Lebítanüxü̃arü puracüchiga 8:17 - Tupanaarü Ore

¹⁷ Natürü yema naxcha̱xmüxü̃ rü namachi rü naü̃ ga yema wocaxacü rü duü̃xü̃gü ínapegüxü̃arü ĩxpemawa ínanagu yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 8:17 Referans Kwoze

Ínachoxü̃xü̃chiga 29:14

Natürü ngẽma namachi, rü naxcha̱xmüxü̃, rü naü̃ i ngẽma woca rü ĩpemawa tá peyanagu nax ngẽmaãcü penaxütanüxü̃ca̱x i ngẽma perü chixexü̃ i pexüxü̃.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Lebítanüxü̃arü puracüchiga 16:27

Rü ngẽma wocaxacü rü ngẽma chíbu i pecaduca̱x daixü̃, rü yimá nagü i Aróü̃ rü naxmachiã i üünexü̃wa ngecü nax choma pexü̃́ nüxü̃ icharüngümaxü̃ca̱x i perü pecadugü. Rü pema ípexãchiü̃güxü̃arü yáxü̃wa tá ípenagu i naxcha̱xmüxü̃, rü namachi, rü naü̃.

Lebítanüxü̃arü puracüchiga 6:30

Natürü tama name nax nangõ̱xgüãxü̃ i ngẽma naxü̃na i pecaduarü ütanüca̱x imáxü̃ rü chopatawa nangegüãcü ya nagü nax yimamaxã chopatawa yaxütanügüãxü̃ca̱x i duü̃xü̃güarü pecadugü nax ngẽmaãcü choma nüxü̃ icharüngümaxü̃ca̱x i norü pecadugü. Rü ngẽma naxü̃na i ãmare ixĩxü̃ rü üxüwa tá nigu.

Lebítanüxü̃arü puracüchiga 4:21

Rü ngẽmawena rü tá ípepegüxü̃arü düxétüwa nanange, rü ñu̱xũchi ngéma tá nayagu. Rü ngẽma nuxíraxü̃xü̃ i wocaxacü i yaguxü̃rüxü̃ tá nayagu, erü ngẽma rü wüxi i ãmare i duü̃xü̃güarü pecaduarü ütanüruxü̃ nixĩ.

Lebítanüxü̃arü puracüchiga 9:11

Natürü ga namachi rü naxcha̱xmüxü̃ rü yema ínapegüxü̃arü düxétüwa ínayagu.

Echequié 43:21

Rü ngẽmawena rü tá cunayaxu i ngẽma wocaxacü i yatüxü̃ i pecaduarü ütanüca̱x ixĩxü̃. Rü Tupanapata ya taxü̃nearü düxétüwa tá cuyagu nawa i ngẽma nachica i woetama ngẽmaruxü̃ ixĩxü̃.