Lebítanüxü̃arü puracüchiga 6:18 - Tupanaarü Ore

¹⁸ Rü guxü̃gutáma i Aróü̃ rü nataagü i yatüxü̃ rü name i nanangõ̱xgü i ngẽma ãmare i cha̱u̱xca̱x yaguxü̃wa íyaxüxü̃. Rü guxü̃ma i ta̱xacü i ngẽmaxü̃gü i namaxã rüñaxü̃ i ngẽma ãmaregü rü narüxü̃ tá naxüüne —ñanagürü.

Lebítanüxü̃arü puracüchiga 6:18 Referans Kwoze

Iraétanüxü̃arü muxchiga 18:10

Rü guxü̃ma i petanüwa i yatüxü̃ rü marü name nax nangõ̱xgüãxü̃ i ngẽma ãmaregü, natürü nanaxwa̱xe nax wüxi i nachica i üünexü̃wa nax nangõ̱xgüãxü̃ erü ngẽma ãmaregü rü nixüüne.

Lebítanüxü̃arü puracüchiga 6:29

Rü ngẽma naxü̃namachi rü wüxi i ãmare i Üünexüchixü̃ nixĩ, rü ngẽmaca̱x ngẽma chacherdótegüxica tá nixĩ i nangõ̱xgüxü̃.

Nüxíraxü̃xü̃ ga popera ga Pedru ümatüxü̃ 2:9

Natürü pema nixĩ i duü̃xü̃gü i tórü ãẽ̱xgacü ya Tupana pexü̃ dexü̃ nax norü puracü pexügüxü̃ca̱x. Rü pema nixĩ i duü̃xü̃gü i nape̱xewa ixüünexü̃, erü nümatama ya Tupana rü norü duü̃xü̃güxü̃ pexü̃ nixĩgüxẽxẽ nax nüxü̃ pixuxü̃ca̱x i ngẽma mexü̃gü i norü poramaxã naxüxü̃. Rü nümatama ya Tupana nixĩ ga ẽanexü̃wa pexü̃ ínanguxü̃xẽẽxü̃ nax norü ngóonexü̃ i mexẽchixü̃gu pechocuxü̃ca̱x.

Nüxíraxü̃xü̃ ga popera ga Pedru ümatüxü̃ 1:16

Rü norü ore i ümatüxü̃wa rü ñanagürü: “Chanaxwa̱xe i pixüüne, erü choma rü chaxüüne”, ñanagürü.

Lebítanüxü̃arü puracüchiga 6:27

Rü guxü̃ma i ta̱xacü i namaxã rüñaxü̃ i ngẽma naxü̃namachi rü narüxü̃ tá naxüüne. Rü ngẽxguma chacherdótechiruwa nachaxi̱xgu ya nagü, rü name i wüxi i nachica i üünexü̃wa nayaxu i ngẽma naxchiru.

Lebítanüxü̃arü puracüchiga 3:17

Rü ngẽma nixĩ i wüxi i mu i guxü̃gutáma ngẽxmaechaxü̃ i pexacügüwa rü petaagüwa pexüexẽẽchigüxü̃ i ngextá ípemaxẽxü̃wa. ¡Rü taxũtáma penangõ̱x i ngẽma chíxü̃ rü yimá nagü! —ñanagürü.

Ínachoxü̃xü̃chiga 29:37

Rü guxü̃ma i ngẽma 7 i ngunexü̃ rü ãmarearü guruü̃wa ãmare tá quigu perü chixexü̃arü ütanüca̱x. Rü ngẽmaãcü i ngẽma ãmarearü guruxü̃ rü tá naxüünexü̃chi. Rü ta̱xacü i namaxã yarüñaxü̃ rü tá naxüüne.

1 Corintios 9:13

Pema nüxü̃ pecua̱x rü guxü̃ma i duü̃xü̃gü i Tupanapata ya taxü̃newa puracüexü̃, rü ngẽma õna ya yimá Tupanapata ya taxü̃newa ngẽxmaxü̃tama nangõ̱xgü. Rü ngẽma duü̃xü̃gü i Tupanapata ya taxü̃negu Tupanaca̱x naxü̃nagü daixü̃, rü nanade i ñuxre i ngẽma namachi norü ngõ̱xruxü̃.

Lebítanüxü̃arü puracüchiga 6:19

Rü nüma ga Cori ya Tupana rü Moichémaxã nidexa rü ñanagürü nüxü̃:

Lebítanüxü̃arü puracüchiga 7:6

Rü guxü̃ma i chacherdótegü rü name nax nangõ̱xgüãxü̃ i ngẽma naxü̃namachi. Natürü name nax wüxi i nachica i üünexü̃wa nangõ̱xgüãxü̃, erü ngẽma ãmare rü naxüünexü̃chi.

Iraétanüxü̃arü muxchiga 18:8

Rü Cori ya Tupana rü Aróü̃xü̃ ñanagürü: —Choma rü cuxü̃ chamu nax nüxna cudauxü̃ca̱x i ngẽma ãmaregü i duü̃xü̃gü choxna naxü̃. Rü guxü̃ma i ngẽma ãmaregü i üünexü̃ i Iraétanüxü̃ choxna naxü̃, rü choma rü cuxna rü cunegüna chanaxã, erü ngẽma nixĩ i pexna üxü̃. Rü ngẽma mu i cumaxã nüxü̃ chixuxü̃ rü tá guxü̃gutáma nagu pexĩ.

Lebítanüxü̃arü puracüchiga 4:3

Rü ngẽxguma chacherdótegüarü ãẽ̱xgacü yixĩxgu i chixexü̃ üxü̃, rü ngẽma chixexü̃ i naxüxü̃gagu rü guxchaxü̃wa tá nangẽxmagü i guxü̃ma i duü̃xü̃gü. Rü ngẽma chacherdótearü ãẽ̱xgacüarü pecaduarü ütanüca̱x rü nüma rü choxü̃ tá namaxã naxãmareã̱x i wüxi i wocaxacü i yatüxü̃ i taxuwama chixexü̃.

Lebítanüxü̃arü puracüchiga 4:24

Rü nüma ya ãẽ̱xgacü rü ngẽma chíbuerugu tá naxǘxme̱x rü tá chopexegu nayawíyenaxã nagu i ngẽma nachica i naxü̃nagü nagu nada̱i̱xü̃ nax yagugüãxü̃ca̱x. Rü ngẽma chíbumaxã naxüxü̃ rü pecaduarü ütanüruxü̃ nixĩ.

Lebítanüxü̃arü puracüchiga 4:33

Rü yíxema duü̃xẽ rü naerugu tá taxü̱xme̱x i ngẽma carnéruxacü i tümaarü pecaduarü ütanüruxü̃. Rü ñu̱xũchi ngẽma nachica i naxü̃nagü nawa ínaguxü̃gu tá tayawíyenaxã.

Lebítanüxü̃arü puracüchiga 6:10

Rü moxü̃ãcü pa̱xmama rü nüma ya chacherdóte rü tá nicuxcuchi i naxchiru i línuchinaxca̱x rü natüü̃chiru i ngẽmarüü̃tama ixĩxü̃. Rü ngẽmawena rü ngẽma guruü̃wa tá nanayaxu i ngẽma naxü̃naarü tanimaca. Rü ngẽma guruü̃cüwagu tá nanagütaque̱xe.