Ore i mexü̃ ga Luca ümatüxü̃ 1:7 - Tupanaarü Ore

⁷ Natürü nangexacügü yerü naxma̱x ga Erichabé rü ingexacü. Rü ñu̱xũchi ga nümagü rü marü yaxguã̱xgü nixĩgü.

Ore i mexü̃ ga Luca ümatüxü̃ 1:7 Referans Kwoze

Popera ga Yudíugü ga yaxõgüxü̃ca̱x ümatüxü̃ 11:11

Rü nüma ga Abráü̃ rü woo marü nax nayaxü̃ rü naxma̱x ga Chára rü ta nax nayaxü̃ rü taguma naxãxacüxü̃, natürü ngĩxü̃́ nayexma ga wüxi ga nane, yerü nüma ga Abráü̃ rü nayaxõ nax Tupana tá aixcüma yanguxẽẽxü̃ ga yema norü uneta.

1 Chamué 1:2

Rü gumá Ercaná rü nüxü̃́ iyexma ga taxre ga naxma̱x. Rü wüxi ga naxma̱x rü Ána nixĩ ga ngĩéga, rü yema nai ga naxma̱x rü Peniná nixĩ ga ngĩéga. Rü yema naxma̱x ga Peniná rü ixãxacü, natürü ga yema naxma̱x ga Ána rü ingexacü.

Naanearü ügüchiga 18:11

Natürü ga nüma ga Abraáü̃ rü naxma̱x ga Chára rü marü nayae. Rü ngĩma ga Chára rü marü ngĩxna inayarüxo ga nax nachixewexü̃.

Naanearü ügüchiga 25:21

Rü Ichaá naxma̱x ga Rebéca rü tama nüxü̃́ ixãxacü. Rü yemaca̱x ga Ichaá rü Cori ya Tupanana naca nax naxãxacüxü̃ca̱x. Rü nüma ga Tupana rü nüxü̃ naxĩnü ga norü yumüxẽ rü ixãxacü.

Norü taxre ga popera ga ãẽ̱xgacügüchiga 4:14

Rü yexguma nüma ga Erichéu rü Guexáchina naca rü ñanagürü: —¿Cuxca̱x rü ta̱xacü i mexü̃ nax ngĩca̱x naxüxü̃? —ñanagürü. Rü nüma ga Guexáchi rü nanangãxü̃ rü ñanagürü: —Ngĩma rü ingexacü rü ñu̱xũchi yimá ngĩte rü marü naya —ñanagürü.

Naanearü ügüchiga 17:17

Rü yexguma ga Abraáü̃ rü waixü̃müanegu nanangücuchi. Natürü nüxü̃ nacugüãcüma nügüãẽwa ñanagürü: —¿Ẽ̱xna wüxi ya yatü ya 100 ya taunecü nüxü̃́ ngẽxmacü rü tá naxãxacüxü̃ nax papa yixĩxü̃ca̱x? ¿Rü Chára rü tá naxãxacüxü̃ nax marü 90 ya taunecü ngĩxü̃́ ngẽxmaxü̃? —ñaxü̃gu narüxĩnü ga naãẽwa.

Romanos 4:19

Rü Abraáü̃ rü wixguxüchi 100 ga taunecü nüxü̃́ nayexma ga yexguma. Natürü tama inayarümaãchi ga nax yaxõõxü̃ woo nüxü̃ nax nacuáxü̃ ga paxa tá nax nayuexü̃ ga nüma rü nama̱x ga Chára rü marü poraãcü nangupetüarü taunecüã̱xgüxü̃ nax naxãxacügüxü̃ca̱x.

Nüxíraxü̃xü̃ ga popera ga ãẽ̱xgacügüchiga 1:1

Rü nüma ga ãẽ̱xgacü ga Dabí rü nayaxüchi. Rü yemaca̱x woo ñuxre ga düxruü̃maxã nax yadüxgüãxü̃ rü nüxü̃ nanadeyuama.

Naanearü ügüchiga 30:1

Rü yexguma Raqué nüxü̃ icua̱xãchigu nax tama Acóbuaxü̃́ naxãxacüxü̃, rü iyaxãũxãchi naxca̱x nax ngĩeya̱x ga Léaxicatama ãxacüxü̃. Rü yemaca̱x ngĩtexü̃ ngĩgürügü: —Ngẽxguma taxũtáma cuxü̃́ chaxãxacügu rü tá chayu —ngĩgürügü.

Ore i mexü̃ ga Luca ümatüxü̃ 1:5

Rü yexguma Eróde ãẽ̱xgacü ixĩxgu ga Yudéaanewa, rü yéma nayexma ga wüxi ga Yudíugüarü chacherdóte ga Chacaríagu ãégacü. Rü chacherdóte ga Abíatanüxü̃ nixĩ ga nümax. Rü naxma̱xéga rü Erichabé nixĩ. Rü tüma rü chacherdóte ga Aróü̃tanüxü̃ tixĩ.

Ore i mexü̃ ga Luca ümatüxü̃ 1:6

Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Ore i mexü̃ ga Luca ümatüxü̃ 1:8

Rü wüxi ga ngunexü̃gu rü yema chacherdótegütücumü ga Chacaría natanüwa üxü̃gu nangu nax Tupanapataarü puracü naxügüxü̃ca̱x.