̃xü̃güxü̃ nimexẽẽgü nax Cori ya Cristuxü̃ nayauxgüxü̃ca̱x —ñanagürü ga yema daxũcüã̱x.

Ore i mexü̃ ga Luca ümatüxü̃ 7:13

Rü yexguma Cori ga Ngechuchu gumá yucüarü mamaxü̃ da̱u̱xgu, rü nüxü̃́ ingechaü̃tümüxü̃. Rü ñanagürü ngĩxü̃: —¡Taxṹ i cuxaxuxü̃! —ñanagürü.

Echequié 8:11

Rü yéma nayexmagü ga 70 ga Iraétanüxü̃arü ãẽ̱xgacügü. Rü yematanüwa nayexma ga Yaachanía ga Chapáü̃ nane. Rü guxü̃ma ga yemagü rü yema tupananetachicüna̱xãgüxü̃ nicua̱xüü̃gü. Rü wüxichigü ga yema ãẽ̱xgacügü rü naxme̱xwa nanange ga wüxi ga pumarate̱xearü guruxü̃. Rü yema pumarate̱xearü guruü̃wa ínaxũxũ ga wüxi ga caixemaxü̃ ga pamüemaxü̃ ga yixixü̃.

Ore i mexü̃ ga Luca ümatüxü̃ 7:19

Rü Ngechuchuxü̃tawa nanamugü. Rü Cuáü̃ rü ñanagürü nüxü̃: —¡Ngéma pexĩ rü Ngechuchuna peca rü ñapegügü nüxü̃: “¿Cuma yixĩxü̃ i Cristu i cuxü̃ ítanangu̱xẽẽxü̃, rü ẽ̱xna to tá yixĩxü̃ i Cristu?” —ñapegügü nüxü̃!