Ore i mexü̃ ga Luca ümatüxü̃ 1:6 - Tupanaarü Ore

⁶ Rü nüma ga Chacaría rü naxma̱x ga Erichabé rü meama Tupanape̱xewa, namaxẽ rü aixcüma naga naxĩnüe ga norü mugü. Rü yemaacü taxucürüwa texé chixri nachiga tidexagü

Ore i mexü̃ ga Luca ümatüxü̃ 1:6 Referans Kwoze

Naanearü ügüchiga 7:1

Rü yemawena ga Tupana rü Noéxü̃ ñanagürü: —Natanüwa i guxü̃ma i ñaa duü̃xü̃gü rü cuxicatama nixĩ i chorü ngúchaü̃ãcüma cumaxü̃xü̃. ¡Rü ngẽmaca̱x guxü̃ma i cunegümaxã nagu ixüe ya yima wapuru!

Naanearü ügüchiga 17:1

Rü yexguma Abráü̃ 99 ga taunecü nüxü̃́ yexmagu rü Cori ya Tupana naxca̱x nango̱x rü ñanagürü nüxü̃: —Choma nixĩ ya Tupana ya Guxü̃étüwa Ngẽxmacü chixĩxü̃. Rü chanaxwa̱xe i aixcüma mea cumaxü̃ i chope̱xewa.

Filipenses 2:15

Rü name i ngẽmaãcü mea pemaxẽ nax taxúema ta̱xacürü chixexü̃xü̃ pewa iyanga̱u̱xü̃ca̱x. Rü penaxwa̱xe i Tupanaxacügü i mea maxẽxü̃ pixĩgü i natanüwa i ngẽma duü̃xü̃gü i chixexü̃ rü chixeãẽgümarexü̃. Rü ngẽxguma ngẽma duü̃xü̃gümaxã nüxü̃ pixugüyane i ngẽma ore i mexü̃ i tüxü̃ maxẽxẽẽxü̃, rü natanüwa rü ñoma woramacurigü ya ẽanexü̃wa ibáixgücürüxü̃ tá pixĩgü. Rü ngẽmaãcü i ngẽxguma wena núma naxũxgu ya Cristu rü choma rü tá chataãxẽ, erü tá nüxü̃ chadau nax tama natüca̱xmamare yixĩxü̃ ga yema puracü ga petanüwa chaxüxü̃.

Ngechuchuarü ngúexü̃gü ga yamugüxü̃arü puracüchiga 24:16

Rü ngẽmaca̱x nixĩ i guxü̃guma mea chaugüna chadauxü̃ nax chauãẽwa mexü̃gu charüxĩnüxü̃ i Tupanape̱xewa rü duü̃xü̃güpe̱xewa.

Nüxíraxü̃xü̃ ga popera ga ãẽ̱xgacügüchiga 9:4

Rü ngẽxguma cunatü ya Dabírüxü̃ mea chope̱xewa cumaxü̱̃xgu rü quixaixcümagu rü guxü̃gutáma naga cuxĩnügu i chorü mugü, rü choma rü guxü̃gutáma Iraéanewa ãẽ̱xgacügüxü̃ chayaxĩgüxẽxẽ i cunegü rü cutaagü, yema cunatü ga Dabímaxã ichaxunetaxü̃rüxü̃ ga yexguma namaxã nüxü̃ chixuxgu nax tagutáma nataxuxü̃ i nataagü i Iraéanecüã̱xgüarü ãẽ̱xgacü ixĩxü̃.

1 Tesalonicenses 3:13

Rü tanaxwa̱xegü nax tórü Cori ya Ngechuchu pexü̃ rüngü̃xẽẽxü̃ nax peãẽwa aixcüma mea peyaxõgüxü̃ca̱x rü norü duü̃xü̃gü i aixcüma mexü̃gü nax pixĩgüxü̃ca̱x rü nax nataxuxü̃ca̱x i perü pecadugü i nape̱xewa ya Tanatü ya Tupana i ngẽxguma wena núma naxũxgu ya tórü Cori ya Ngechuchu ya Cristu namaxã i guxü̃ma i ngẽma Tupanaarü Duü̃xü̃gü i Üünexü̃. Rü ngẽmaãcü yixĩx.

Yox 1:1

Rü Úxanegu naxãchiü̃ ga wüxi ga yatü ga Yoxgu ãégacü. Nüma rü meama namaxü̃ rü nataxuma ga chixexü̃ ga nachiga. Rü aixcüma Tupanaarü ngúchaü̃ naxü, rü nügüna nadau nax taxúemaxã chixexü̃ naxüxü̃.

Nüxíraxü̃xü̃ ga popera ga Cuáü̃ ümatüxü̃ 2:3

Rü ngẽxguma chi naga ixĩnüegu i norü mugü, rü nüxü̃ tacua̱x nax aixcüma Tupanaxü̃ icuáxü̃.

