Lebítanüxü̃arü puracüchiga 7:34 - Tupanaarü Ore

³⁴ Rü ngẽma Iraétanüxü̃ choxna mugüxü̃ i naxü̃nagü i chacherdóte cha̱u̱xca̱x íguxü̃ nax choxü̃ namaxã nangüxmüxẽẽxü̃ca̱x, rü ngẽmawa chanayaxu i ngẽma namachiremü rü yima tügüneperema nax yimamaxã nüxü̃ charüngü̃xẽẽxü̃ca̱x ya Aróü̃ rü nanegü rü nataagü. Rü ngẽma ãmaregü i Iraétanüxü̃ choxna ãgüxü̃wa rü guxü̃gutáma Aróü̃na rü nataagüna tá naxü i ngẽma namachiremü rü yima tügüneperema —ñanagürü.

Lebítanüxü̃arü puracüchiga 7:34 Referans Kwoze

Wenaxarü naxümatü ga Tupanaarü mugü 18:3

Rü ngẽxguma wüxi i Iraétanüxü̃ Tupanaca̱x yama̱xgu i wüxi i woca i yatüxü̃ rüe̱xna carnéru rü ngẽma chacherdótegüna üxü̃ nixĩ i ngẽma namachica̱xwe rü nachicüra rü guxü̃ma i naü̃nütagü.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Ínachoxü̃xü̃chiga 29:9

¡Rü nüma ya Aróü̃ rü nanegü mea íyagotagü i norü goyexü̃gü rü mea nanga̱xcu i napate̱xegü! Rü ngẽmaãcü tá nüxü̃ cuxuneta nax chorü chacherdótegü yixĩgüxü̃ca̱x. Rü chanaxuegu nax guxü̃gutáma chorü chacherdótegü yixĩgüxü̃ i Aróü̃ nataagü.

Ínachoxü̃xü̃chiga 29:26

¡Rü ngẽxguma tá cunabaerugu ya Aróü̃ nax chorü chacherdóte yixĩxü̃ca̱x rü nayaxu i naremümachi i ngẽma carnéru rü chope̱xewa tá cuyachü̱xacüüxẽxẽ! Rü ngẽma naremümachi rü tá cuxrü nixĩ.

Lebítanüxü̃arü puracüchiga 7:33

Rü yimá chacherdóte ya cha̱u̱xca̱x yagucü i ngẽma chíxü̃ rü choxna naxãcü ya yimá nagü nax choxü̃ namaxã nangüxmüxẽẽxü̃ca̱x, rü yimá chacherdótearü tá nixĩ i ngẽma naxü̃naarü tügüneperema.

Iraétanüxü̃arü muxchiga 5:9

Rü guxü̃ma i ngẽma norü ãmaregü i Iraétanüxü̃ Cori ya Tupanana naxãgüxü̃ rü tá chacherdótexü̃tawa nanana, rü chacherdótearü tá nixĩ.

Iraétanüxü̃arü muxchiga 8:11

Rü nüma i Aróü̃ rü ngẽma Iraétanüxü̃égagu tá choxna nanamugü i ngẽma Lebítanüxü̃ chorü ãmareruxü̃ i ngẽma Iraétanüxü̃ choxna mugüxü̃. Rü ngẽmaãcü i ngẽma Lebítanüxü̃ rü choxrügü tá nixĩgü nax choxü̃́ napuracüexü̃ca̱x.

Iraétanüxü̃arü muxchiga 6:20

Rü yachü̱xüxãcüüxẽẽãcüma Cori ya Tupanape̱xegu nayaxǘ i ngẽma ãmaregü i namachiremü i ngẽma carnéru rü naca̱xwemachi i Tupanana ãxü̃. Erü ngẽma namachigü rü naxüüne, rü chacherdóteca̱xicatama nixĩ. Rü nawena i guxü̃ma i ngẽma, rü nüma i Nacharéu rü marü name nax bínu yaxaxüxü̃.