Lebítanüxü̃arü puracüchiga 7:31 - Tupanaarü Ore

³¹ Rü nüma ya chacherdóte tá nixĩ i ãmarearü guruü̃wa yaguãxü̃ i ngẽma chíxü̃. Natürü ngẽma namachiremü rü Aróü̃ rü nataagüarü tá nixĩ.

Lebítanüxü̃arü puracüchiga 7:31 Referans Kwoze

Lebítanüxü̃arü puracüchiga 7:34

Rü ngẽma Iraétanüxü̃ choxna mugüxü̃ i naxü̃nagü i chacherdóte cha̱u̱xca̱x íguxü̃ nax choxü̃ namaxã nangüxmüxẽẽxü̃ca̱x, rü ngẽmawa chanayaxu i ngẽma namachiremü rü yima tügüneperema nax yimamaxã nüxü̃ charüngü̃xẽẽxü̃ca̱x ya Aróü̃ rü nanegü rü nataagü. Rü ngẽma ãmaregü i Iraétanüxü̃ choxna ãgüxü̃wa rü guxü̃gutáma Aróü̃na rü nataagüna tá naxü i ngẽma namachiremü rü yima tügüneperema —ñanagürü.

Lebítanüxü̃arü puracüchiga 3:16

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ. Rü ngẽma naema i ngẽma õna rü Cori ya Tupana rü tá namaxã nataãxẽ. Rü guxü̃ma i ngẽma chíxü̃ rü Cori ya Tupanaarü nixĩ.

Lebítanüxü̃arü puracüchiga 3:11

Rü ñu̱xũchi ngẽma chacherdóte rü ãmarearü guruü̃étüwa tá ínanagu i guxü̃ma i ngẽma ãmare. Rü ngẽma ãmare rü õna i Cori ya Tupanaca̱x íguxü̃ nixĩ.

Lebítanüxü̃arü puracüchiga 3:5

Rü nüma i chacherdótegü tá nixĩ i ãmarearü guruü̃arü üxü i yauranewa ínaguaxü̃ wüxigu ngẽma naxü̃namaxã. Rü ngẽma naema i ngẽma ãmare, rü Cori ya Tupana rü tá namaxã nataãxẽ.

Iraétanüxü̃arü muxchiga 18:18

Rü ngẽxguma chorü ngüxmüxẽẽruü̃ca̱x penadaixgu i naxü̃nagü rü yima tügüneperema rü naremümachi rü cuxna naxǘ. Rü ngẽxgumarüxü̃ ta cuxna naxǘ i namachi i ngẽma naxü̃na i nüxíra buxü̃ i cha̱u̱xca̱x pedaixü̃.

Lebítanüxü̃arü puracüchiga 8:29

Rü yemawena ga Moiché rü nanayaxu ga yema namachiremü ga nüxna üxü̃, rü Cori ya Tupanape̱xewa nayachü̱xüxãcüüxẽxẽ yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 6:26

Rü ngẽma chacherdóte i ãmare i pecaduarü ütanüruxü̃ cha̱u̱xca̱x iguxü̃, rü name nax tanangṍxü̃ i ngẽma namachi. Natürü ngẽma nachica i üünexü̃ i chopataã̱xtüwa ngẽxmaxü̃wa ta nixĩ i nangṍoxü̃.

Lebítanüxü̃arü puracüchiga 6:16

Rü ngẽma trigute̱xewa íyaxüxü̃ rü Aróü̃ rü nanegüarü tá nixĩ. Natürü ngẽxguma nangõ̱xgüãgu i ngẽma trigute̱xearü paũ rü ngearü pu̱xẽẽruü̃ã́xü̃ tá nixĩ. Rü ngẽma tá nangõ̱xgü nawa i ngẽma nachica i üünexü̃ i woetama ngẽmaruxü̃ ixĩxü̃ i chopataã̱xtüwa ngẽxmaxü̃.

Lebítanüxü̃arü puracüchiga 5:13

Rü ngẽmaãcü i nüma ya chacherdóte rü ngẽma ãmaremaxã tá tüxü̃́ nanaxütanü i ngẽma pecadu i taxüxü̃. Rü choma rü tá tüxü̃́ nüxü̃ icharüngüma i ngẽma tümaarü pecadu. Rü ngẽma ãmaregü i pecaduarü ütanüruü̃güwa íyaxüxü̃ rü chacherdótearü tá nixĩ, ngẽma ãmare i trigute̱xerüxü̃! —ñanagürü.

1 Corintios 9:13

Pema nüxü̃ pecua̱x rü guxü̃ma i duü̃xü̃gü i Tupanapata ya taxü̃newa puracüexü̃, rü ngẽma õna ya yimá Tupanapata ya taxü̃newa ngẽxmaxü̃tama nangõ̱xgü. Rü ngẽma duü̃xü̃gü i Tupanapata ya taxü̃negu Tupanaca̱x naxü̃nagü daixü̃, rü nanade i ñuxre i ngẽma namachi norü ngõ̱xruxü̃.

Ínachoxü̃xü̃chiga 29:26

¡Rü ngẽxguma tá cunabaerugu ya Aróü̃ nax chorü chacherdóte yixĩxü̃ca̱x rü nayaxu i naremümachi i ngẽma carnéru rü chope̱xewa tá cuyachü̱xacüüxẽxẽ! Rü ngẽma naremümachi rü tá cuxrü nixĩ.

Iraétanüxü̃arü muxchiga 18:11

Rü ngẽma ãmaregü i chorü ngüxmüxẽẽruü̃gü i Iraétanüxü̃ choxna ãgüxü̃ rü cuxna rü cunegüna rü cuxacügü i cupatawa ngẽxmagüxü̃na chanaxã. Rü ngẽma rü wüxi i mu i guxü̃gutáma pingu̱xẽẽxü̃ nixĩ. Rü ngexü̃rüüxü̃mare i cupatacüã̱x i chope̱xewa mearü maxü̃xã́xü̃ rü name nax nangõ̱xgüãxü̃ i ngẽma ãmaregü.

Wenaxarü naxümatü ga Tupanaarü mugü 18:3

Rü ngẽxguma wüxi i Iraétanüxü̃ Tupanaca̱x yama̱xgu i wüxi i woca i yatüxü̃ rüe̱xna carnéru rü ngẽma chacherdótegüna üxü̃ nixĩ i ngẽma namachica̱xwe rü nachicüra rü guxü̃ma i naü̃nütagü.