Ore i mexü̃ ga Luca ümatüxü̃ 1:72 - Tupanaarü Ore

⁷² Rü nũxcümaü̃güxe ga tórü o̱xigümaxã nüxü̃ nixu nax nüxü̃́ tangechaü̃tümüü̃güxü̃ rü tagutáma nüxü̃ inarüngüma ga yema norü uneta ga tümamaxã naxüxü̃.

Ore i mexü̃ ga Luca ümatüxü̃ 1:72 Referans Kwoze

Miquéa 7:20

¡Pa Corix, ẽcü guxü̃guma toxü̃ rüngü̃xẽxẽ rü toxü̃ nangechaxü̃ yema torü o̱xigü ga Abraáü̃maxã rü Acóbumaxã cunaxueguxü̃rüxü̃!

Romanos 11:28

Natürü i nüma i Yudíugü rü Tupanamaxã narüxuanügü erü tama nayaxõgü i ngẽma ore i mexü̃. Rü ngẽmaãcü naxüpetü nax pexü̃́ natauxchaxü̃ca̱x nax peyaxõgüxü̃ca̱x i pema i tama Yudíugü nax pixĩgüxü̃. Natürü nüma ya Tupana rü ngẽma Yudíugüxü̃ nangechaü̃ama yerü nũxcümaü̃güxü̃ ga norü o̱xigümaxã nüxü̃ nixu nax nüxü̃ tá nangü̃xẽẽxü̃.

Echequié 16:60

Natürü i choma rü tá nüxna chacua̱xãchi ga yema uneta ga cumaxã chaxueguxü̃ ga yexguma cupaxgu, Pa Yerucharéü̃x. Rü ñu̱xũchi cumaxã tá chanaxuegu i wüxi i uneta i guxü̃guca̱x ixĩxü̃.

Naanearü ügüchiga 28:14

Rü nümagü i cutaagü rü tá namuxũchi ñoma waixü̃müchicute̱xerüxü̃, rü guxü̃ i naanewa tá nangugü ñu̱xmatáta nórtewa rü súrwa rü éstewa rü oéstewa nangugü. Rü cugagu rü cutaagügagu tá nüxü̃ charüngü̃xẽxẽxü̃ i guxü̃táma i duü̃xü̃gü i ñoma i naanecüã̱x.

Naanearü ügüchiga 26:4

Rü tá chayamuxẽxẽ i cutaagü, rü ñoma ẽxtagü ya daxũwa mucürüxü̃ tá nixĩ nax namuxũchixü̃. Rü tá nüxna chanaxã i guxü̃táma i ñaa naane. Rü naétü tá cutaagügagu nüxü̃ charüngü̃xẽxẽxü̃ i guxü̃ma i nachixü̃anegü i ñoma i naanewa ngẽxmagüxü̃. Erü cunatü ga Abraáü̃ rü chauga naxĩnü rü nayanguxẽxẽ ga yema namaxã nüxü̃ chixuxü̃, rü chorü mugü, rü chorü ucu̱xẽgü, rü chorü ngu̱xẽẽtaegü —ñanagürü.

Echequié 16:8

Rü wena cuxü̃tawa chaxüpetü rü cuxü̃ chadau ga marü nax cuyaxü̃ rü ãmücügu nax curüxĩnüxü̃. Rü ñu̱xũchi wüxi ga mámüxü̃ ga naxchirumaxã cuxü̃ chidüxü yerü cungexchiru. Rü ñu̱xũchi cumaxã chaxüga rü cumaxã nüxü̃ chixu nax choxrü quixĩxü̃. Rü choma ya Cori ya Tupana nixĩ i cumaxã nüxü̃ chixuxü̃ i ngẽma.

Wiyaegü 111:5

Rü tüxü̃ naxüwemü ya yíxema nüxü̃ icua̱xüxü̃güxe. Rü nüma rü taguma nüxü̃ inarüngüma i ngẽma norü uneta ga nüxü̃ yaxuxü̃.

Wiyaegü 98:3

Erü nüma rü tüxü̃ nangechaü̃ rü tama nüxü̃ narüngüma ga norü uneta ga Iraétanüxü̃maxã nüxü̃ yaxuxü̃. Rü yema nax tórü uanügüxü̃ naporamaexü̃ rü guxü̃ i naanewa nanguchiga.

Naanearü ügüchiga 22:18

Rü cutaagügagu tá nixĩ i nüxü̃ charüngü̃xẽxẽxü̃ i guxü̃ma i nachixü̃anegü, erü aixcüma mea chauga cuxĩnü”, ñanagürü cuxü̃ ya Cori ya Tupana —ñanagürü.

Naanearü ügüchiga 12:3

Rü mexü̃ namaxã tá chaxuegu i ngẽma duü̃xü̃gü i mexü̃ cumaxã uegugüxü̃. Rü chixexü̃ tá namaxã chaxuegu i ngẽma duü̃xü̃gü i chixexü̃ cumaxã uegugüxü̃. Rü cugagu tá nixĩ i mexü̃ namaxã chaxueguxü̃ i guxü̃ma i duü̃xü̃gü i ñoma i naanewa ngẽxmagüxü̃ —ñanagürü.

Wiyaegü 105:42

Rü yemaacü aixcüma nayanguxẽxẽ ga yema norü uneta ga üünexü̃ ga nũxcüma norü duü̃ ga Abraáü̃maxã nüxü̃ yaxuxü̃.

Romanos 9:4

Rü nümagü rü chauxrüxü̃ Iraétanüxü̃ nixĩgü. Rü Tupana rü nũxcümaxü̃chima namaxã inaxuneta nax naxacügü yixĩgüxü̃ca̱x. Rü Tupana rü norü üünemaxã natanüwa nayexma rü namaxã inaxuneta rü tá nüxü̃ narüngü̃xẽxẽ ega naga naxĩnüegu. Rü nüxna nanaxã ga yema mugü ga Moiché ümatüxü̃. Rü nanangúexẽxẽ nax nüxü̃ yacua̱xüü̃güxü̃ca̱x. Rü namaxã inaxuneta ga norü unetagü.