Ore i mexü̃ ga Luca ümatüxü̃ 1:18 - Tupanaarü Ore

¹⁸ Rü Chacaría rü yema daxũcüã̱xna naca, rü ñanagürü: —¿Ñuxãcü tá nüxü̃ chacuáxü̃ nax aixcüma tá naxãxacüxü̃ i cho̱xma̱x? Erü marü chayaxüchi i chomax rü ngĩma rü ta marü iya —ñanagürü.

Ore i mexü̃ ga Luca ümatüxü̃ 1:18 Referans Kwoze

Naanearü ügüchiga 17:17

Rü yexguma ga Abraáü̃ rü waixü̃müanegu nanangücuchi. Natürü nüxü̃ nacugüãcüma nügüãẽwa ñanagürü: —¿Ẽ̱xna wüxi ya yatü ya 100 ya taunecü nüxü̃́ ngẽxmacü rü tá naxãxacüxü̃ nax papa yixĩxü̃ca̱x? ¿Rü Chára rü tá naxãxacüxü̃ nax marü 90 ya taunecü ngĩxü̃́ ngẽxmaxü̃? —ñaxü̃gu narüxĩnü ga naãẽwa.

Ore i mexü̃ ga Luca ümatüxü̃ 1:34

Rü yexguma ga María rü Gábina ica, rü ngĩgürügü: —¿Ñuxãcü tá nixĩ i ngẽma nax chaxãxacüxü̃, erü tauxta chaxãte? —ngĩgürügü.

Norü taxre ga popera ga ãẽ̱xgacügüchiga 7:2

Rü nüma ga ãẽ̱xgacüarü ngü̃xẽẽruxü̃ rü Erichéuxü̃ nangãxü̃ rü ñanagürü: —Rü woo chi Cori ya Tupana yawãxnagu i dauxü̃guxü̃ i naanewa rü taxũchima nangupetü i ngẽma nüxü̃ quixuxü̃ —ñanagürü. Natürü nüma ga Erichéu rü nanangãxü̃ rü ñanagürü: —Cuma rü tá cuxetümaxãxü̃chi nüxü̃ cudau natürü taxũtáma cunangõ̱x i ngẽma nüxü̃ cudauxü̃ —ñanagürü.

Naanearü ügüchiga 15:8

Rü yexguma ga Abráü̃ rü Cori ya Tupanaxü̃ nangãxü̃ rü ñanagürü: —¿Ñuxãcü tá nüxü̃ chacuáxü̃ nax aixcüma choxrü tá yixĩxü̃ i ñaa naane? —ñanagürü.

Ore i mexü̃ ga Luca ümatüxü̃ 1:7

Natürü nangexacügü yerü naxma̱x ga Erichabé rü ingexacü. Rü ñu̱xũchi ga nümagü rü marü yaxguã̱xgü nixĩgü.

Ichaía 38:22

Rü nüma ga Echequía rü Ichaíana naca rü ñanagürü: —¿Ta̱xacürü cua̱xruü̃wa tá nixĩ i nüxü̃ chacuáxü̃ nax namexü̃ nax wena Tupanapata ya taxü̃newa chaxũxü̃? —ñanagürü.

Naanearü ügüchiga 18:12

Rü yemaca̱x ga Chára rü tama yáxna namaxã ixĩnü ga nax nacugüxü̃, yerü ñaxü̃gu irüxĩnü: —¿Ñuxãcü tá ichaxãxacüxü̃ erü choma rü chaute rü marü tayaexüchi? —ñaxü̃gu irüxĩnü ga ngĩãẽwa.

Romanos 4:19

Rü Abraáü̃ rü wixguxüchi 100 ga taunecü nüxü̃́ nayexma ga yexguma. Natürü tama inayarümaãchi ga nax yaxõõxü̃ woo nüxü̃ nax nacuáxü̃ ga paxa tá nax nayuexü̃ ga nüma rü nama̱x ga Chára rü marü poraãcü nangupetüarü taunecüã̱xgüxü̃ nax naxãxacügüxü̃ca̱x.