Lebítanüxü̃arü puracüchiga 7:19 - Tupanaarü Ore

¹⁹ Rü ngẽma namachi i ta̱xacürü ãũãchixü̃maxã rüñaxü̃ rü tama name nax texé nangṍxü̃. Rü name nax yaguxü̃. Natürü ngẽma togü i namachi rü guxãma ya yíxema ya chope̱xewa imexe rü marü name nax tanangṍxü̃.

Lebítanüxü̃arü puracüchiga 7:19 Referans Kwoze

Popera ga Títoca̱x naxümatüxü̃ ga Pauru 1:15

Rü yíxema aixcüma Tupanaaxü̃́ yaxṍxe rü guxü̃guma mexü̃gu tarüxĩnü. Natürü ngẽma tama Tupanaaxü̃́ yaxõxü̃, rü taxucürüwa mexü̃gu narüxĩnü erü norü ĩnü rü naxãũãchi rü naãxẽwa chixexü̃gu narüxĩnü.

2 Corintios 6:17

Rü yemaca̱x ñanagürü ta ga tórü Cori: “¡Ípechoxü̃ i natanüwa i ngẽma duü̃xü̃gü i tama chorü duü̃xü̃gü ixĩgüxü̃! ¡Rü taxṹ i nüxü̃ pingógüxü̃ i ngẽma chope̱xewa ãũãchixü̃! Rü choma rü tá pexü̃ chayaxu.

Romanos 14:20

Rü tama name i õna cungṍxü̃gagu icuyanaxoxẽxẽ i Tupanaarü puracü i cuenexẽarü maxü̃wa. Rü aixcüma nixĩ i guxü̃ma i õnagü i namexü̃ i Tupanape̱xewa. Natürü wüxi i chixexü̃ nixĩ ega ngẽma õna i ingṍxü̃gagu chixexü̃gu nayixẽẽgu i taenexẽgü.

Romanos 14:14

Choma nüxü̃ chacua̱x rü nataxuma i õna i Tupanape̱xewa chixexü̃. Rü aixcümaxü̃chi nüxü̃ chacua̱x i ngẽma erü tórü Cori ya Ngechuchu ya Cristuarü duü̃xü̃ chixĩ, rü nüma choxü̃ nüxü̃ nacua̱xẽxẽ i ngẽma. Natürü ngẽxguma chi texé nagu rüxĩnügu nax tama Tupanape̱xewa namexü̃ i ta̱xacürü õna nax tangṍxü̃, rü name nixĩ i noxtacüma tama nax tanangṍxü̃ ega nagu tarüxĩnügu nax tama namexü̃ i ngẽma.

Ngechuchuarü ngúexü̃gü ga yamugüxü̃arü puracüchiga 10:28

Rü yexguma ga Pedru rü ñanagürü nüxü̃ ga yema duü̃xü̃gü ga yexma ngutaque̱xegüxü̃: —Pema nüxü̃ pecua̱x i toma i Yudíugüca̱x rü nangẽxma i torü mugü i toxna nachu̱xuxü̃ nax pemaxã tangutaque̱xegüxü̃, rü pepatagu nax tachocuxü̃. Natürü Tupana choxü̃ nango̱xetüxẽxẽ rü choxü̃ nüxü̃ nadauxẽxẽ nax tama namexü̃ nax nagu charüxĩnüxü̃ nax tama Tupanape̱xewa timexü̃ ya yíxema tama Yudíugü ixĩgüxe.

Ore i mexü̃ ga Luca ümatüxü̃ 11:41

Rü name nixĩ i curü diẽruwa ngẽma ngearü diẽruã̱xgüxü̃na penaxã. Rü ngẽmaãcü tá pime i guxü̃wama.

Lebítanüxü̃arü puracüchiga 6:27

Rü guxü̃ma i ta̱xacü i namaxã rüñaxü̃ i ngẽma naxü̃namachi rü narüxü̃ tá naxüüne. Rü ngẽxguma chacherdótechiruwa nachaxi̱xgu ya nagü, rü name i wüxi i nachica i üünexü̃wa nayaxu i ngẽma naxchiru.

Lebítanüxü̃arü puracüchiga 7:18

Rü ngẽxguma norü tomaepü̱x i ngunexü̃wa texé nangõ̱xgu i ngẽma namachi i chorü ngüxmüxẽẽruü̃ca̱x imáxü̃ rü ngẽma naxü̃na i cha̱u̱xca̱x imáxü̃ rü taxũtáma pexü̃́ chanayaxu. Rü tá nüxü̃ chaxo rü ngẽma namachi rü chope̱xewa rü tá taxuwama name. Rü yíxema ngẽma namachi ngṍxe rü tá nayange i ngẽma pecadu.

Lebítanüxü̃arü puracüchiga 7:20

Natürü ngẽxguma yíxema tama chope̱xewa mexẽ nangõ̱xgu i namachi i ngẽma naxü̃na i cha̱u̱xca̱x imáxü̃ nax chorü ngüxmüxẽẽruxü̃ yixĩxü̃ca̱x, rü petanüwa tá ítata̱xüchi.