Ore i mexü̃ ga Luca ümatüxü̃ 1:63 - Tupanaarü Ore

⁶³ Rü yexguma ga Chacaría rü wüxi ga mürapewaxacüca̱x ínaca nax yexma naxümatüaxü̃ca̱x ga naéga. Rü yexma nanaxümatü, rü ñanagürü: “Cuáü̃ tá nixĩ i naéga”, ñanagürü ga namatü. Rü guxü̃ma ga duü̃xü̃gü rü naba̱i̱xãchiãẽgü.

Ore i mexü̃ ga Luca ümatüxü̃ 1:63 Referans Kwoze

Ore i mexü̃ ga Luca ümatüxü̃ 1:60

Natürü naé ga Erichabé rü tama inaxwa̱xe. Rü ngĩgürügü: —Narümemae nixĩ i Cuáü̃gu tanaxüéga —ngĩgürügü.

Ore i mexü̃ ga Luca ümatüxü̃ 1:13

Natürü yema daxũcüã̱x ga Tupanaarü orearü ngeruxü̃ rü ñanagürü nüxü̃: —Pa Chacaríax, ¡taxṹ i cumuü̃xü̃! Erü Tupana rü marü nüxü̃ naxĩnü i curü yumüxẽ. Rü cuxma̱x i Erichabé rü cuxü̃́ tá ixãxãcü, rü Cuáü̃gu tá cunaxüéga.

Ichaía 30:8

Rü yexguma ya Cori ya Tupana rü Ichaíaxü̃ ñanagürü: —¡Nua naxũ rü duü̃xü̃güpe̱xewa wüxi i mürapewatachinügu naxümatü i ñaa dexagü nax ngéma nangẽxmaechaxü̃ca̱x rü guxü̃guma ngẽmawa duü̃xü̃gü nüxna nacua̱xãchiexü̃ca̱x i ngẽma nüxü̃ chixuxü̃! —ñanagürü.

Abacú 2:2

Rü nüma ga Cori ya Tupana rü choxü̃ nangãxü̃ rü ñanagürü: —¡Wüxi i mürapewatachinügu naxümatü i ngẽma tá cuxü̃ chawéxü̃ nax ngẽmaãcü tauxchaãcü duü̃xü̃gü nüxü̃ daumatüxü̃ca̱x!

Yeremía 17:1

Rü nüma ga Cori ya Tupana rü ñanagürü: —Pa Yudátanüxü̃x, ngẽma perü pecadu rü perü maxü̃ne ya itaixü̃negu naxümatü namaxã i purumáũ i fierunaxca̱x i diamántepe̱xexü̃. Rü ngẽxgumarüxü̃ ta perü ãmaregüarü guruü̃chata̱xcuregu naxümatü i perü pecadugü.

Ucu̱xẽgüchiga 3:3

¡Taxṹ i nüxü̃ curüxoxü̃ nax Tupanaxü̃ cungechaxü̃xü̃ rü quixaixcümaxü̃! ¡Rü nagu namaxü̃ i ngẽma nacümagü, rü guxü̃guma cugüãẽwa nagu rüxĩnü ñoma wüxi i nachagü i yigünaawa inga̱xcuchixü̃rüxü̃!

Ore i mexü̃ ga Matéu ümatüxü̃ 8:10

Rü yexguma yemaxü̃ naxĩnügu ga Ngechuchu rü naba̱i̱xãchiãxẽ. Rü ñanagürü nüxü̃ ga yema duü̃xü̃gü ga nawe rüxĩxü̃: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ñaa yatürüxü̃ aixcüma yaxõxü̃.