Lebítanüxü̃arü puracüchiga 6:16 - Tupanaarü Ore

¹⁶ Rü ngẽma trigute̱xewa íyaxüxü̃ rü Aróü̃ rü nanegüarü tá nixĩ. Natürü ngẽxguma nangõ̱xgüãgu i ngẽma trigute̱xearü paũ rü ngearü pu̱xẽẽruü̃ã́xü̃ tá nixĩ. Rü ngẽma tá nangõ̱xgü nawa i ngẽma nachica i üünexü̃ i woetama ngẽmaruxü̃ ixĩxü̃ i chopataã̱xtüwa ngẽxmaxü̃.

Lebítanüxü̃arü puracüchiga 6:16 Referans Kwoze

Echequié 44:29

Rü nümagü i ngẽma chacherdótegü tá nixĩ i namaxã naxãwemügüxü̃ i ngẽma trigu i Iraétanüxü̃ choxna ãmaregüxü̃ rü ñu̱xũchi ngẽma naxü̃nagü i pecaduarü ütanüca̱x choxna naxãmaregüxü̃ rü ñu̱xũchi ngẽma ãmaregü i duü̃xü̃gü ta̱xacürü guxchaxü̃ naxügüxü̃gagu inaxãmaregüxü̃. Rü ngẽxgumarüxü̃ ta i guxü̃ma i ngẽmaxü̃gü i Iraétanüxü̃ cha̱u̱xca̱x íxüxüchigüxü̃ rü ngẽma chacherdótegüarü tá nixĩgü.

Lebítanüxü̃arü puracüchiga 2:3

Rü ngẽma íyaxüxü̃ rü wüxi i ãmare i poraãcüxüchima üünexü̃ nixĩ natanüwa i guxü̃ma i ngẽma ãmaregü i Cori ya Tupanaca̱x íguxü̃. Rü ngẽma rü Aróü̃ca̱x rü nanegüca̱x rü nataagüca̱x tá nixĩ.

Lebítanüxü̃arü puracüchiga 6:26

Rü ngẽma chacherdóte i ãmare i pecaduarü ütanüruxü̃ cha̱u̱xca̱x iguxü̃, rü name nax tanangṍxü̃ i ngẽma namachi. Natürü ngẽma nachica i üünexü̃ i chopataã̱xtüwa ngẽxmaxü̃wa ta nixĩ i nangṍoxü̃.

Ínachoxü̃xü̃chiga 12:8

Rü ngẽma chütaxü̃gu tá penangõ̱xgü i namachi i iguxü̃ ya maxẽ ya üxücümaxã ãéü̃xü̃. Rü namaxã tá penaxüxbüxü̃ i paũ i ngearü pu̱xẽẽruü̃ã́xü̃.

1 Corintios 5:8

Rü ngẽmaca̱x nüxü̃ tarüxoe i nũxcümaü̃xü̃ i tacüma i chixexü̃gü rü taxü̃nearü ngúchaü̃gü i ñoma paũ i pu̱xẽẽruxü̃ã́xü̃rüxü̃ ixĩxü̃. Rü tanaxüchiga i tórü Üpetüchiga namaxã i tórü maxü̃ i aixcüma mexü̃ i ñoma paũ i ngearü pu̱xẽẽruxü̃ã́xü̃rüxü̃ ixĩxü̃.

Lebítanüxü̃arü puracüchiga 5:13

Rü ngẽmaãcü i nüma ya chacherdóte rü ngẽma ãmaremaxã tá tüxü̃́ nanaxütanü i ngẽma pecadu i taxüxü̃. Rü choma rü tá tüxü̃́ nüxü̃ icharüngüma i ngẽma tümaarü pecadu. Rü ngẽma ãmaregü i pecaduarü ütanüruü̃güwa íyaxüxü̃ rü chacherdótearü tá nixĩ, ngẽma ãmare i trigute̱xerüxü̃! —ñanagürü.

Iraétanüxü̃arü muxchiga 18:8

Rü Cori ya Tupana rü Aróü̃xü̃ ñanagürü: —Choma rü cuxü̃ chamu nax nüxna cudauxü̃ca̱x i ngẽma ãmaregü i duü̃xü̃gü choxna naxü̃. Rü guxü̃ma i ngẽma ãmaregü i üünexü̃ i Iraétanüxü̃ choxna naxü̃, rü choma rü cuxna rü cunegüna chanaxã, erü ngẽma nixĩ i pexna üxü̃. Rü ngẽma mu i cumaxã nüxü̃ chixuxü̃ rü tá guxü̃gutáma nagu pexĩ.

Lebítanüxü̃arü puracüchiga 6:23

Rü guxü̃ma i ngẽma ãmaregü i chacherdótegü choxna ãgüxü̃ rü guxü̃táma ínagu, rü taxúxetáma tanangõ̱x —ñanagürü.

Norü taxre ga to ga popera ga ãẽ̱xgacügüchiga ümatüxü̃ 31:14

Rü Coré ga Iná nane ga yema ĩã̱x ga éstewaama yexmaxü̃arü dauruxü̃chire̱x nixĩ ga namaxã icuáxü̃ ga yema ãmaregü ga duü̃xü̃gü norü ngúchaü̃maxã Cori ya Tupanaca̱x inaxü̃. Rü nüma ga Coré nixĩ ga chacherdótegüxü̃ rü Lebítanüxü̃güxü̃ yanuaxü̃ ga yema ãmaregü rü õnagü ga duü̃xü̃gü Tupanapatawa naxũ.