Norü taxre ga popera ga Pedru ümatüxü̃ 3:14

Rü ngẽmaca̱x, Pa Chauenexẽgü ya Pexü̃ Changechaü̃güxe, rü ñu̱xma nax ípenangu̱xẽẽxü̃ i ngẽma, rü name nixĩ i pora pexüe nax Tupanape̱xewa taxuwama nachixexü̃ca̱x i perü maxü̃ rü Tupanamaxã petaãẽgüxü̃ca̱x i ngẽxguma wena núma naxũxgu.

Yox 1:8

Rü yexguma ga nüma ga Cori rü ñanagürü nüxü̃: —¿Tama ẽ̱xna cunangugü ya yimá chorü duü̃ ya Yox? Erü nataxuma i ngẽma naanewa ya yimárüxü̃ aixcüma chauga ĩnücü rü mea cha̱u̱xca̱x maxü̃cü. Rü nataxuxü̃ma i chixexü̃ i nachiga rü mea nügüna nadau nax taxúemaxã chixexü̃ naxüxü̃ca̱x —ñanagürü.

Nüxíraxü̃xü̃ ga popera ga Cuáü̃ ümatüxü̃ 3:7

Pa Chauxacügüx, ¡taxṹ i naga pexĩnüexü̃ i ngẽma duü̃xü̃gü i pexü̃ womüxẽẽgüchaü̃xü̃! Yíxema mexü̃ ǘxe rü aixcüma mecü tixĩ, ngẽxgumarüxü̃ ya Cristu nax aixcüma mecü yixĩxü̃rüxü̃.

Nüxíraxü̃xü̃ ga popera ga Cuáü̃ ümatüxü̃ 2:29

Pema nüxü̃ pecua̱x nax Cristu rü aixcüma mecü yixĩxü̃. Rü ngẽxgumarüxü̃ ta name nixĩ nax nüxü̃ pecuáxü̃ nax guxü̃ma i duü̃xü̃gü i aixcüma mexü̃ ügüxü̃ rü Tupanaxacügü nax yixĩgüxü̃.

Colosenses 1:22

Natürü nüma ya Cristu rü yexguma curuchagu nayu̱xgu rü Tupanamaxã pexü̃ inarüngü̃xmüexẽxẽ. Rü yemaacü nanaxü ga Cristu nax nügüxü̃tawa pexü̃ nagagüxü̃ca̱x rü nape̱xewa pimexü̃ca̱x rü nataxuxü̃ca̱x i perü chixexü̃.

2 Corintios 1:12

Rü ngẽma toxü̃ taãẽxẽẽxü̃ nixĩ nax toõxẽwa nüxü̃ tacuáxü̃ nax ñoma i naanewa rü aixcüma Tupana naxwa̱xexü̃ãcüma mea tamaxẽxü̃. Rü pepe̱xewa nixĩ ga guxü̃arü yexera yemaacü mea tamaxẽxü̃. Natürü tocüma rü tama ñoma i naanecüã̱xarü cua̱xwa ne naxũ, erü Tupana ya toxü̃ ngechaü̃cü nixĩ ya nüxü̃́ tayaxõcü.

1 Corintios 11:2

Pa Chauenexẽgüx, pemaxã chataãxẽ erü guxü̃guma chaugu perüxĩnüe rü nagu pexĩ ga yema ngu̱xẽẽtae ga pexü̃ changúexẽẽxü̃.

Ngechuchuarü ngúexü̃gü ga yamugüxü̃arü puracüchiga 23:1

Rü Pauru meama nüxü̃ nadawenü ga yema Yudíugüarü ãẽ̱xgacügütücumü, rü ñanagürü nüxü̃: —Pa Chautanüxü̃x, chomatama nüxü̃ chacua̱x nax guxü̃guma mea chamaxü̃ ga Tupanape̱xewa ñu̱xmata ñoma i ngunexü̃wa nangu —ñanagürü.

Yox 9:2

—Choma rü meama nüxü̃ chacua̱x i guxü̃ma i ngẽma nüxü̃ quixuxü̃. Rü aixcüma nixĩ nax Tupanape̱xewa rü nataxuxü̃ ya yatü ya ngearü chixexü̃ã́cü.

Norü taxre ga popera ga ãẽ̱xgacügüchiga 20:3

—Pa Corix, Pa Tupanax, cuxü̃ chaca̱a̱xü̃ nax nüxna cucua̱xãchixü̃ca̱x nax ñuxãcü cuxca̱x chapuracüxü̃ rü guxü̃guma chanaxüxü̃ ga yema cuma namaxã cutaãẽxü̃ —ñanagürü. Rü yema ñaxguwena rü ñu̱xũchi poraãcü naxaxu.

