Lebítanüxü̃arü puracüchiga 7:26 - Tupanaarü Ore

²⁶ Rü ngexü̃rüüxü̃mare i nachica i nagu pexãpataxü̃wa rü tama name nax penangṍxü̃ ya nagü i ngẽma naxü̃nagü i ãxpe̱xatüxü̃ rü ngẽma togü i naxü̃nagü i ñaxtüwa maxẽxü̃.

Lebítanüxü̃arü puracüchiga 7:26 Referans Kwoze

Naanearü ügüchiga 9:4

¡Natürü taxũtáma penangõ̱x i ngẽma namachi i ãgüxü̃! Erü yimá nagüwa nixĩ i nangẽxmaxü̃ i maxü̃.

Ngechuchuarü ngúexü̃gü ga yamugüxü̃arü puracüchiga 15:20

Rü narümemae nixĩ i naxca̱x tanaxümatü i popera, rü ngẽmawa namaxã nüxü̃ tixu: – Tama name nax nangõ̱xgüãxü̃ i naxü̃nagümachi i duü̃xü̃gü norü tupananetachicüna̱xãgüca̱x daixü̃. – Rü tama name nax nai i ngexü̃maxã rü ẽ̱xna nai ya yatümaxã inapexü̃. – Rü tama name nax nangõ̱xgüãxü̃ i namachi i ngẽma naeü̃ rüe̱xna naxü̃na i wẽxnaxãxü̃ rüe̱xna natügu nguxü̃. – Rü tama name nax nangõ̱xgüãxü̃ ya nagü. Rü ngexicatama nixĩ i inaxwa̱xexü̃ nax naxca̱x naxümatüxü̃ i ngẽma yaxõgüxü̃ i Antioquíawa ngẽxmagüxü̃.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Nüxíraxü̃xü̃ ga popera ga Timutéuca̱x naxümatüxü̃ ga Pauru 4:4

Natürü guxü̃ma ya Tupana üxü̃ rü name. Rü taxuacüma nüxü̃ taxo ega Tupanana moxẽ naxca̱x ixãxíraãcüma nangõ̱xgu. Erü Tupanaarü ore rü ngẽma yumüxẽ rü nanaxüünexẽxẽ i ngẽma õna, rü ngẽmaca̱x name nax nangṍxü̃.

Efesios 1:7

Rü Tupana rü poraãcü tüxü̃ nangechaü̃, rü yemaca̱x nanamu ga Nane nax taxca̱x nayuxü̃ rü nagü ibaxü̃ nax yemaacü tüxü̃ ínanguxü̃xẽẽü̃ca̱x rü tüxü̃́ nüxü̃ iyanangümaxü̃ca̱x ga tórü pecadugü.

Ore i mexü̃ ga Cuáü̃ ümatüxü̃ 6:53

Rü Ngechuchu ñanagürü nüxü̃: —Rü choma rü aixcüma pemaxã nüxü̃ chixu rü ngẽxguma pema rü tama namaxã pexãwemügügu i naxü̃ne ya yimá Tupana Nane ya duü̃xü̃xü̃ ixĩcü rü tama nawa pexaxegügu ya nagü, rü taxũtáma pexü̃́ nangẽxma i maxü̃ i taguma gúxü̃.

Echequié 33:25

Rü ngẽmaca̱x chanaxwa̱xe i ngẽma duü̃xü̃gümaxã nüxü̃ quixu i chorü ore i ñaxü̃: “Pema chixexü̃ pexü. Rü penangõ̱x i namachi i nagüã́xü̃, rü tupananetachicüna̱xãgüxü̃ picua̱xüü̃gü, rü pemáetagü. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?

Lebítanüxü̃arü puracüchiga 7:25

Rü yíxema nangṍxe i norü chíxü̃ i ngẽma naxü̃nagü i cha̱u̱xca̱x pedaixü̃ rü ípeguxü̃, rü pema rü petanüwa tá tüxü̃ ípeta̱xüchi.

Lebítanüxü̃arü puracüchiga 7:27

Rü yíxema nangṍxẽ ya ngẽcürüücümare ya nagü rü pema rü petanüwa tá tüxü̃ ípeta̱xüchi —ñanagürü.

Lebítanüxü̃arü puracüchiga 19:26

¡Rü taxũtáma penangõ̱x i namachi i ãgüxü̃. ¡Rü taxũtáma yuüca̱x pengúe, rü taxũtáma naxca̱x pengúe i ngẽma ẽxü̃guxü̃ i yixcüra tá ngupetüxü̃!

Wenaxarü naxümatü ga Tupanaarü mugü 12:16

Natürü yimá nagü rü ¡taxũtáma penangõ̱x! Rü waixü̃müanegu tá penaba ñoma dexá ibaxü̃rüxü̃.

Wenaxarü naxümatü ga Tupanaarü mugü 12:23

Natürü yimá nagü rü ¡taxũtáma penangõ̱x! Erü yimá nagüwa nangẽxma i norü maxü̃. Rü ngẽmaca̱x ¡taxũtáma ngẽma namachimaxã penangõ̱x ya yimá nagü ya maxü̃ nawa ngẽxmacü!

Wenaxarü naxümatü ga Tupanaarü mugü 15:23

Natürü tama name nax penangṍxü̃ i nagü i ngẽma naxü̃nagü. Rü yimá nagü rü waixü̃mügu tá penaba.

Ínachoxü̃xü̃chiga 22:30

Rü ngẽma nüxíraxü̃xü̃ i perü wocaxacügü rü perü carnéruxacügü rü 7 i ngunexü̃ tá naémaxã nangẽxmagü, natürü ngẽxguma norü 8 i ngunexü̃wa nanguxgu rü tá choxna penamu.