Lebítanüxü̃arü puracüchiga 8:33 - Tupanaarü Ore

³³ Rü taxũtáma pixĩgachitanü i Tupanapataarü ĩã̱xü̃tawa. Rü ngéma tá pengẽxmagü i 7 i ngunexü̃ erü ngẽxgumaepü̱x i ngunexü̃guwena tá nixĩ i marü pimexü̃ nax penaxügüxü̃ca̱x i Tupanaarü puracü.

Lebítanüxü̃arü puracüchiga 8:33 Referans Kwoze

Ínachoxü̃xü̃chiga 29:35

Rü guxü̃ma i ngẽma rü tá Aróü̃ rü nanegümaxã cunaxü ngẽma choma cumaxã nüxü̃ chixuxü̃ãcü. ¡Rü 7 i ngunexü̃ naxca̱x ínaxüxüchi nax cunaxüxü̃ca̱x i Aróü̃ rü nanegüarü ngucuchichiga nawa i chorü puracü!

Iraétanüxü̃arü muxchiga 19:12

Rü ngẽxguma norü tomaepü̱x i ngunexü̃wa nanguxgu nawena nax duü̃xẽ ya yuxexü̃ tingõgüxü̃ rü name nixĩ i ngẽma dexá i wocaarü tanimacamaxã ãéü̃xü̃wa tügü tayauxune rü ñu̱xũchi ngẽxguma norü 7 i ngunexü̃wa nanguxgu rü wena tügü tayaxu nawa i ngẽma dexá. Natürü ngẽxguma taxũtáma norü tomaepü̱x i ngunexü̃gu rü norü 7 i ngunexü̃gu ngẽma dexáwa tügü tayaxunegu rü taxũtáma chope̱xewa tame.

Lebítanüxü̃arü puracüchiga 14:8

Rü yíxema marü tümaca̱x yataanexe, rü name nax tügü tayauxchiruxü̃ rü tügü mea taxaiyaxü̃, rü guxü̃wama tügü tidüxü̃ nax ngẽmaãcü tamexü̃ca̱x. Rü ngẽmawena tá nixĩ i duü̃xü̃gü íxãpataxü̃wa taxũxü̃. Natürü 7 i ngunexü̃ tá nixĩ i tümapataarü düxétüwa tangexmaxü̃.

Ínachoxü̃xü̃chiga 29:30

Rü ngẽma Aróü̃ nane rü nataagü i nawena chacherdótegüarü ãẽ̱xgacü ixĩxü̃, rü naxü̃pa nax chopatagu naxücuxü̃ nax naxüaxü̃ca̱x i chorü puracü rü tá 7 i ngunexü̃ nagu nicu̱x i ngẽma naxchiru.

Lebítanüxü̃arü puracüchiga 8:34

Erü Cori ya Tupanaarü mu nixĩ nax ngẽmaãcü penaxüxü̃ nax peyangutanüxẽẽxü̃ca̱x i perü pecadugü, ngẽma ñu̱xma pemaxã íchaxüxü̃rüxü̃.

Lebítanüxü̃arü puracüchiga 15:13

Rü ngẽxguma marü naxca̱x yataanegu ya yimá yatü ya naxpe̱xechiraü̃wa ida̱xawecü, rü name i 7 i ngunexü̃ ngupetüguwena nügü naya̱u̱xchiru rü dexá i chuxchuxü̃wa nügü naxaiya. Rü ngẽxguma tá nixĩ i tama naxãũãchixü̃.