Ore i mexü̃ ga Luca ümatüxü̃ 1:13 - Tupanaarü Ore

¹³ Natürü yema daxũcüã̱x ga Tupanaarü orearü ngeruxü̃ rü ñanagürü nüxü̃: —Pa Chacaríax, ¡taxṹ i cumuü̃xü̃! Erü Tupana rü marü nüxü̃ naxĩnü i curü yumüxẽ. Rü cuxma̱x i Erichabé rü cuxü̃́ tá ixãxãcü, rü Cuáü̃gu tá cunaxüéga.

Ore i mexü̃ ga Luca ümatüxü̃ 1:13 Referans Kwoze

Ngechuchuarü ngúexü̃gü ga yamugüxü̃arü puracüchiga 10:31

Rü ñanagürü choxü̃: “Pa Cornériux, Tupana marü nüxü̃ naxĩnü i curü yumüxẽ rü cumaxã nataãxẽ naxca̱x nax nüxü̃ curüngü̃xẽẽxü̃ i ngẽma duü̃xü̃gü i ngearü diẽruã̱xgüxü̃.

1 Chamué 2:21

Rü nüma ga Cori ya Tupana rü Ánaxü̃ narüngü̃xẽxẽ rü yemaca̱x iyaxãxacüchigü. Rü yemaacü tomaepü̱xwa nangu ga ngĩne rü taxre ga ngĩxacü. Rü yoxni ga gumá ngĩne ga Chamué rü Tupanape̱xewa niyachigü.

Wiyaegü 113:9

Rü yíxema ngexe ya ngexacüxe rü nüma ya Tupana rü tüxü̃ nataãẽxẽxẽ rü tüxü̃ narüngü̃xẽxẽ nax taxãxacüxü̃ca̱x. Pa Duü̃xü̃güx, ¡ngĩxã nüxü̃ ticua̱xüü̃gü ya Cori ya Tupana!

Naanearü ügüchiga 25:21

Rü Ichaá naxma̱x ga Rebéca rü tama nüxü̃́ ixãxacü. Rü yemaca̱x ga Ichaá rü Cori ya Tupanana naca nax naxãxacüxü̃ca̱x. Rü nüma ga Tupana rü nüxü̃ naxĩnü ga norü yumüxẽ rü ixãxacü.

Ore i mexü̃ ga Luca ümatüxü̃ 2:21

Rü yexguma 8 ga ngunexü̃ nüxü̃́ yexmagu ga bucü, rü ínanawíecha̱xmüü̃pe̱xechiraü̃gü. Rü Ngechuchugu nanaxüégagü. Rü yematama nixĩ ga naéga ga daxũcüã̱x ga Tupanaarü orearü ngeruxü̃ Maríamaxã nüxü̃ ixuxü̃ ga yexguma tauta namaxã naxãxacügu.

Wiyaegü 118:21

Pa Corix, moxẽ cuxna chaxã erü choxü̃́ nüxü̃ cuxĩnü i chorü yumüxẽ rü choxü̃ cungãxü̃ga. Erü cuma rü chorü maxẽẽruxü̃ quixĩ.

Naanearü ügüchiga 18:14

¿Ẽ̱xna nangẽxma i ta̱xacü i Cori ya Tupanaaxü̃́ guxchaxü̃ nax naxüaxü̃? Rü nai ya taunecügu rü aixcüma tá nuxã cuxü̃tagu chanaxũane. Rü ngẽxguma i Chára rü tá marü ixíraxacü —ñanagürü.

Ore i mexü̃ ga Matéu ümatüxü̃ 14:27

Natürü ga Ngechuchu rü namaxã nidexa rü ñanagürü nüxü̃: —¡Peporae! rü choma chixĩ. ¡Rü taxṹ i pemuü̃exü̃! —ñanagürü.

Naanearü ügüchiga 17:19

Rü Tupana nanangãxü̃ rü ñanagürü nüxü̃: —Pa Abraáü̃x, aixcüma nixĩ i ngẽma cumaxã nüxü̃ chixuxü̃, rü cuxma̱x i Chára rü tá cuxü̃́ ixãxacü. Rü cuma rü Ichaágu tá cunaxüéga. Rü yimáwa tá ningu ga yema cumaxã nüxü̃ chixuxü̃, rü ngẽmaãcü tá guxü̃gutáma nüxü̃ curüngü̃xẽxẽ i nataagü.

