Lebítanüxü̃arü puracüchiga 8:23 - Tupanaarü Ore

²³ Rü yemawena ga Moiché rü nayawíyenaxã ga yema carnéru rü ñu̱xũchi íxracü ga nagü nayaxu rü Aróü̃arü tügünechinüpünewa gumá nagümaxã nanacha. Rü yexgumarüxü̃ ta nanacha ga guma norü tügüneme̱xẽarü tatarene rü guma norü tügünecutüarü tatarene.

Lebítanüxü̃arü puracüchiga 8:23 Referans Kwoze

Ínachoxü̃xü̃chiga 29:20

¡Rü ngẽmawena rü yama̱x i ngẽma carnéru! ¡Rü íxracü ya nagü nayaxu rü Aróü̃xü̃ rü nanegüxü̃ norü tügünepachinüarü ñaxtüwa namaxã nacha! ¡Rü ñu̱xũchi norü tügüneme̱xẽarü tatarenewa namaxã nacha rü ngẽxgumarüxü̃ ta norü tügünecutüarü tatarenewa namaxã nacha! ¡Rü yimá nagü ya íyaxücü rü ngẽma ãmarearü guruxü̃ namaxã íyamaxegu i nacüwa!

Lebítanüxü̃arü puracüchiga 14:17

Rü nüma ya chacherdóte rü ngẽma chíxü̃ i naxme̱xwa yáxü̃wa tá nanayaxu i íxraxü̃ rü ngẽmamaxã tá tüxü̃ nacha ya yíxema duü̃xẽ ya chaxünewa tüxü̃ namexexẽẽarü tügünechinüpünewa rü yima tügüneme̱xẽarü tatarenewa rü yima tügünecutüarü tatarenewa. Rü ngẽmaãcü ngẽma naxü̃na i pecadu i naguãchixü̃ca̱x yamáxü̃arü nagüétüwa tá tüxü̃ nacha namaxã i ngẽma chíxü̃.

Lebítanüxü̃arü puracüchiga 14:14

Rü nawena nax yamáaxü̃ i ngẽma naxü̃na i pecadu i naguãchixü̃ca̱x yamáxü̃, rü nüma ya chacherdóte rü íxracü ya yimá nagü tá nayaxu, rü yíxema duü̃xẽ ya chaxünewa tüxü̃ namexexẽẽarü tügünechinüpünewa tá yimá nagümaxã tüxü̃ nacha. Rü ngẽxgumarüxü̃ tá ta nanacha ya yima tügüneme̱xẽarü tatarene rü yima tügünecutüarü tatarene.

Filipenses 2:17

Rü ñu̱xma nax mea peyaxõgüxü̃, rü ngẽma nixĩ i perü ãmare i Tupanana pexãxü̃. Rü ngẽma nax mea yanguxü̃ca̱x i ngẽma perü ãmare i Tupanape̱xewa, rü choma rü íchamemare nax Tupanaca̱x ichanaxãxü̃ i chorü maxü̃ rü chayuxü̃. Rü ngẽmaca̱x woo chayu̱xgu rü wüxi i taãxẽ tá nixĩ i cha̱u̱xca̱x. Rü chanaxwa̱xe i pemax rü ta wüxigu chomaxã petaãẽgü.

Filipenses 1:20

Rü ngẽma poraãcü chanaxwa̱xexü̃ nixĩ nax taguma ta̱xacürü chixexü̃ chaxüxü̃ nax taxuca̱xma chaugüca̱x chaxãnexü̃ca̱x. Rü chanaxwa̱xe i guxü̃guma íchamemare nax guxãpe̱xewa tama chamuü̃ãcüma Cristuchigaxü̃ chixuxü̃. Rü ñu̱xma nax chamaxü̃xü̃ rü woo chayu̱xgu rü chanaxwa̱xe i guxü̃guma aixrügumarüü̃tama chaugagu Cristuxü̃ nicua̱xüü̃gü i duü̃xü̃gü.

1 Corintios 6:20

Erü Tupana rü marü pexca̱x nataxe rü poraãcü nüxü̃́ petatanü. Rü ngẽmaca̱x penaxwa̱xe i ngẽma pexenemaxã mea Tupanaca̱x pemaxẽ rü nüxü̃ picua̱xüü̃gü.

1 Corintios 1:30

Rü nümatama ga Tupana nixĩ ga Ngechuchu ya Cristuarü duü̃xü̃güxü̃ pexü̃ yaxĩgüxẽẽxü̃. Rü tatanüwa nanamu ga Cristu nax nüma rü Tupanaarü cua̱x taxca̱x yixĩxü̃ca̱x. Rü Cristugagu nixĩ nax Tupana tüxü̃ dexü̃ rü tüxü̃ yamexẽẽxü̃ nax nape̱xewa ixüünegüxü̃ca̱x rü pecaduwa ínguxü̃xü̃ca̱x.

Romanos 12:1

Rü dücax, Pa Chauenexẽgüx, Tupanaarü ngechaü̃gagu pexü̃ chaca̱a̱xü̃ nax Tupanana pegü pexãgüxü̃ nax norü ãmare i maxü̃xü̃ rü üünexü̃ i namaxã nataãẽxü̃ pixĩgüxü̃ca̱x. Rü ngẽmaãcü nixĩ i nanaxwa̱xexü̃ ya Tupana nax nüxü̃ picua̱xüü̃güxü̃.

