Lebítanüxü̃arü puracüchiga 8:29 - Tupanaarü Ore

²⁹ Rü yemawena ga Moiché rü nanayaxu ga yema namachiremü ga nüxna üxü̃, rü Cori ya Tupanape̱xewa nayachü̱xüxãcüüxẽxẽ yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:29 Referans Kwoze

Nüxíraxü̃xü̃ ga popera ga Pedru ümatüxü̃ 4:11

Rü yíxema nüxü̃ cuáxe nax mea tidexaxü̃, rü name nixĩ nax Tupanaarü orexü̃ tixuxü̃. Rü ngẽxguma texé tüxü̃́ nangẽxmagu i cua̱x nax togüxü̃ tarüngü̃xẽẽxü̃, rü name nixĩ i ngẽma pora ya Tupana tüxna ãxü̃maxã nüxü̃ tarüngü̃xẽxẽ. Rü guxü̃ma i ngẽma pexüxü̃ rü name nixĩ i meama penaxü nax ngẽmaãcü Ngechuchu ya Cristugagu Tupanaxü̃ picua̱xüü̃güxü̃ca̱x. Erü nüma ya Tupana rü guxü̃guma naxüüne rü naporaxüchi. Rü ngẽmaãcü yixĩ.

1 Corintios 10:31

Dücax, pemaxã nüxü̃ chixu rü name nixĩ i guxü̃ma i ngẽma pexüxü̃maxã Tupanaxü̃ picua̱xüü̃gü. Rü ngẽxguma ta̱xacü pengõ̱xgügu, rüe̱xna ta̱xacü pixaxgügu rüe̱xna ta̱xacü i to pexügügu, rü name nixĩ i ngẽmamaxã Tupanaxü̃ picua̱xüü̃gü.

Ichaía 66:20

Rü nua chorü ma̱xpǘne ya üünene ya Yerucharéü̃wa ngẽxmanewa tá nanagagü i ngẽma petanüxü̃ i guxü̃ i nachixü̃anegüwa ne nagagüxü̃. Rü nümaxü̃ rü tá cowaruétügu rü togü i carugu, rü togü i caruü̃gu rü togü i mulaétügu rü togü i caméyuétügu tá nua nanagagü, ñoma Iraétanüxü̃ naxpáü̃ i mexü̃gu norü ãmaregü chopata ya taxü̃newa ngẽgüxü̃rüxü̃ —ñanagürü.

Wiyaegü 99:6

Rü gumá Moiché rü Aróü̃ nixĩ ga Tupanape̱xewa tórü o̱xigüétüwa íchogügüxü̃. Rü nüma ga Chamué ga Tupanaarü orearü uruxü̃ rü norü yumüxẽwa Tupanaarü ngü̃xẽẽca̱x ínaca. Rü nüma ga Cori ya Tupana rü nanangãxü̃ ga norü yumüxẽ.