Ore i mexü̃ ga Luca ümatüxü̃ 1:26 - Tupanaarü Ore

²⁶ Rü yexguma 6 ga tauemacü marü ngĩxü̃́ mexgu ga Erichabé nax naxãxacüxü̃, rü Tupana rü Gariréaanewa yexmane ga ĩane ga Nacharétuwa nanamu ga norü orearü ngeruxü̃ ga Gábi.

Ore i mexü̃ ga Luca ümatüxü̃ 1:26 Referans Kwoze

Ore i mexü̃ ga Matéu ümatüxü̃ 2:23

Rü yexguma Gariréaanewa nanguxgu, rü ĩane ga Nacharétuwa naxũ. Rü yexma naxãchiü̃ nax yanguxü̃ca̱x ga yema ore ga nũxcümaü̃güxü̃ ga Tupanaarü orearü uruü̃gü nüxü̃ ixugüxü̃ ga ñaxü̃: “Ngechuchu ya Cristu rü Nacharétucüã̱xmaxã tá nanaxugü”, ñaxü̃.

Ore i mexü̃ ga Luca ümatüxü̃ 1:19

Rü Chacaríaxü̃ nangãxü̃ ga yema daxũcüã̱x, rü ñanagürü: —Choma nixĩ i Gábi i Tupanaarü puracü chaxüxü̃. Rü nüma nixĩ i núma choxü̃ namuxü̃ nax cumaxã nüxü̃ chixuxü̃ca̱x i ñaa ore i mexü̃.

Ore i mexü̃ ga Cuáü̃ ümatüxü̃ 7:41

Rü togü rü ñanagürügü: —Daa nixĩ ya Cristu —ñanagürügü. Natürü togü rü ñanagürügü: —Tama nixĩ, erü taxũtáma Gariréaanecüã̱x nixĩ ya Cristu.

Ore i mexü̃ ga Luca ümatüxü̃ 2:4

Rü yemaca̱x ga Yúche rü Gariréaanewa yexmane ga ĩane ga Nacharétuwa inaxũãchi, rü Yudéaanewa yexmane ga ĩane ga Beréü̃wa naxũ. Rü gumá nixĩ ga ĩane ga nũxcümaü̃cü ga ãẽ̱xgacü ga Dabí nagu buxü̃ne. Rü nüma ga Yúche rü Dabítanüxü̃ nixĩ rü yemaca̱x Beréü̃wa naxũ nax yaxugüxü̃ca̱x wüxigu ngĩmaxã ga María ga ngĩmaxã naxãxma̱xchaü̃cü. Natürü ga María rü itacharaü̃ nax naxãxacüxü̃.

Danié 8:16

Rü nüxü̃ chaxĩnü ga wüxi ga naga ga naduü̃xü̃garaxü̃xü̃ ga natü ga Uráiwa inaxũxü̃ ga ñaxü̃: —¡Pa Gábix, yimá yatümaxã nüxü̃ ixu nax ta̱xacüchiga yixĩxü̃ i ngẽma nüxü̃ nadauxü̃! —ñaxü̃.

Danié 9:21

Rü yexguma íchayumüxẽyane rü cha̱u̱xca̱x nango̱x ga Tupanaarü orearü ngeruxü̃ ga dauxü̃cüã̱x ga Gábi ga ü̃pa cha̱u̱xca̱x ngócü ga yexguma Tupana choxü̃ ngo̱xetüxẽẽgu. Rü yagoeãcü yema íchayexmaxü̃wa nangu. Rü yema ora ga Tupanaca̱x ãmaregü yagugüxü̃ ga yáuanecü nixĩ ga chauxü̃tawa nanguxü̃.

Ore i mexü̃ ga Luca ümatüxü̃ 2:39

Rü yexguma marü yanguxẽẽgüãgu ga guxü̃ma ga yema Tupanaarü mugü nüxü̃ ixuxü̃, rü Yúche rü María rü naxca̱x nawoegu ga norü ĩane ga Nacharétu ga Gariréaanewa yexmane.