Ore i mexü̃ ga Luca ümatüxü̃ 1:51 - Tupanaarü Ore

⁵¹ Rü guxü̃ ga norü poramaxã inayanaxoxẽxẽ ga yema nagu naxĩnüexü̃ ga yema nügütama icua̱xüü̃güxü̃.

Ore i mexü̃ ga Luca ümatüxü̃ 1:51 Referans Kwoze

Wiyaegü 98:1

¡Rü ngexwaca̱xü̃xü̃ i wiyaegu Cori ya Tupanaca̱x pewiyaegü! Yerü muxü̃ma ga mexü̃ ga taxü̃gü norü poramaxã naxü. Rü nachacüxü ya üünene rü poranemaxã tórü uanügüxü̃ narüporamae.

Ichaía 52:10

Rü Tupana rü guxü̃ i nachixü̃anegüxü̃ nanawe̱x i norü pora. Rü guxü̃ i nachixü̃anegüwa tá nüxü̃ nacua̱xgü nax tórü Tupana tüxü̃ ínguxü̃xẽẽxü̃.

Ichaía 51:9

¡Pa Tupanax, paxa nango̱xẽxẽ i curü pora! ¡Rü inawe̱x i curü pora ga yexguma nũxcüma icunawe̱xgurüxü̃! ¿Tama ẽ̱xna cuma yixĩxü̃ ga cunada̱i̱xü̃ ga yema Equítuanecüã̱xgü ga yexguma cuyapayexẽẽgu ga már rü natamawa cuyachoü̃xẽẽgu ga curü duü̃xü̃gü ga Equítuanecüã̱xme̱xẽwa ícunguxü̃xẽxẽxü̃?

Romanos 1:21

Yerü woo nüxü̃ nacua̱xgüchire̱x nax ñuxãcü yixĩxü̃ ga Tupana, natürü tama nanayauxgüchaü̃ nax norü Tupana yixĩxü̃ca̱x, rü bai nax moxẽ nüxna naxãgüxü̃. Natürü yema taxuwama mexü̃guama narüxĩnüe, rü yemaacü naechitamare namaxẽ rü yexeraãcü chixexü̃gu narüxĩnüe.

Danié 4:37

Rü ngẽmaca̱x i ñu̱xmax i chomax i Nabucudonochó rü nüxü̃ chicua̱xüxü̃ rü chanataxẽxẽ ya yimá Tupana i dauxü̃guxü̃ i naanewa ãẽ̱xgacü ixĩcü. Erü guxü̃ma i ngẽma naxüxü̃ rü aixcüma name, rü nüxü̃́ natauxcha nax tüxü̃ naxãnexẽẽxü̃ ya yíxema tügü írütagüxe” —ñachagürü.

Ichaía 63:12

¿Rü ngexcü nixĩ i ñu̱xma ya yima Tupana ga norü poramaxã Moichéxü̃ ümücücü? ¿Rü ngexcü nixĩ ya yimá Tupana ga tachigacü ga yexguma már yapachitamaxẽẽgu nax yachoü̃xü̃ca̱x ga norü duü̃xü̃gü ñoma wüxi i cowaru i paanexü̃wa ixüexü̃ i tama iwĩxĩchixü̃rüxü̃?

Ichaía 40:10

Rü marü norü poramaxã ínangu ya Cori ya Tupana, rü guxü̃táma i ngẽma norü poramaxã duü̃xü̃gümaxã inacua̱x. Rü marü ínananguxü̃xẽxẽ rü nanawoeguxẽxẽ i norü duü̃xü̃gü ga norü uanügü togü ga nachixü̃anewa gagüxü̃.

Wiyaegü 118:15

Rü ngẽma Tupanaarü duü̃xü̃gü rü napatagüwa taãẽãcüma nawiyaegü i ngẽxguma nüxü̃ naxĩnüegu nax Tupana nüxü̃ naporamaegüxẽẽxü̃ i ngẽma namaxã rüxuanüã̱xgüxü̃. Rü ñanagürügü: —Nüma ya Cori ya Tupana rü norü poramaxã tüxü̃ ínapoxü̃ nüxna i ngẽma tamaxã rüxuanüã̱xgüxü̃.

Wiyaegü 89:10

Rü cuma rü cunanguxẽxẽ ga Equítuane ñoma wüxi i churara i poraxü̃ i daigu yuxü̃rüxü̃. Rü cuchacüxü ya poraxüchinemaxã cunawoone i ngẽma cumaxã rüxuanügüxü̃.

Naanearü ügüchiga 6:5

Natürü ga Cori ya Tupana rü nüxü̃ nadau nax ñoma ga naanewa poraãcü chixexü̃ naxügüxü̃ ga duü̃xü̃gü rü chixexü̃guxicatama naxĩnüexü̃.

