Ore i mexü̃ ga Luca ümatüxü̃ 1:27 - Tupanaarü Ore

²⁷ Rü Gábi rü ngĩxü̃tawa naxũ ga wüxi ga pacü ga taguma yatü ngĩmaxã maxü̃cü. Rü María nixĩ ga ngĩéga. Rü ngĩma rü ixãtechaü̃ namaxã ga wüxi ga yatü ga Yúchegu ãégacü. Rü nüma ga Yúche rü nũxcümaü̃cü ga ãẽ̱xgacü ga Dabítanüxü̃ nixĩ.

Ore i mexü̃ ga Luca ümatüxü̃ 1:27 Referans Kwoze

Ore i mexü̃ ga Matéu ümatüxü̃ 1:18

Rü ñaãcü nixĩ ga yexguma nabuxgu ga Ngechuchu ya Cristu. Rü naé ga María rü marü Yúchemaxã ixãtechaü̃. Natürü naxü̃pa ga nügüna nax nangugüxü̃ rü marü Tupanaãxẽ i Üünexü̃arü pora ngĩxü̃ nabáxi rü yemaca̱x ixãxacü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Ore i mexü̃ ga Matéu ümatüxü̃ 1:16

Rü Acóbu rü Yúchenatü nixĩ. Rü Yúche rü María ngĩte nixĩ. Rü ngĩma ga María rü naé iyixĩ ga Ngechuchu ya Cristu.

Ore i mexü̃ ga Matéu ümatüxü̃ 1:23

“Rü tá tauemacü ngĩxü̃ inayarütaxu i ngẽma nge i taguma yatüxü̃ cua̱xcü. Rü tá nayatü. Rü Emanué tá nixĩ i naéga. Rü ngẽma naéga rü ‘Tupana rü tatanüwa nangẽxma’, ñaxü̃chiga nixĩ”, ñanagürü.

Yeremía 31:22

Pa Iraétanüxü̃x, ¿ñuxguratáta nüxü̃ perüxoexü̃ nax choxna nu ne penaxĩmarexü̃ ñoma wüxi i pacü i ngĩnatüna nu ne naxũmarecürüxü̃? Rü choma rü tá chanango̱xẽxẽ i ta̱xacü i ñoma i naanewa ngexwaca̱xü̃xü̃. Rü wüxi i ngexü̃ i nateca̱x taeguxü̃rüxü̃ rü pema rü tá cha̱u̱xca̱x pewoegu —ñanagürü.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Ore i mexü̃ ga Luca ümatüxü̃ 1:28

Rü yema nachica ga María nawa yexmaxü̃gu naxücu ga Gábi, rü ñanagürü ngĩxü̃: —Nuxmae Pa Maríax. Tupana rü poraãcü cumaxã nataãxẽ, rü cuxü̃tawa nangẽxma. Rü guxü̃ i ngexü̃güarü yexera marü cuxü̃ narüngü̃xẽxẽ —ñanagürü.