Lebítanüxü̃arü puracüchiga 7:20 - Tupanaarü Ore

²⁰ Natürü ngẽxguma yíxema tama chope̱xewa mexẽ nangõ̱xgu i namachi i ngẽma naxü̃na i cha̱u̱xca̱x imáxü̃ nax chorü ngüxmüxẽẽruxü̃ yixĩxü̃ca̱x, rü petanüwa tá ítata̱xüchi.

Lebítanüxü̃arü puracüchiga 7:20 Referans Kwoze

1 Corintios 11:28

Rü ngẽmaca̱x naxü̃pa nax tanangṍxü̃ i ngẽma paũ rü nax tayaxaxüxü̃ ya yimá bínu, rü name nixĩ i wüxichigü mea tümaarü maxü̃ tangugü rü nataxu̱xma i ta̱xacürü chixexü̃ i tümaarü maxü̃wa ngẽxmaxü̃.

Naanearü ügüchiga 17:14

Natürü ya yíxema tama tügü íwíecha̱xmüü̃pe̱xechiraü̃xẽ, rü name nixĩ i noxtacüma pegütanüwa tüxü̃ ípeta̱xüchi erü tama tayanguxẽxẽ i ngẽma yigümaxã ixunetaxü̃ —ñanagürü.

Ínachoxü̃xü̃chiga 30:33

Rü ngẽxguma texé naxü̱xgu i wüxi i chíxü̃ i nangexgumaraxü̃xü̃ rüe̱xna chíxü̃ i üünexü̃maxã ngexerüxexü̃mare tabaerugu rü tá ítamuxũchi i tümatanüxü̃tanüwa” —ñanagürü.

Lebítanüxü̃arü puracüchiga 7:19

Rü ngẽma namachi i ta̱xacürü ãũãchixü̃maxã rüñaxü̃ rü tama name nax texé nangṍxü̃. Rü name nax yaguxü̃. Natürü ngẽma togü i namachi rü guxãma ya yíxema ya chope̱xewa imexe rü marü name nax tanangṍxü̃.

Lebítanüxü̃arü puracüchiga 7:25

Rü yíxema nangṍxe i norü chíxü̃ i ngẽma naxü̃nagü i cha̱u̱xca̱x pedaixü̃ rü ípeguxü̃, rü pema rü petanüwa tá tüxü̃ ípeta̱xüchi.

Iraétanüxü̃arü muxchiga 19:13

Rü ngẽxguma texé yuxe ya duü̃xẽxü̃ ingógügu rü ñu̱xũchi tama ngẽma dexáwa tügü tayaxu̱xgu rü chopatamaxã chixexü̃ taxü. Rü ngẽmaca̱x name nax wüxicana itarüxoxü̃ i Iraétanüxü̃tanüwa. Erü tama ngẽma dexá i wocaarü tanimacamaxã ãéü̃xü̃maxã tamaxcuxü̃ne, rü ngẽmaca̱x chope̱xewa taxãũãchi.

1 Chamué 20:26

Yema ngunexü̃gu ga Chaú rü taxu ñanagürümare, yerü ñaxü̃gu narüxĩnü: —Ngürüãchi ta̱xacü nüxü̃ nangupetü rü tama Tupanape̱xewa nügü namexẽxẽ rü ngẽmaca̱x tama nua naxũ —ñaxü̃gu narüxĩnü.

Ínachoxü̃xü̃chiga 30:38

Rü ngẽxguma texé naxü̱xgu i wüxi i pumarate̱xe i nangexgumaraxü̃xü̃ nax namaxã tapaacaemaxü̃ca̱x rü tá ítamuxũchi i tümatanüxü̃tanüwa —ñanagürü ga Tupana.

Lebítanüxü̃arü puracüchiga 7:27

Rü yíxema nangṍxẽ ya ngẽcürüücümare ya nagü rü pema rü petanüwa tá tüxü̃ ípeta̱xüchi —ñanagürü.

Lebítanüxü̃arü puracüchiga 18:29

Rü yíxema naxǘxe i ngexü̃rüüxü̃ i ñaa chixexü̃, rü name nax wüxicana tüxü̃ ípeta̱xüchixü̃ i petanüwa.

Lebítanüxü̃arü puracüchiga 19:8

Rü yíxema nangṍxẽ rü tá nitümaguãchi i ngẽma chixexü̃, rü ngẽmagagu tá tüxü̃ ípeta̱xüchi i petanüwa, erü nagu tayanachixexẽxẽ i ngẽma Cori ya Tupanaarü ãmare.

Lebítanüxü̃arü puracüchiga 20:3

Choma rü tá namaxã chanu i ngẽma yatü, rü wüxicana tá ichayanaxoxẽxẽ i duü̃xü̃gütanüwa, nagagu nax tama chopataxü̃ nangechaxü̃xü̃ rü ñu̱xũchi nax naxãũãchixẽẽãxü̃ i chauéga i ngẽxguma wüxi ya nane ãmarexü̃ Molóxna tüxü̃ muxgu.

Lebítanüxü̃arü puracüchiga 23:29

Rü yíxema tama ngẽma ngunexü̃gu aurexe, rü tá itata̱xüchi i petanüwa.

Echequié 33:25

Rü ngẽmaca̱x chanaxwa̱xe i ngẽma duü̃xü̃gümaxã nüxü̃ quixu i chorü ore i ñaxü̃: “Pema chixexü̃ pexü. Rü penangõ̱x i namachi i nagüã́xü̃, rü tupananetachicüna̱xãgüxü̃ picua̱xüü̃gü, rü pemáetagü. ¿Rü ngẽmaétüwa nagu perüxĩnüe nax pexrü yixĩxü̃ i ñaa nachixü̃ane?