Ore i mexü̃ ga Matéu ümatüxü̃ 28:5

Rü yexguma ga yema orearü ngeruxü̃, rü ñanagürü ngĩxü̃ ga yema ngecügü: —¡Taxṹ i pemuü̃exü̃! Choma nüxü̃ chacua̱x rü naxca̱x pedaugü ya Ngechuchu ga gumá curuchawa yapotagüãcü.

Danié 10:12

Rü yexguma ga nüma rü ñanagürü: —¡Taxṹ i choxü̃ cumuü̃xü̃, Pa Daniéx! Yerü yema ngunexü̃ ga nagu nüxü̃ cucuáxchaü̃xü̃ ga yema Tupana nagu rüxĩnüxü̃ rü nape̱xewa cugü ícurüxíra. Rü nüma rü cuxü̃́ nüxü̃ naxĩnü ga curü yumüxẽgü. Rü ngẽmaca̱x nua cuxü̃tawa chaxũ.

Ãẽ̱xgacügü ga guxchaxü̃güarü mexẽxẽruü̃gü 6:23

Natürü Cori ya Tupana rü nanangãxü̃ rü ñanagürü: —Tama name i cumuü̃, rü taxũtáma nixĩ i cuyuxü̃. Erü marü pemaxã icharüngüxmü —ñanagürü.

Ore i mexü̃ ga Luca ümatüxü̃ 1:30

Rü yexguma ga Gábi rü ñanagürü ngĩxü̃: —Pa Maríax, ¡taxṹ i cumuü̃xü̃! Erü Tupana rü poraãcü cumaxã nataãxẽ.

Ichaía 8:3

Rü yixcama ga choma rü cho̱xma̱xmaxã ichape. Rü ngĩma rü choxü̃́ ixãxacü rü wüxi ga buxü̃ ga yatüxü̃ nixĩ. Rü yexguma ga Cori ya Tupana rü chomaxã nidexa rü ñanagürü: —Rü Maxe-chara-axbáx tá nixĩ i naéga.

Ochéa 1:6

Rü yexguma ga ngĩma ga Góme rü wena ixãxacü, rü nange ga ngĩxacü. Rü nüma ga Cori ya Tupana rü Ochéaxü̃ ñanagürü: —Ngẽma ngĩéga i ngẽma cuxacü rü Lo-ruáma tá nixĩ. Erü ñu̱xmawena rü marü taxũtáma choxü̃́ nangechaü̃tümüxü̃gü i Iraéanecüã̱xgü. Rü marü taxũtáma nüxü̃́ nüxü̃ icharüngüma i ngẽma norü chixexü̃gü.

Ochéa 1:4

Rü ñu̱xũchi ga nüma ga Cori ya Tupana rü ñanagürü Ochéaxü̃: —Yimá cune rü Yereé tá nixĩ i naéga. Erü paxaxüchitáma chanapoxcue i ngẽma nataagü ya yimá ãẽ̱xgacü ya Yeú naxca̱x ga yema taxü̃ ga máeta ga naxüxü̃ nawa ga guma ĩane ga Yereé. Rü ngẽma Iraéanecüã̱xgü rü ngẽxma tá chayacua̱xẽxẽ nax nügümaxãtama inacua̱xgüechaxü̃.

Ore i mexü̃ ga Márcu ümatüxü̃ 16:6

Natürü nüma rü ñanagürü ngĩxü̃: —¡Taxṹ i peba̱i̱xãchiexü̃! Pema rü naxca̱x pedaugü ya Ngechuchu ya Nacharétucüã̱x ga gumá curuchawa yapotagüãcü. Marü wena namaxü̃, rü nataxuma i nua. ¡Dücax, mea nüxü̃ peda̱u̱x i ñaa nachica ga nagu naxügüãxü̃!

Ore i mexü̃ ga Matéu ümatüxü̃ 1:21

Rü ngĩma tá ngĩxü̃́ nangẽxma ya wüxi ya ngĩne, rü cuma rü tá Ngechuchugu cunaxüéga. Rü ngẽma naéga rü “maxẽẽruxü̃”, ñaxü̃chiga nixĩ, erü nüma tá norü pecadugüwa ínananguxü̃xẽxẽ i norü duü̃xü̃gü —ñanagürü.

Ore i mexü̃ ga Luca ümatüxü̃ 1:14

Rü cuma rü tá poraãcü cutaãẽxü̃chi i ngẽxguma nabuxgu. Rü muxü̃ma i togü i duü̃xü̃gü rü tá ta nataãẽgü.