Yema Cuáü̃ nüxü̃ dauxü̃ i yixcüra tá ngupetüxü̃chiga 18:8

Rü ngẽmaca̱x tá nixĩ i wüxitatama i ngunexü̃gu ínanguxü̃ i ngẽma ĩanearü poxcu. Rü ngẽma ĩanecüã̱x rü ngúanemaxã tá nayue, rü poraãcü tá nangechaü̃gü, rü tá naxauxe rü poraãcü taiya tá nüxü̃́ nangu̱x, rü norü ĩane rü üxümaxã tá nigu. Erü naporaxüchi ya yimá Cori ya Tupana i ngẽma ĩanexü̃ poxcucü”, ñanagürü ga yema naga.

Nüxíraxü̃xü̃ ga popera ga Pedru ümatüxü̃ 5:5

Rü ngẽxgumarüxü̃ ta i pemax, Pa Ngextü̱xücügüx, rü name nixĩ i naga pexĩnüe i ngẽma perü ãẽ̱xgacügü i Tupanaarü puracümaxã icua̱xgüxü̃. Rü guxãma i pema i yaxõgüxü̃, rü name nixĩ i wüxichigü mea pegüga pexĩnüe rü tama pegügu perüxĩnüe nax pemücügüarü yexera pixĩgüxü̃. Erü Tupanaarü ore i ümatüxü̃wa rü ñanagürü: “Tupana rü tama norü me nixĩ i ngẽma duü̃xü̃gü i nügü icua̱xüxü̃güxü̃. Natürü nüxü̃ narüngü̃xẽxẽ rü namaxã namecüma i ngẽma duü̃xü̃gü i tama nügü icua̱xüxü̃güxü̃”, ñanagürü i ngẽma ore.

Wiyaegü 89:13

Rü yima cuchacüxü rü naporaxüchi. Rü yima curü tügünechacüxü rü napora rü yimamaxã nüxü̃ curüporamae i ngẽma cumaxã rüxuanügüxü̃.

Wiyaegü 63:5

Rü choma rü cumaxã tá chataãẽxü̃chi ñoma wüxi i duü̃xü̃ i õna i taxü̃maxã taãẽxü̃rüxü̃. Rü taãẽãcü cha̱u̱a̱xmaxã tá cuxü̃ chicua̱xüxü̃.

Wiyaegü 52:9

Pa Tupanax, choma rü guxü̃gutáma moxẽ cuxna chaxã rü cuxü̃ chicua̱xüxü̃ naxca̱x i ngẽma cuxüxü̃. Rü nape̱xewa i ngẽma cuxü̃́ yaxõgüxü̃ rü tá mea cuxü̃ íchanangu̱xẽxẽ, erü chomaxã cumecüma.

Wiyaegü 33:10

Rü nüma ya Cori ya Tupana rü nagu nayanaxoxẽxẽ i ngẽma nagu naxĩnüexü̃ i ngẽma duü̃xü̃gü i tama nüxü̃́ yaxõgüxü̃.

Wenaxarü naxümatü ga Tupanaarü mugü 4:34

¿Rü nangẽxmaxü̃ i ta̱xacürü tupana i guxü̃ i nachixü̃anegütanüwa ínanguxü̃xẽxẽxü̃ i wüxitücumü i duü̃xü̃gü nax norü duü̃xü̃gü yaxĩgüxü̃ca̱x? Natürü nüma ga Cori ya perü Tupana rü Equítuanewa pexü̃ ínagaxü̃ naétüwa ga muxü̃ma ga guxchaxü̃gü. Rü inanawe̱x ga norü pora ga yexguma inawéãgu ga cua̱xruü̃gü rü taxü̃ ga mexü̃gü rü ãũcümaxü̃gü rü daigü ga pepe̱xewa Equítuanewa pexca̱x naxüxü̃.

Ínachoxü̃xü̃chiga 18:11

Rü ñu̱xmax rü nüxü̃ chacua̱x nax nüma ya Cori ya Tupana rü guxü̃ma i tupananetagüétüwa nangẽxmaxü̃, yerü nüma ya Tupana rü Iraétanüxü̃xü̃ ínanguxü̃xẽxẽ naxme̱xwa ga yema duü̃xü̃gü ga nagu idaucüraxü̃güxü̃ —ñanagürü.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Naanearü ügüchiga 11:8

Rü yemaacü nixĩ ga Cori ya Tupana ga guxü̃ ga naanegu nawooneãxü̃ ga yema duü̃xü̃gü. Rü yemaacü nüxü̃ narüxoe ga nax naxügüãxü̃ ga guma ĩane.

Yeremía 49:15

Pa Edóü̃x, cuma tá nixĩ i guxü̃ i nachixü̃anegütanüwa cuturaxü̃. Rü tá cuxü̃ nacugüe rü tá cuxchi naxaie i duü̃xü̃gü.