Lebítanüxü̃arü puracüchiga 7:9 - Tupanaarü Ore

⁹ Rü guxü̃ma i ngẽma ãmare i paũ i trigute̱xenaxca̱x i paũarü guruü̃wa íguxü̃, rü ñu̱xũchi ngẽma buetarewa rü piripáxü̃wa íguxü̃ rü ngẽma chacherdóte i ngẽma ãmare choxna ãxü̃arü tá nixĩ.

Lebítanüxü̃arü puracüchiga 7:9 Referans Kwoze

Gálatas 6:6

Rü yíxema nayaxúxe i ngu̱xẽẽtae i Tupanaarü orewa rü name nixĩ nax tümaarü ngu̱xẽẽruü̃maxã tangauxü̃ i tümaarü ngẽmaxü̃gü.

Echequié 44:29

Rü nümagü i ngẽma chacherdótegü tá nixĩ i namaxã naxãwemügüxü̃ i ngẽma trigu i Iraétanüxü̃ choxna ãmaregüxü̃ rü ñu̱xũchi ngẽma naxü̃nagü i pecaduarü ütanüca̱x choxna naxãmaregüxü̃ rü ñu̱xũchi ngẽma ãmaregü i duü̃xü̃gü ta̱xacürü guxchaxü̃ naxügüxü̃gagu inaxãmaregüxü̃. Rü ngẽxgumarüxü̃ ta i guxü̃ma i ngẽmaxü̃gü i Iraétanüxü̃ cha̱u̱xca̱x íxüxüchigüxü̃ rü ngẽma chacherdótegüarü tá nixĩgü.

Iraétanüxü̃arü muxchiga 18:9

Rü cuxrü tá nixĩ i ngẽma ãmaregü i Iraétanüxü̃ choxna ãgüxü̃. Rü ngẽma naxü̃nagü i cha̱u̱xca̱x peguxü̃wa rü cuxrü tá nixĩ i ngẽma namachi i cuxna üxü̃. Rü cuxrü tá nixĩ i ngẽma ãmaregü i trigute̱xe, rü ãmaregü i pecaduarü ütanüruü̃gü, rü ãmaregü i Iraétanüxü̃ choxna naxü̃ norü guxchaxü̃gü i naxügüxü̃arü ütanüruxü̃. Rü guxü̃ma i ngẽma ãmaregü i üünexü̃ rü tá cuxrü rü cunegüarü nixĩ.

Lebítanüxü̃arü puracüchiga 2:10

Rü ngẽma íyaxüxü̃ rü wüxi i ãmare i poraãcüxüchima üünexü̃ nixĩ natanüwa i guxü̃ma i ngẽma ãmaregü i Cori ya Tupanaca̱x íguxü̃. Rü ngẽma rü Aróü̃ca̱x rü nanegüca̱x rü nataagüca̱x tá nixĩ.

1 Corintios 9:13

Pema nüxü̃ pecua̱x rü guxü̃ma i duü̃xü̃gü i Tupanapata ya taxü̃newa puracüexü̃, rü ngẽma õna ya yimá Tupanapata ya taxü̃newa ngẽxmaxü̃tama nangõ̱xgü. Rü ngẽma duü̃xü̃gü i Tupanapata ya taxü̃negu Tupanaca̱x naxü̃nagü daixü̃, rü nanade i ñuxre i ngẽma namachi norü ngõ̱xruxü̃.

1 Corintios 9:7

¿Ta̱xacü rü duü̃xü̃ i churarawa ũxü̃ i nügüxü̃tama naxütanüxü̃ i norü õna? ¿Rü ta̱xacürü duü̃xü̃ i úba itoxü̃ i tama namúxü̃ i norü o? ¿Rü ta̱xacürü duü̃xü̃ i carnérugüna dauxü̃ i tama nagünenixü̃ ne ixaxüxü̃?”

Lebítanüxü̃arü puracüchiga 5:13

Rü ngẽmaãcü i nüma ya chacherdóte rü ngẽma ãmaremaxã tá tüxü̃́ nanaxütanü i ngẽma pecadu i taxüxü̃. Rü choma rü tá tüxü̃́ nüxü̃ icharüngüma i ngẽma tümaarü pecadu. Rü ngẽma ãmaregü i pecaduarü ütanüruü̃güwa íyaxüxü̃ rü chacherdótearü tá nixĩ, ngẽma ãmare i trigute̱xerüxü̃! —ñanagürü.

Lebítanüxü̃arü puracüchiga 7:8

Rü ngẽxgumarüxü̃ ta i ngẽxguma texé choxna naxãxgu i tümaxü̃na nax chacherdóte cha̱u̱xca̱x yaguxü̃ca̱x, rü ngẽma chacherdótearü tá nixĩ i ngẽma naxcha̱xmüxü̃.

Lebítanüxü̃arü puracüchiga 7:10

Rü ngẽxgumarüxü̃ ta i ngẽma ãmaregü i trigute̱xe i ñúxcharaxü̃ i chíxü̃maxã ãéü̃xü̃ rü ñu̱xũchi pate̱xemarexü̃ rü tá Aróü̃ nataagüarü nixĩ. Rü nümagü rü tá mea nügümaxã nangau.

Norü taxre ga popera ga ãẽ̱xgacügüchiga 12:17

Rü yema ngunexü̃gügu ga Chíriaanearü ãẽ̱xgacü ga Achaé rü ĩane ga Gáxcüã̱xgümaxã nügü nadai rü ñu̱xũchi nayapugü ga guma ĩane. Rü yemawena rü Yerucharéü̃ca̱x ínayagoõchi.