Romanos 6:19

Rü tauxchaxü̃ i oremaxã pemaxã chidexaxü̃ i ñu̱xmax, erü ngürüãchi taxũtáma nüxü̃ pecua̱x i ta̱xacüchiga nax yixĩxü̃ i ngẽma ore i pemaxã nüxü̃ chixuxü̃. Rü dücax, rü nũxcüma ipenaxã ga pexenegü nax namaxã penaxügüxü̃ca̱x ga naguxü̃raü̃xü̃ ga chixexü̃. Natürü i ñu̱xma rü name nixĩ i Tupanana penaxã i pexenegü nax aixcüma nape̱xewa pimexü̃ca̱x rü naxca̱xicatama pemaxẽxü̃ca̱x.

Romanos 6:13

Rü tama name i pecaduna penaxãgü i pexene nax ngẽmamaxã chixexü̃ pexügüxü̃ca̱x. Rü name nixĩ i Tupanana pegü pexãgü, erü ñoma duü̃xü̃gü i yuexü̃ rü wena maxẽxü̃rüxü̃ pixĩgü. Rü ngẽmaca̱x name nixĩ i Tupanana penaxãgü i pexene nax ngẽmamaxã nape̱xewa mexü̃ pexügüxü̃ca̱x.

Lebítanüxü̃arü puracüchiga 14:28

Rü nüma ya chacherdóte rü ngẽma chíxü̃ i naxme̱xwa yaxüxü̃wa tá nanayaxu i íxraxü̃ rü ngẽmamaxã tá tüxü̃ nacha ya yíxema duü̃xẽ ya chaxünearü o̱xrimaxã ida̱xawexearü tügünechinüpünewa rü yima tügüneme̱xẽarü tatarenewa rü yima tügünecutüarü tatarenewa. Rü ngẽmaãcü ngẽma naxü̃na i pecadu i naguãchixü̃ca̱x yamáxü̃arü nagüétüwa tá tüxü̃ nacha namaxã i ngẽma chíxü̃.

Popera ga Yudíugü ga yaxõgüxü̃ca̱x ümatüxü̃ 5:8

Rü nüma ga Cristu rü woo Tupana Nane nax yixĩxü̃, rü yema ngúxü̃ ga yangexü̃wa nangu̱x nax Tupanaga naxĩnüxü̃.

Popera ga Yudíugü ga yaxõgüxü̃ca̱x ümatüxü̃ 2:10

Rü nümatama ga Tupana nixĩ ga naxüaxü̃ ga guxü̃ma i ñu̱xma ngẽxmaxü̃ rü naxme̱xwa nangẽxma i guxü̃ma nax nüma nanaxwa̱xexü̃ãcüma namaxã inacuáxü̃ca̱x. Rü nüma ga Tupana rü nanaxwa̱xe nax guxü̃ma i naxacügü nüxü̃́ nangẽxmaxü̃ca̱x i nachica i mexü̃ i naxü̃tawa. Rü yemaca̱x ñoma ga naanewa nanamu ga Ngechuchu ya Cristu nax ngúxü̃ yangexü̃ca̱x rü duü̃xü̃güca̱x nayuxü̃ca̱x nax nüxü̃́ nangẽxmaxü̃ca̱x i maxü̃ i taguma gúxü̃.

1 Tesalonicenses 5:22

¡Rü nüxna pixĩgachi i naguxü̃raü̃xü̃ i chixexü̃gü!

Ínachoxü̃xü̃chiga 29:21

¡Rü yimá nagü ya ãmarearü guruü̃wa ngẽxmacümaxã naxüexü̃ i ngẽma chíxü̃ i baeruruxü̃! ¡Rü íxracü nayaxu rü Aróü̃xü̃ namaxã namaxcuétü rü naxchiru rü ta namaxcuchara! ¡Rü nanegüxü̃ rü ta namaxcuétü rü naxchirugü rü ta namaxcuchara! Rü ngẽmaãcü i Aróü̃ rü nanegü rü naxchirugü rü choxrügü tá nixĩgü.

Lebítanüxü̃arü puracüchiga 7:37

Rü ngẽma nixĩ i ngẽma ucu̱xẽgü naxca̱x nax ñuxãcü yaguxü̃ i ngẽma ãmaregü i naxü̃nagü i Tupanape̱xewa iguxü̃, rü ngẽma ãmaregü i trigute̱xe, rü ãmaregü i pecaduarü ütanüca̱x ixĩxü̃, rü ãmaregü i pecadu i taechita ixüxü̃arü ütanüca̱x ixĩxü̃, rü ngẽma ãmaregü i chacherdótegüarü ngucuchica̱x inaxãgüxü̃, rü ngẽma ãmaregü i Tupanaarü ngüxmüxẽẽruü̃ca̱x ixĩxü̃.

Lebítanüxü̃arü puracüchiga 14:25

Rü nüma ya chacherdóte tá nayama̱x i ngẽma carnéruxacü i pecadugagu imáxü̃. Rü tá nanayaxu ya íxracü ya nagü i ngẽma carnéruxacü, rü yimá nagümaxã tá tüxü̃ nacha ya tügünechinüpünewa ya yíxema duü̃xẽ ya tümaarü pecaduwa tüxü̃ namexexẽxẽ. Rü ngẽxgumarüxü̃ tá ta nanacha ya yima tügüneme̱xẽarü tatarene rü yima tügünecutüarü tatarene.