Ore i mexü̃ ga Luca ümatüxü̃ 1:71 - Tupanaarü Ore

⁷¹ Rü yema orearü uruü̃güwa nüxü̃ nixu rü tá tüxü̃ ínanguxü̃xẽxẽ naxme̱xwa i tórü uanügü rü guxü̃ma i ngẽma taxchi aiexü̃.

Ore i mexü̃ ga Luca ümatüxü̃ 1:71 Referans Kwoze

Wiyaegü 106:10

Rü yemaacü nixĩ ga norü uanügü ga naxchi aiexü̃me̱xẽwa ínanguxü̃xẽẽãxü̃.

Yeremía 23:6

Rü ngẽxguma nüma ãẽ̱xgacü yixĩxgu rü Yudáane rü taxũtáma to i nachixü̃ane namaxã inacua̱x rü ngẽma Iraéanearü duü̃xü̃gü rü taxuca̱xtama namuü̃e. Rü ngẽma tá namaxã naxugüãxü̃ ya yimá ãẽ̱xgacü rü “Cori ya Tamaxã Poracü”, tá nixĩ i naéga —ñanagürü ga Tupana.

Wenaxarü naxümatü ga Tupanaarü mugü 33:29

¡Pa Iraétanüxü̃x, petaãxẽgü! Pema rü taxúema pemaxã tawüxigu erü nümatama ya Cori ya Tupana nixĩ i pexü̃ ínapoxü̃xü̃, rü pexü̃ nangü̃xẽẽxü̃. Rü nüma nixĩ i perü tara i namaxã perü uanügüxü̃ pedaixü̃. Rü perü uanügü rü pepe̱xegu tá nacaxã́pü̱xügü. Rü pema rü tá penaxãnexẽxẽ rü penapu̱xcuchigüama —ñanagürü ga Moiché.

Echequié 34:28

Rü taxuxü̃táma i togü i nachixü̃anegü chorü duü̃xü̃gümaxã inacua̱x. Rü woo ngẽma naeü̃gü i düraexü̃ rü taxũtáma wena nanangõ̱xcu i chorü duü̃xü̃gü. Rü taãẽãcüma tá namaxẽ rü taxuca̱xtama namuü̃e.

Yeremía 32:37

Rü yexguma chorü duü̃xü̃gümaxã poraãcü chanuxgu rü muxü̃ma ga nachixü̃anegu chanawoone. Natürü wena tá chananutaque̱xe i ngẽma chorü duü̃xü̃gü rü daa Yerucharéü̃cax tá chanawoeguxẽxẽ. Rü ngẽxguma i nümagü rü taãẽãcüma tá namaxẽ rü taxũtáma ãũcümaxü̃wa nangẽxmagü.

Echequié 34:25

Rü chorü carnérugümaxã tá chanaxü i chorü uneta nax taãxẽwa nangẽxmagüxü̃ca̱x. Rü nachixü̃anewa tá chayanaxoxẽxẽ i ngẽma aigü i düraexü̃ nax ngẽmaãcü taãẽãcüma ngẽma naanewa namaxẽxü̃ca̱x rü naixnecügu napegüxü̃ca̱x.

Nüxíraxü̃xü̃ ga popera ga Cuáü̃ ümatüxü̃ 3:8

Natürü yíxema pecadu üechaxe rü ngẽmawa tüxü̃ tacua̱x nax Chatanáarü duü̃xü̃ tixĩxü̃, erü nüma i Chataná rü noxriarü ügügumama pecadu naxüecha. Rü yemaca̱x ga Tupana Nane rü ñoma ga naanewa naxũ nax iyanaxoxẽẽãxü̃ca̱x ga yema Chataná üxü̃.

Echequié 38:8

Rü mucü ya taunecü ngupe̱xtüguwena rü cuxca̱x tá ínangu i wüxi i mu nax naxca̱x ícuyagoõchixü̃ca̱x i wüxi i nachixü̃ane ga daiwa yexmaxü̃ natürü i ñu̱xma rü wenaxarü marü mexü̃. Rü yema duü̃xü̃gü rü noxri muxü̃ma ga nachixü̃anegu nawoonemare rü norü naane rü poraãcü nangeãcu. Natürü wenaxarü Iraéane i máxpü̱xanexü̃ca̱x nawoegu. Rü ñu̱xma rü guxü̃ma i nümagü rü ngéma nangẽxmagü rü taãẽãcü ngéma namaxẽ.

Echequié 28:26

Rü ngéma rü tá taãẽãcüma namaxẽ rü taxúetama tanachixewegü. Rü tá naxüpatagü rü úbamaxã tá natoegü. Rü choma rü tá chanapoxcue i guxü̃ma i ngẽma nachixü̃anegü i nüxna ngaicamagüxü̃ i guxchaxü̃ naxca̱x ínguxẽẽxü̃. Rü ngẽmaãcü i ngẽma duü̃xü̃gü rü tá nüxü̃ nacua̱xgü nax choma yixĩxü̃ i Iraétanüxü̃arü Cori ya Tupana chixĩxü̃” —ñanagürü ga Tupana.

Wiyaegü 106:47

Pa Cori Pa Torü Tupanax ¡toxü̃ rüngü̃xẽxẽ rü toxü̃ ínanguxü̃xẽxẽ naxme̱xwa i ngẽma to i nachixü̃anegü nax ngẽmaãcü nüxü̃ ticua̱xüü̃güxü̃ca̱x i cuéga i üünexü̃! Erü tanaxwa̱xe i taãẽãcüma cuxü̃ ticua̱xüü̃gü.

Ore i mexü̃ ga Luca ümatüxü̃ 1:68

Rü ñanagürü: “Namecümaxüchi ya tórü Cori ga tórü o̱xi ga Iraéarü Tupana. Erü núma tatanüwa nangu nax tüxü̃ nangü̃xẽẽxü̃ca̱x i yixema i norü duü̃xü̃gü nax ixĩgüxü̃.

Norü taxre ga popera ga ãẽ̱xgacügüchiga 17:39

¡Rü cha̱u̱xca̱xica pengutaque̱xegü nax choxü̃ picua̱xüü̃güxü̃ca̱x! Erü choma nixĩ ya Cori ya perü Tupana chixĩxü̃, rü choma tá nixĩ i pexü̃ íchanguxü̃xẽẽxü̃ i perü uanügüme̱xẽwa —ñanagürü nüxü̃.