Lebítanüxü̃arü puracüchiga 5:5 - Tupanaarü Ore

⁵ Rü yíxema duü̃xẽ i ngexü̃rüüxü̃mare i ngẽma pecadu üxe, rü name nixĩ i nüxü̃ tixuxü̃ i ngẽma tümaarü pecadu i taxüxü̃.

Lebítanüxü̃arü puracüchiga 5:5 Referans Kwoze

Ucu̱xẽgüchiga 28:13

Ngẽma duü̃xü̃ i norü pecadu icúxü̃ rü taxũtáma mexü̃ nüxü̃ naxüpetü. Natürü ngẽma duü̃xü̃ i nüxü̃ ixuxü̃ i norü pecadu rü nüxü̃ rüxoxü̃, rü Tupana rü tá nüxü̃́ nüxü̃ inayarüngüma.

Iraétanüxü̃arü muxchiga 5:7

Rü ngẽma duü̃xü̃ i chixexü̃ üxü̃ rü name nax nüxü̃ yaxuxü̃ i ngẽma norü chixexü̃. Rü nanaxwa̱xe nax naxütanüãxü̃ i ngẽma naxca̱x nangĩ́xü̃. Rü ngẽmaétü tá tanaxütanü i wüxi i norü 5 arü yauxye i ngẽma naxca̱x nangĩ́xü̃.

Lebítanüxü̃arü puracüchiga 26:40

Natürü ngẽxguma chope̱xewa nüxü̃ pixuxgu i perü chixexü̃ rü penatügüarü chixexü̃, rü yema nax tama chauga pexĩnüexü̃ rü chomaxã perüxuanügüxü̃, rü yema chixexü̃güca̱x perü uanügüarü naanewa pexü̃ chawogü, natürü ngẽxguma chi chopexegu pegü íperüxíragügu rü chi nüxü̃ picua̱xãchiegu i perü pecadugü, rü ngẽxguma i choma rü tá nüxna chacua̱xãchi ga yema uneta ga Acóbumaxã, rü Ichaámaxã, rü Abraáü̃maxã chaxüxü̃. Rü ngẽxgumarüxü̃ tá ta nüxna chacua̱xãchi i ngẽma naane ga noxri pexna chaxãxü̃ nax mexü̃ tá namaxã chaxueguxü̃.

Lebítanüxü̃arü puracüchiga 16:21

Rü Aróü̃ rü ngẽma chíbuerugu nanuxme̱xãcüma tá Tupanamaxã nüxü̃ nixu i guxü̃ma i ngẽma Iraétanüxü̃arü chixexü̃gü, rü norü nuwa̱xegü, rü norü pecadugü. Rü ngẽmaãcü tá chíbuwa naxüe i guxü̃ma i ngẽma duü̃xü̃güarü pecadugü. Rü ngẽmawena rü wüxi i duü̃xü̃ tá nayaga rü ínachianexü̃wa tá nayata̱x.

Romanos 10:10

Erü ngẽxguma Ngechuchuaxü̃́ yaxõgügu nixĩ nax Tupanape̱xewa imexü̃. Rü taa̱xmaxã nüxü̃ tixu nax tórü Cori yixĩxü̃ ya Ngechuchu, nax ngẽmaãcü nayaxuxü̃ca̱x i maxü̃ i taguma gúxü̃.

Yochué 7:19

Rü yexguma ga Yochué rü Acáü̃xü̃ ñanagürü: —Pa Chaunex, name nixĩ i cunataxẽxẽ rü nüxü̃ quicua̱xüxü̃ ya Cori ya Iraétanüxü̃arü Tupana. ¡Rü chomaxã nüxü̃ ixu i ta̱xacü nax cuxüxü̃! ¡Rü taxṹ icuyacúxü̃! —ñanagürü.

Danié 9:4

Rü yema chorü yumüxẽwa rü Tupanamaxã nüxü̃ chixu ga chorü pecadugü rü chautanüxü̃arü pecadugü rü ñachagürü: —Pa Cori Pa Tupanax, cuma rü guxãétüwa cungexma rü cuporaxüchi rü guxü̃guma cuyanguxẽxẽ i curü unetagü. Rü ngẽmawa tüxü̃ cunawe̱x nax tüxü̃ cungechaü̃xü̃ ya yíxema aixcüma cuga ĩnüexe rü nagu maxẽxe i curü mugü.

Yeremía 3:13

Pa Iraéanecüã̱xgüx, ¡nüxü̃ pixu i perü chixexü̃ i chope̱xewa pexüxü̃ nax chomaxã penuexü̃, rü guxü̃ma i nai i meetaxü̃tüü̃wa tupananetagüxü̃ picua̱xüü̃güxü̃ rü tama chauga pexĩnüexü̃! Rü choma ya Cori ya Tupana nixĩ i nüxü̃ chixuxü̃ i ngẽma chorü ore’ ” —ñanagürü.

Wiyaegü 32:5

Rü yexguma nagu charüxĩnügu ga chorü maxü̃ nax naturaxü̃ rü cumaxã nüxü̃ chixu ga guxü̃ma ga chorü pecadugü rü taxuxü̃ma chicu̱x. Rü chaugümaxã ñacharügü: —Cori ya Tupanamaxã tá nüxü̃ chixu i chorü chixexü̃gü —ñachagürü. Rü cumax, Pa Corix, rü choxü̃́ nüxü̃ icurüngüma ga guxü̃ma.

Yox 33:27

Rü ngẽxguma i nümax i ngẽma duü̃xü̃ rü duü̃xü̃güpe̱xewa tá ñanarügü: “Woo pecadu chaxü, natürü Tupana choxü̃́ nüxü̃ narüngüma rü tama ngẽma choxna üxü̃maxã choxü̃ napoxcu.

Lebítanüxü̃arü puracüchiga 5:13

Rü ngẽmaãcü i nüma ya chacherdóte rü ngẽma ãmaremaxã tá tüxü̃́ nanaxütanü i ngẽma pecadu i taxüxü̃. Rü choma rü tá tüxü̃́ nüxü̃ icharüngüma i ngẽma tümaarü pecadu. Rü ngẽma ãmaregü i pecaduarü ütanüruü̃güwa íyaxüxü̃ rü chacherdótearü tá nixĩ, ngẽma ãmare i trigute̱xerüxü̃! —ñanagürü.