Lebítanüxü̃arü puracüchiga 9:10 - Tupanaarü Ore

¹⁰ Rü ñu̱xũchi nüma ga Aróü̃ rü yema Cori ya Tupana Moichémaxã nüxü̃ ixuxü̃rüxü̃ nanaxü. Rü ãmarearü guruü̃wa ínanagu ga yema naxü̃na ga pecaduarü ütanüca̱x yamáxü̃arü chíxü̃, rü norü ñuxmigü rü ñu̱xũchi yema chíxü̃ ga nacawa nadexü̃.

Lebítanüxü̃arü puracüchiga 9:10 Referans Kwoze

Ichaía 66:2

¡Rü choma nixĩ i chanaxüxü̃ i guxü̃ma i ñoma i naanewa nüxü̃ idauxü̃ rü yemaacü nixĩ ga nangóexü̃! Rü choma ya Cori nixĩ i ngẽma ñachaxü̃. Rü choma rü tüxü̃ chadawenü ya yíxema ngearü diẽruã̱xgüxe rü yíxema naxĩ̱xãchiãẽgüxe ya naga ĩnüexe i chorü ore.

Ichaía 57:15

Erü choma ya Tupana ya Guxü̃étüwa Ngẽxmacü rü guxü̃guma chamaxü̃ rü chauéga rü Üünecü nixĩ. Rü ñachagürü: “Choma rü daxũwa chamaxü̃ i ngextá ínaxüünexü̃wa. Natürü tüxü̃ charüngü̃xẽẽxü̃ rü tüxü̃ chaporaxẽxẽ ya yíxema ngearü diẽruã̱xgüxe rü yíxema naxĩ̱xãchiãẽgüxe”.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Wiyaegü 51:17

Rü ngẽma cuma cunaxwa̱xexü̃, Pa Tupanax, nixĩ i wüxi i duü̃xü̃ i nüxü̃ rüxoxü̃ i chixexü̃. Rü cumax, Pa Tupanax, rü tama nüxü̃ cuxo i ngẽma duü̃xü̃ i nügümaxã nangechaü̃ãcüma cumaxã nügü ixuxü̃ nax nachixexü̃.

Ínachoxü̃xü̃chiga 29:13

¡Rü nade i ngẽma naü̃nütaarü chíxü̃, rü nacaarü chíxü̃, rü norü ñuxmigüarü chíxü̃! ¡Rü ñu̱xũchi ãmarearü guruü̃wa ínagu!

Lebítanüxü̃arü puracüchiga 9:9

Rü nüma ga nanegü rü nanayauxgü ga nagü rü Aróü̃na nanaxãgü. Rü nüma ga Aróü̃ rü nawa naxueme̱xẽ ga gumá nagü. Rü ãmarearü guruü̃pe̱xechatacu̱xregü namaxã nichagü. Rü gumá nagü ga íyaxücü rü ãmarearü guruxü̃ namaxã ínabaegu.

Lebítanüxü̃arü puracüchiga 9:11

Natürü ga namachi rü naxcha̱xmüxü̃ rü yema ínapegüxü̃arü düxétüwa ínayagu.