Ore i mexü̃ ga Luca ümatüxü̃ 1:8 - Tupanaarü Ore

⁸ Rü wüxi ga ngunexü̃gu rü yema chacherdótegütücumü ga Chacaría natanüwa üxü̃gu nangu nax Tupanapataarü puracü naxügüxü̃ca̱x.

Ore i mexü̃ ga Luca ümatüxü̃ 1:8 Referans Kwoze

Norü taxre ga to ga popera ga ãẽ̱xgacügüchiga ümatüxü̃ 8:14

Rü yexgumarüxü̃ ta yema nanatü ga Dabí namaxã nüxü̃ ixuxü̃ãcü rü Charomóü̃ rü nüxü̃ nayanu ga norü puracü ga yema chacherdótegü. Rü nüxü̃ nayanu ga norü puracü ga yema Lebítanüxü̃ nax wüxichigü ga ngunexü̃gu rü chacherdótegüxü̃ nangü̃xẽẽgüxü̃ca̱x rü namaxã inacua̱xgüxü̃ca̱x ga Tupanaarü cua̱xüxü̃gü. Rü yexgumarüxü̃ ta nüxü̃ nayanu ga norü puracü ga yema ĩã̱xarü dauruü̃gü ga wüxichigü ga ĩã̱xwa, yerü yemaacü nixĩ ga nüxü̃ yaxuxü̃ ga Tupanaarü duü̃ ga Dabí.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:19

Rü yemaacü yema chacherdótegüxü̃ nayanu ga yema Tupanapata ga taxü̃nearü puracü nax naxügüã̱xü̃ca̱x yema Cori ya Iraétanüxü̃arü Tupana Aróü̃wa nüxü̃ ixuxü̃ãcüma.

Norü taxre ga to ga popera ga ãẽ̱xgacügüchiga ümatüxü̃ 31:2

Rü yemawena ga Echequía rü nüxü̃ nayanu ga yema puracü ga nüxna ixüchigüxü̃ ga yema chacherdótegü rü Lebítanüxü̃. Rü yexgumarüxü̃ ta nüxü̃ nayanu ga norü ngunexü̃gü ga nagu tá naxügüãxü̃ ga norü puracü. Rü chacherdótegüna nanaxã ga puracü nax wüxichigü ga ngunexü̃gu ãmarearü guruü̃wa ãmaregü ínagugüxü̃, rü yexgumarüxü̃ ta nax yagugüãxü̃ ga yema ãmaregü ga Tupanaarü ngüxmüxẽẽruü̃gü. Rü yema Lebítanüxü̃na nanaxã ga norü puracü nax Tupanana moxẽ naxãgüxü̃ rü nüxü̃ yacua̱xüü̃güxü̃. Rü yema totücumü ga Lebítanüxü̃ rü nüxna nanaxã ga norü puracü nax Tupanapata ga taxü̃neaarü ĩã̱xgüna nadaugüxü̃.

Ore i mexü̃ ga Luca ümatüxü̃ 1:5

Rü yexguma Eróde ãẽ̱xgacü ixĩxgu ga Yudéaanewa, rü yéma nayexma ga wüxi ga Yudíugüarü chacherdóte ga Chacaríagu ãégacü. Rü chacherdóte ga Abíatanüxü̃ nixĩ ga nümax. Rü naxma̱xéga rü Erichabé nixĩ. Rü tüma rü chacherdóte ga Aróü̃tanüxü̃ tixĩ.

Édra 6:18

Rü yemawena ga chacherdótegü rü yema norü puracü ga nawa yayexmachigüxü̃wa nayamuchigü. Rü yexgumarüxü̃ ta Lebítanüxü̃ rü namu nax naxügüã̱xü̃ca̱x ga Tupanapataarü puracü ga Yerucharéü̃wa, yema Moichéarü poperawa naxümatüxü̃ãcüma.

Norü taxre ga to ga popera ga ãẽ̱xgacügüchiga ümatüxü̃ 31:19

Rü guxü̃nema ga gumá chacherdótegüarü ĩanegüwa rü norü ĩanexacügüwa nayexmagü ga yatügü ga nüxü̃ naxunetagüxü̃ nax yanuaxü̃ca̱x ga õna nüxü̃ ga yema chacherdótegü ga Aróü̃tanüxü̃. Rü natanüwa rü guxü̃ma ga iyatüxü̃ rü nanayauxgü ga yema õna. Rü guxü̃ma ga yema Lebítanüxü̃ ga iwǘgüxü̃ rü guma ĩanexacügüarü wocachitaü̃gu ãpatagüxü̃ rü ta nanayauxgü ga yema õna.

