Lebítanüxü̃arü puracüchiga 8:21 - Tupanaarü Ore

²¹ Rü yemawena rü dexámaxã nanayaxu ga yema naü̃nütagü rü guma naparagü. Rü ñu̱xũchi ãmarearü guruü̃wa ínanagu ga guxü̃ma ga yema carnéru nax wüxi ga ãmare ga Cori ya Tupana naemamaxã nataãẽxü̃ca̱x. Rü nüma ga Moiché rü yemaacü ínanagu yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:21 Referans Kwoze

Efesios 5:2

Rü name i pegü pengechaü̃gü yema Cristu tüxü̃ ngechaü̃xü̃rüxü̃. Rü nüma rü taxca̱x nügü inaxã rü taxca̱x nayu nax yemaacü Tupanaca̱x wüxi i ãmare i chi̱xemaxü̃ yixĩxü̃ca̱x.

Ínachoxü̃xü̃chiga 29:18

¡Rü ngẽma carnéru rü ãmarearü guruü̃wa cha̱u̱xca̱x yagu! Rü ngẽma naema i ngẽma ãmare rü choma rü tá poraãcü namaxã chataãẽxü̃chi.

Lebítanüxü̃arü puracüchiga 2:9

Rü ngẽma ãmarearü guruxü̃ íngẽxmaxü̃wa rü nüma i chacherdóte rü tá íxraxü̃ nayaxu i ngẽma ãmare. Rü ngẽma ãmarearü guruü̃wa tá nayagu nax ngẽmawa choxna cucua̱xãchixü̃ca̱x. Rü ngẽma naema i ngẽma ãmare, rü choma ya Cori ya Tupana rü tá namaxã chataãxẽ.

Lebítanüxü̃arü puracüchiga 1:17

Rü ngẽmawena rü tümape̱xatügu tá tüxü̃ narügáute ya yíxema muxtucuxacü, natürü taxũtáma tüxü̃ narügáutexüchi nax ngẽmaãcü wüxichigü ya tümape̱xatü rü tümachipanüwatama nangẽxmaxü̃ca̱x. Rü ngẽmawena i nüma i chacherdóte rü yima üxü ya ãmarearü guruü̃étüwa iya̱u̱xranewa tá tüxü̃ nigu. Rü ngẽma rü wüxi i ãmare i üxüwa iguxü̃ tá nixĩ nax choma rü naemamaxã chataãẽxü̃ca̱x.

Naanearü ügüchiga 8:21

Rü yexguma Cori ya Tupanaxü̃ napaxgu ga yema naema rü nüma rü namaxã nataãxẽ. Rü ñanagürü: —Tagutáma wena chixexü̃ namaxã chaxuegu i ñaa naane nagagu i ngẽma duü̃xü̃gü woo yexguma noxritama chanango̱xẽẽgu i ngẽma duü̃xü̃gü rü chixexü̃guxicatama narüxĩnüe. Rü ngẽxgumarüxü̃ ta tagutáma wena chanadai i guxü̃ma i naeü̃gü i ngẽma ñu̱xma namaxã chaxüxü̃rüxü̃.

Ínachoxü̃xü̃chiga 12:9

Rü bai i íxraxü̃ i ngẽma namachi i pengṍxü̃ rü tá nangáxüra rüe̱xna namuxra. Rü guxü̃ma i namachi rü naeru rü naparagü rü naü̃nütagü, rü tá penanagü.

Ínachoxü̃xü̃chiga 40:16

Rü nüma ga Moiché rü nanaxü ga guxü̃ma ga yema Tupana namaxã nüxü̃ ixuxü̃ãcü.

Lebítanüxü̃arü puracüchiga 1:9

Rü yíxema cha̱u̱xca̱x inaxãxe i ngẽma naxü̃na rü tá meama dexámaxã tayayauxgü i naü̃nüta rü naparagü. Rü nüma ya chacherdóte rü ngẽma guruü̃wa tá ínanagu i guxü̃ma nax choma namaxã chataãxẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 1:13

Rü ngẽmawena ya yíxema Tupanaca̱x ãmare iguxe rü tá dexámaxã tayayauxgü i naü̃nüta rü naparagü. Rü nüma i chacherdóte rü ngẽma guruü̃wa tá ínanagu i guxü̃ma nax choma ya Cori ya Tupana namaxã chataãẽxü̃ca̱x i ngẽma naema i ngẽma ãmare.

Lebítanüxü̃arü puracüchiga 8:9

Rü ñu̱xũchi nayangaxcuchipate̱xe. Rü yema napate̱xecatüwa nayaxǘcuchi ga wüxi ga úirutachinü ga nawa nüxü̃ nacua̱xgüxü̃ nax chacherdótegüarü ãẽ̱xgacü yixĩxü̃, yerü yemaacü nixĩ ga Cori ya Tupana ga Moichémaxã nüxü̃ yaxuxü̃.

Lebítanüxü̃arü puracüchiga 8:13

Rü yemawena ga Moiché rü Aróü̃ nanegüca̱x nangema nax naxü̃tawa naxĩxü̃ca̱x. Rü nanacu̱xcu ga mámüxü̃ ga naxchiru rü mea nayachotagü ga norü goyexü̃ rü nananga̱xcupate̱xe. Rü yemaacü nayanguxẽxẽ ga yema Cori ya Tupana namaxã nüxü̃ ixuxü̃.