Lebítanüxü̃arü puracüchiga 8:28 - Tupanaarü Ore

²⁸ Rü yexguma nüma ga Moiché rü Aróü̃na rü nanegüna nanade ga guxü̃ma ga yema. Rü ãmarearü guruü̃wa ínanagu wüxigu namaxã ga yema ãmare ga Tupanaca̱x yaguxü̃. Rü yemaacü nüxü̃ naxuneta ga Aróü̃ rü nanegü nax Tupanaarü puracü naxügüxü̃ca̱x. Rü yema nixĩ ga ãmaregü ga Tupanaca̱x yaguxü̃ nax naemamaxã nataãẽxü̃ca̱x.

Lebítanüxü̃arü puracüchiga 8:28 Referans Kwoze

Ínachoxü̃xü̃chiga 29:25

¡Rü ngẽmawena rü nüxna nade i naxme̱xwa, rü ãmarearü guruü̃wa ínagu wüxigu namaxã i ngẽma naxü̃na i quimáxü̃! Rü ngẽma naema i ngẽma ãmare rü choma rü tá poraãcü namaxã chataãẽxü̃chi. Erü ngẽma nixĩ i ãmare i cha̱u̱xca̱x quiguxü̃.

Chacaría 13:7

Rü Cori ya Tupana ya Guxãxétüwa Ngẽxmacü rü ñanagürü: —¡Pa Tara i Taxrewa Ãmaguxü̃x, rü naxca̱x ixũ i chorü carnéruarü dauruxü̃ rü ngẽma chorü ngü̃xẽẽruxü̃! ¡Rü yama̱x ya yima carnéruarü dauruxü̃ nax nawoonexü̃ca̱x i carnérugü! Rü choma rü tá chanadai i ngẽma carnéruxacügü.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Lebítanüxü̃arü puracüchiga 1:9

Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.