Lebítanüxü̃arü puracüchiga 9:4 - Tupanaarü Ore

⁴ ¡Rü ngẽxgumarüxü̃ ta namaxã nüxü̃ ixu nax nua nagagüãxü̃ i wüxi i woca i yatüxü̃, rü wüxi i carnéru i yatüxü̃ nax Cori ya Tupanaca̱x nadaiaxü̃ca̱x rü ngẽmamaxã nax nangüxmüexẽẽgüãxü̃ca̱x! ¡Rü namaxã nüxü̃ ixu nax nua nangegüãxü̃ i norü ãmare i trigute̱xe i chíxü̃maxã iñumüxü̃, erü nüma ya Cori ya Tupana rü ñoma i ngunexü̃ tá pexü̃ nügü nawe̱x! —ñanagürü ga Moiché.

Lebítanüxü̃arü puracüchiga 9:4 Referans Kwoze

Ínachoxü̃xü̃chiga 29:43

Rü ngẽxma tá nixĩ i choxü̃ iyangaugüxü̃ i ngẽma Iraétanüxü̃. Rü ngẽma nachica rü tá naxüüne erü ngéma tá changexma.

Lebítanüxü̃arü puracüchiga 9:23

Rü yemawena ga Moiché rü Aróü̃maxã Tupanapatagu nachocu. Rü yexguma ínachoxü̃gu rü Iraétanüxü̃maxã mexü̃ naxuegugü. Rü yexguma ga Cori ya Tupana rü guxü̃ma ga duü̃xü̃güxü̃ nanawe̱x ga norü pora.

Lebítanüxü̃arü puracüchiga 9:6

Rü yexguma ga Moiché rü ñanagürü nüxü̃: —Rü ngẽma nixĩ i Cori ya Tupana naxwa̱xexü̃ nax penaxüxü̃ nax ngẽmaãcü pexü̃ nüxü̃ nadauxẽẽxü̃ca̱x i norü pora —ñanagürü.

Echequié 43:2

Rü nüxü̃ chadau ga Cori ya Iraétanüxü̃arü Tupanaarü üüne ga éstewa ne ũxü̃. Rü nüxü̃ chaxĩnü ga wüxi ga naga ga natüarü poraü̃chiüxü̃garaü̃xü̃. Rü ñoma ga naane rü poraãcü nangóone

Iraétanüxü̃arü muxchiga 16:19

Rü nüma ga Coré rü Moichémaxã rü Aróü̃maxã nananuexẽxẽ ga duü̃xü̃gü. Rü yemaca̱x Tupanapatape̱xegu nangutaque̱xegü ga guxü̃ma ga yema duü̃xü̃gü. Rü Tupanaarü üüne rü naxca̱x nango̱x.

Iraétanüxü̃arü muxchiga 14:10

Rü woo yemaxü̃ nax naxĩnüexü̃ ga duü̃xü̃gü rü nanueama rü nutamaxã ínanamuxũchigüchaü̃. Natürü ga Cori ya Tupanaarü üüne rü yéma nango̱x ga gumá Tupanapatawa nape̱xewa ga guxü̃ma ga Iraétanüxü̃.

Lebítanüxü̃arü puracüchiga 2:1

Rü ngẽxguma texé Cori ya Tupanaxü̃ trigute̱xemaxã ãmareã̱xgu, rü name nax chauxü̃tawa tanangexü̃ i ngẽma trigute̱xe i rümemaexü̃. Rü ngẽmaétü tá nabaxü̃ i chíxü̃ rü tá nagüxü̃xü̃ i pumarate̱xe.

Ínachoxü̃xü̃chiga 24:16

Rü Cori ya Tupanaarü üüne rü guma ma̱xpǘne ga Chinaígu ínarüxĩ. Rü 6 ga ngunexü̃ rü yema caixanexü̃ nayadüxü ga guma ma̱xpǘne. Rü yema norü 7 ga ngunexü̃gu rü nüma ga Cori ya Tupana rü yema caixanexü̃wa Moichéca̱x naca.

Ínachoxü̃xü̃chiga 16:10

Rü yexguma Aróü̃ namaxã idexayane rü nüma ga Iraétanüxü̃ rü yema chianexü̃guama narüdaunü. Rü nüxü̃ nadaugü ga Cori ya Tupanaarü üüne ga wüxi ga caixanexü̃wa ngóxü̃.

Lebítanüxü̃arü puracüchiga 9:3

¡Rü Iraétanüxü̃maxã nüxü̃ ixu nax wüxi i chíbu i yatüxü̃ nua nagagüxü̃ nax ngẽmamaxã naxütanügüãxü̃ca̱x i norü pecadugü! ¡Rü ñu̱xũchi nua nagagü i wüxi i wocaxacü i yatüxü̃ i ngexwaca yaxü̃, rü wüxi i carnéruxacü i wüxi ya taunecü nüxü̃́ ngẽxmaxü̃ i taxuwama chixexü̃ nax ngẽma taxre rü Cori ya Tupanaca̱x ícuguxü̃!

Lebítanüxü̃arü puracüchiga 9:5

Rü yema Iraétanüxü̃ rü yema Moiché namaxã nüxü̃ ixuxü̃ãcü Tupanapataarü ĩã̱xwa nanana ga norü ãmaregü. Rü guxü̃ma ga yema Iraétanüxü̃ rü yexma nangutaque̱xe. Rü yexma Tupanape̱xegu nayachigü.

Lebítanüxü̃arü puracüchiga 3:1

Rü ngẽxguma texé tümaarü woca i ngexü̃ rüe̱xna yatüxü̃ Cori ya Tupanana taxãxgu nax naxca̱x tayamáxü̃ca̱x rü tayaguxü̃ca̱x nax ngẽmamaxã tanangüxmüxẽẽxü̃ca̱x ya Cori ya Tupana, rü name i wüxi i naxü̃na i taxuwama chixexü̃ nax yixĩxü̃.

Echequié 43:27

Rü 7 i ngunexü̃ tá nixĩ i ngẽmaãcü naxügüãxü̃ nax naxüünexü̃ca̱x i ngẽma ãmarearü guruxü̃. Rü ngẽxguma norü 8 i ngunexü̃wa nanguxgu rü ngẽma chacherdótegü tá inanaxügüe nax ngẽma ãmarearü guruü̃wa cha̱u̱xca̱x ínagugüãxü̃ i duü̃xü̃güarü ãmaregü rü ngẽma norü ãmaregü i choxü̃ namaxã nangüxmüxẽẽgüxü̃. Rü ngẽxguma i choma rü tá taãẽãcü pexü̃ chayaxu. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.