Lebítanüxü̃arü puracüchiga 8:36 - Tupanaarü Ore

³⁶ Rü nüma ga Aróü̃ rü nanegü rü nayanguxẽẽgü ga guxü̃ma ga yema Cori ya Tupana Moichémaxã nüxü̃ ixuxü̃.

Lebítanüxü̃arü puracüchiga 8:36 Referans Kwoze

Wenaxarü naxümatü ga Tupanaarü mugü 12:32

Natürü i pema rü penaxwa̱xe nax guxü̃guma nagu pexĩxü̃ i guxü̃ma i ngẽma mugü i pemaxã nüxü̃ chixuxü̃. Rü taxũtáma ta̱xacürü to i mugü pixücuchi rüe̱xna ípenaxüxüchi nawa i ngẽma pemaxã nüxü̃ chixuxü̃.

1 Chamué 15:22

Rü nüma ga Chamué rü ínaca rü ñanagürü: —¿Ta̱xacü nixĩ i ngẽma rümemaexü̃ cuxca̱x? ¿Rü cuxca̱x rü ngẽma naxü̃nagü Tupanaca̱x iguxü̃ rüe̱xna Tupanaga nax ixĩnüexü̃? Rü dücax rü ngẽma Tupana yexera namaxã taãẽxü̃ nixĩ nax naga ixĩnüexü̃, rü tama carnérugüarü chíxü̃ naxca̱x nax iguxü̃.

Wenaxarü naxümatü ga Tupanaarü mugü 4:2

¡Rü taxṹ i to i mugü pixücuchixü̃ rüe̱xna ípenaxíxraãchixü̃ i ngẽma Cori ya Tupanaarü mugü i pexü̃ changúexẽxẽxü̃! ¡Rü peyangu̱xẽxẽ i ngẽma norü mugü i choma pemaxã nüxü̃ chixuxü̃!

Ínachoxü̃xü̃chiga 40:16

Rü nüma ga Moiché rü nanaxü ga guxü̃ma ga yema Tupana namaxã nüxü̃ ixuxü̃ãcü.

Ínachoxü̃xü̃chiga 39:43

Rü yexguma Moiché nüxü̃ da̱u̱xgu nax meama yanguxẽẽgüãxü̃ ga yema Tupana namaxã nüxü̃ ixuxü̃, rü nüma ga Moiché rü duü̃xü̃gümaxã mexü̃ naxuegu.

Lebítanüxü̃arü puracüchiga 8:35

Rü ngẽmaca̱x i pema rü 7 i ngunexü̃ rü 7 i chütaxü̃ tá nixĩ i Tupanapataarü ĩã̱xü̃tawa pengẽxmagüxü̃. ¡Rü naga pexĩnüe i Cori ya Tupanaarü mu nax tama peyuexü̃ca̱x! Erü ngẽma nixĩ i Cori ya Tupanaarü mu i choxna naxãxü̃” —ñanagürü ga Moiché.

Lebítanüxü̃arü puracüchiga 9:1

Rü yexguma norü 8 ga ngunexü̃wa nanguxgu rü nüma ga Moiché rü Aróü̃ca̱x rü nanegüca̱x nangema nax naxü̃tawa naxĩxü̃ca̱x. Rü yexgumarüxü̃ ta Iraétanüxü̃arü ãẽ̱xgacügüca̱x nangema.

Lebítanüxü̃arü puracüchiga 8:9

Rü ñu̱xũchi nayangaxcuchipate̱xe. Rü yema napate̱xecatüwa nayaxǘcuchi ga wüxi ga úirutachinü ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.