Lebítanüxü̃arü puracüchiga 9:13 - Tupanaarü Ore

¹³ Rü yemawena ga nanegü rü Aróü̃xü̃tawa nanangegü ga yema naxü̃naeru rü namachigü ga íxraxü̃gu chexcuxü̃. Rü nüma ga Aróü̃ rü ãmarearü guruü̃wa ínanagu.

Lebítanüxü̃arü puracüchiga 9:13 Referans Kwoze

Lebítanüxü̃arü puracüchiga 1:17

Rü ngẽmawena rü tümape̱xatügu tá tüxü̃ narügáute ya yíxema muxtucuxacü, natürü taxũtáma tüxü̃ narügáutexüchi nax ngẽmaãcü wüxichigü ya tümape̱xatü rü tümachipanüwatama nangẽxmaxü̃ca̱x. Rü ngẽmawena i nüma i chacherdóte rü yima üxü ya ãmarearü guruü̃étüwa iya̱u̱xranewa tá tüxü̃ nigu. Rü ngẽma rü wüxi i ãmare i üxüwa iguxü̃ tá nixĩ nax choma rü naemamaxã chataãẽxü̃ca̱x.

Lebítanüxü̃arü puracüchiga 9:12

Rü nüma ga Aróü̃ rü yexgumarüxü̃ ta nayawíyenaxã ga yema naxü̃na ga Tupanaca̱x yaguxü̃. Rü nüma ga nanegü rü nanayauxgü ga gumá nagü rü nanatü ga Aróü̃na nanaxãgü. Rü nüma ga Aróü̃ rü gumá nagümaxã yema ãmarearü guruü̃cüwagü namaxã ínabaegu.

Lebítanüxü̃arü puracüchiga 9:14

Rü yemawena dexámaxã nanayaxu ga naü̃nüta rü naparagü rü ñu̱xũchi ãmarearü guruü̃wa ínanagu wüxigu namaxã ga naxü̃ne ga yema naxü̃na.

Lebítanüxü̃arü puracüchiga 1:8

Rü yima üxüwa tá nixĩ i ínaguaxü̃ i ngẽma namachiarü chexü̃güxü̃ rü naeru rü naü̃nütaarü chíxü̃.