Norü taxre ga to ga popera ga ãẽ̱xgacügüchiga ümatüxü̃ 11:14

Rü yema Lebítanüxü̃ rü naxĩgü rü yéma nanawogü ga norü carnérugüchitaxü̃gü rü togü ga norü yemaxü̃gü nax Yerucharéü̃wa rü naigü ga Yudáanearü ĩanegüwa naxĩxü̃ca̱x. Yerü nüma ga Yeruboáü̃ rü natanüxü̃ rü tama nanaxwa̱xegü nax yéma nórtewa Tupanaarü puracü naxügüxü̃ ga yema chacherdótegü.

Iraétanüxü̃arü muxchiga 18:7

Natürü cuma rü cunegüxica tá nixĩ i penaxügüxü̃ i ngẽma chacherdótegüarü puracü rü chope̱xewa ãmare pigugüxü̃ rü tüyemachiü̃ruxü̃arü aixepeguama pichocuxü̃ nagu i ucapu i Üünexüchixü̃. Rü ngẽma puracü rü pexica tátama nixĩ i penaxügüxü̃ erü choma rü nagu pexü̃ chamugü nax chacherdótegü pixĩgüxü̃ rü chacherdótegüarü puracü pexügüxü̃ca̱x. Rü ngẽxguma chi texé chacherdótearü puracü uxgu natürü tama chacherdóte tixĩxgu, rü tá yu tümamaxã naxuegu —ñanagürü.

Ínachoxü̃xü̃chiga 30:30

¡Rü ngẽxgumarüxü̃ ta rü ngẽma chíxü̃maxã tá cunabaeru i Aróü̃ rü nanegü nax ngẽmaãcü chorü chacherdótegü yixĩgüxü̃ca̱x!

Ínachoxü̃xü̃chiga 29:44

Rü yima chopata rü ngẽma ãmarearü guruxü̃ rü tá chanaxüünexẽxẽ. Rü ngẽxgumarüxü̃ tá ta i nüma ya Aróü̃ rü nanegü rü tá chanaxüünexẽxẽ nax naxügüã̱xü̃ca̱x i chorü puracü.

Ínachoxü̃xü̃chiga 29:9

¡Rü nüma ya Aróü̃ rü nanegü mea íyagotagü i norü goyexü̃gü rü mea nanga̱xcu i napate̱xegü! Rü ngẽmaãcü tá nüxü̃ cuxuneta nax chorü chacherdótegü yixĩgüxü̃ca̱x. Rü chanaxuegu nax guxü̃gutáma chorü chacherdótegü yixĩgüxü̃ i Aróü̃ nataagü.

Ínachoxü̃xü̃chiga 29:1

Cori ya Tupana rü Moichéxü̃ ñanagürü: —Rü ngẽxguma cuyabaerugu ya Aróü̃ rü nanegü nax chorü chacherdótegü yixĩgüxü̃ca̱x rü chanaxwa̱xe i cuyayaxu i wüxi i wocaxacü i yatüxü̃ rü taxre i carnérugü i iyatüxü̃ i taxuwama chixexü̃.

Ínachoxü̃xü̃chiga 28:41

Rü ngẽma naxchirugü tá nixĩ i nagu cuyacu̱xẽxẽgüxü̃ i cuenexẽ i Aróü̃ rü yima nanegü. Rü ñu̱xũchi tá chíxü̃maxã cuyabaerugüxü̃ nax ngẽmaãcü chorü chacherdótegü yaxĩgüxü̃ca̱x, rü choxü̃́ napuracüexü̃ca̱x.

Ínachoxü̃xü̃chiga 28:1

¡Rü chorü puracüca̱x nüxü̃ naxuneta ya cuenexẽ ya Aróü̃ rü nanegü ya Nadáx, rü Abiú, rü Ereachá, rü Itamá! Rü nümagü tá nixĩ i chorü chacherdótegü.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 24:2

Natürü ga Nadáx rü Abiú rü nanatügüna nüxíra nayue taxũtáma naxãnegüyane. Rü yemaca̱x Ereachá rü Itamá namaxã inacua̱xgü ga yema chacherdótegüarü puracü.

Ore i mexü̃ ga Luca ümatüxü̃ 1:7

Natürü nangexacügü yerü naxma̱x ga Erichabé rü ingexacü. Rü ñu̱xũchi ga nümagü rü marü yaxguã̱xgü nixĩgü.