Naanearü ügüchiga 6:9

Rü ñaa nixĩ i Noéchiga. Rü nüma ga Noé rü wüxi ga yatü ga mecü nixĩ, rü guxü̃guma Cori ya Tupanaga naxĩnü. Rü natanüwa ga yema duü̃xü̃gü ga yexgumaxü̃cüü maxẽxü̃, rü nüxicatama nixĩ ga Cori ya Tupana naxwa̱xexü̃ãcü namaxü̃xü̃.

Ore i mexü̃ ga Luca ümatüxü̃ 16:15

Rü yexguma ga Ngechuchu rü ñanagürü nüxü̃: —Pema rü duü̃xü̃güpe̱xewa mea pemaxẽneta, natürü Tupana pexü̃ nacua̱x nax ta̱xacügu perüxĩnüexü̃. Rü woo duü̃xü̃gü pexü̃ nicua̱xüü̃gü naxca̱x i ngẽma pexüxü̃, natürü Tupana rü naãxẽwa nangu̱x i ngẽma —ñanagürü ga Ngechuchu.

Wenaxarü naxümatü ga Tupanaarü mugü 5:33

¡Rü nagu pexĩ i ngẽma ore i Cori ya perü Tupana pexü̃ muxü̃ nax ngẽmaãcü mea pexü̃ nangupetüxü̃ca̱x rü mucüma ya taunecü nawa pemaxẽxü̃ca̱x i ngẽma naane i tá pexna naxãxü̃ nax pexrüxü̃ yixĩxü̃ca̱x! —ñanagürü ga Moiché.

Nüxíraxü̃xü̃ ga popera ga ãẽ̱xgacügüchiga 15:5

Rü nüma ga Dabí rü mea Tupanape̱xewa namaxü̃ rü guxü̃guma naga naxĩnü rü nayanguxẽxẽ ga yema norü mu. Rü yema chixexü̃ ga Dabí üxü̃, rü Itítanüxü̃ ga Uríaxü̃ nax yamáxü̃xicatama nixĩ.

Ore i mexü̃ ga Luca ümatüxü̃ 1:7

Natürü nangexacügü yerü naxma̱x ga Erichabé rü ingexacü. Rü ñu̱xũchi ga nümagü rü marü yaxguã̱xgü nixĩgü.

Ore i mexü̃ ga Luca ümatüxü̃ 2:25

Rü yexgumaü̃cüxü Yerucharéü̃gu naxãchiü̃ ga wüxi ga yatü ga Chimeóü̃gu ãégacü. Rü wüxi ga yatü ga mecümacü nixĩ ga nümax, rü aixcüma Tupanaxü̃ ngechaü̃cü nixĩ. Rü nüma rü ínanangu̱xẽxẽ nax ínanguxü̃ ya Iraétanüxü̃arü nguxü̃xẽẽruxü̃. Rü Tupanaãxẽ ya Üünecü rü Chimeóü̃wa nayexma, rü nüxü̃ nüxü̃ nacua̱xẽxẽ nax taxũtáma nayuxü̃ ega tama nüxü̃ nadauxíragu ya Cristu ya Cori ya Tupana nüxü̃ unetacü.

Ngechuchuarü ngúexü̃gü ga yamugüxü̃arü puracüchiga 2:25

Rü nüma ga ãẽ̱xgacü ga Dabí rü Ngechuchuchigagu nidexa, rü ñanagürü: “Guxü̃guma nachauxü̃tagu ya Cori ya Tupana rü choxü̃ narüngü̃xẽxẽ nax taxuca̱xma chaxoegaãẽxü̃ca̱x.

Ngechuchuarü ngúexü̃gü ga yamugüxü̃arü puracüchiga 8:21

Cumax rü taxucürüwama cunayaxu i ngẽma pora, erü curü maxü̃ rü tama name i Tupanape̱xewa.

Romanos 8:4

Rü yemaacü Tupana Nanemaxã nanaxü nax tüxü̃ nangü̃xẽẽxü̃ca̱x nax yanguxẽẽxü̃ca̱x i ngẽma tüxü̃ namuxü̃ i ngẽma mugü. Rü ñu̱xma rü tama ñoma i taxü̃ne naxwa̱xexü̃ãcüma tamaxẽ, natürü Tupanaãxẽ ya Üünecü naxwa̱xexü̃ãcüma nixĩ i imaxẽxü̃.

Norü taxre ga to ga popera ga ãẽ̱xgacügüchiga ümatüxü̃ 17:4

Rü nüma rü nüxü̃ nicua̱xüxü̃ ga nanatüarü Tupana rü naga naxĩnü ga norü mugü. Rü tama naxca̱x nadauxü̃tae ga yema nacüma ga chixexü̃ ga Iraéanecüã̱x nagu ĩxü̃.