Lebítanüxü̃arü puracüchiga 7:30 - Tupanaarü Ore

³⁰ Rü name i tümame̱xẽgu chope̱xewa tanange i ngẽma ãmare i tiguxchaxü̃xü̃ wüxigu namaxã i ngẽma namachiremü rü ngẽma chíxü̃ i naremüwa ngẽxmaxü̃ nax ngẽmaãcü chope̱xewa chacherdótena tanaxãxü̃ca̱x.

Lebítanüxü̃arü puracüchiga 7:30 Referans Kwoze

Iraétanüxü̃arü muxchiga 6:20

Rü yachü̱xüxãcüüxẽẽãcüma Cori ya Tupanape̱xegu nayaxǘ i ngẽma ãmaregü i namachiremü i ngẽma carnéru rü naca̱xwemachi i Tupanana ãxü̃. Erü ngẽma namachigü rü naxüüne, rü chacherdóteca̱xicatama nixĩ. Rü nawena i guxü̃ma i ngẽma, rü nüma i Nacharéu rü marü name nax bínu yaxaxüxü̃.

Lebítanüxü̃arü puracüchiga 3:14

Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x rü tayaguxü̃ca̱x, rü name i Cori ya Tupanaca̱x tayagu i guxü̃ma i norü chíxü̃ i naü̃nütawa ngẽxmaxü̃, rü yimá taxre ya ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Lebítanüxü̃arü puracüchiga 3:9

Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃, rü narexü̃ i nawemüxü̃ íyacuáxü̃gu idaene, rü norü chíxü̃ i naü̃nütawa ngẽxmaxü̃, rü yimá taxre ya ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

2 Corintios 8:12

Erü ngẽxguma aixcüma wüxi ya duü̃xẽ tümaarü ngúchaü̃maxã ngẽma diẽru i tüxü̃́ ngẽxma̱xcüwa tümaenexẽca̱x ngĩxü̃ itaxãxchaü̃gu, rü Tupana rü taãẽãcüma ngĩxü̃ nayaxu. Erü nüma ya Tupana rü tama tüxna ngĩxca̱x naca i ngẽma tüxü̃́ taxu̱xcü.

Ore i mexü̃ ga Cuáü̃ ümatüxü̃ 10:18

Taxúema choxü̃ tayuxẽxẽ, natürü chomatama chorü ngúchaü̃maatama ichanaxã i chorü maxü̃. Erü cho̱xme̱xwa nangẽxma nax ichanaxãxü̃ca̱x, rü wena nax chanayaxuxü̃ca̱x, yerü yemaacü choxü̃ namu ga Chaunatü —ñanagürü.

Wiyaegü 110:3

Rü ngẽma ngunexü̃ i curü uanügüxü̃ curüporamaegu rü curü duü̃xü̃gü rü tá cuxme̱xwa nügü nangẽxmagüxẽxẽ. Rü nimexchiruãcüma tá cupe̱xewa nangugü. Rü ngẽma curü pora rü guxü̃gutáma nitachigü ñoma pucü ya guxü̃guma pa̱xmama rüngucürüxü̃.

Lebítanüxü̃arü puracüchiga 9:21

Natürü ga yema naremümachi rü norü tügüneperema rü Cori ya Tupanape̱xewa nayachü̱xüxãcüüxẽxẽ, yema Cori ya Tupana Moichémaxã nüxü̃ ixuxü̃rüxü̃.

Lebítanüxü̃arü puracüchiga 8:27

Rü yexguma marü wüxigu nanuãgu rü nüma ga Moiché rü Aróü̃na rü nanegüna nanana nax nümagü rü Cori ya Tupanape̱xewa yema ãmaregü yachü̱xüxtegüãxü̃ca̱x.

Lebítanüxü̃arü puracüchiga 8:29

Rü yemawena ga Moiché rü nanayaxu ga yema namachiremü ga nüxna üxü̃, rü Cori ya Tupanape̱xewa nayachü̱xüxãcüüxẽxẽ yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 10:14

Rü cuxrü rü cunegüarü nixĩ i ngẽma ãmare i naremümachi i chü̱xãcüüãcüma Tupanana pexãxü̃ rü yima naperema i duü̃xü̃gü Tupanana ãgüne. Rü ngẽxguma cuma rü cunegü rü cuxacügü penangõ̱xgu, rü penaxwa̱xe i wüxi i nachica i ngearü ãũãchixü̃ã́xü̃wa penangõ̱x. Erü ngẽma nixĩ i ãmare i Iraétanüxü̃ Tupanaxü̃ namaxã rüngüxmüxẽẽgüxü̃.

Iraétanüxü̃arü muxchiga 8:11

Rü nüma i Aróü̃ rü ngẽma Iraétanüxü̃égagu tá choxna nanamugü i ngẽma Lebítanüxü̃ chorü ãmareruxü̃ i ngẽma Iraétanüxü̃ choxna mugüxü̃. Rü ngẽmaãcü i ngẽma Lebítanüxü̃ rü choxrügü tá nixĩgü nax choxü̃́ napuracüexü̃ca̱x.

Lebítanüxü̃arü puracüchiga 9:20

Rü nüma ga Aróü̃ rü yema naremümachimaxã wüxigu nananu ga yema naxü̃nagüarü chíxü̃. Rü ñu̱xũchi ãmarearü guruü̃wa ínanagu ga yema chíxü̃.

Lebítanüxü̃arü puracüchiga 10:15

Rü yima naperema ya duü̃xü̃gü Tupanana ãxü̃ne rü ngẽma naremümachi i yachü̱xüxãcüüxẽẽãcüma Cori ya Tupanana pexãxü̃ rü ngẽma chíxü̃ i tá piguxü̃ rü wüxigu yachü̱xüxãcüüxẽẽãcüma tá Cori ya Tupanana peyaxã. Rü ngẽmawena rü ãmarearü guruü̃wa tá peyagu i ngẽma chíxü̃, natürü yima naperema rü ngẽma naremümachi rü guxü̃gutáma cuxca̱x rü cunegüca̱x rü cuxacügüca̱x tá nixĩ. Rü ngẽmaãcü nixĩ i Cori ya Tupana nüxü̃ yaxuxü̃ —ñanagürü ga Moiché.

Wenaxarü naxümatü ga Tupanaarü mugü 18:3

Rü ngẽxguma wüxi i Iraétanüxü̃ Tupanaca̱x yama̱xgu i wüxi i woca i yatüxü̃ rüe̱xna carnéru rü ngẽma chacherdótegüna üxü̃ nixĩ i ngẽma namachica̱xwe rü nachicüra rü guxü̃ma i naü̃nütagü.