Lebítanüxü̃arü puracüchiga 5:17 - Tupanaarü Ore

¹⁷ Rü ngẽxguma texé naxü̱xgu i ta̱xacü i chorü mugüwa chu̱xuxü̃, rü woo tanaxüxcüraxü̃gu, natürü tümagagu nixĩ i ngẽma chixexü̃ i taxüxü̃, rü tümawa nangẽxma i ngẽma chixexü̃.

Lebítanüxü̃arü puracüchiga 5:17 Referans Kwoze

Lebítanüxü̃arü puracüchiga 4:27

Rü ngẽxguma chi ngexerüxemare ya duü̃xẽ tümaechita pecadu taxü̱xgu, rü tümagagutama nixĩ erü tanaxü i ngẽma chorü mugü chu̱xuxü̃.

Lebítanüxü̃arü puracüchiga 4:13

Rü ngẽxguma guxü̃ma i Iraétanüxü̃ tama nagu naxĩnüeãcüma pecadu naxügügu, rü taxuxü̃ma i duü̃xü̃ nüxü̃ cua̱xgu nax chorü mugüwa nachu̱xuxü̃ i ngẽma pecadu i naxügüxü̃, rü ngẽma pecadu rü ninaguãchi i guxü̃ma i Iraétanüxü̃.

Wiyaegü 19:12

¿Rü texé ya nüxü̃ cuáxe i tümaarü chixexü̃ i tümawatama ngẽxmaxü̃? Rü ngẽmaca̱x, Pa Cori Pa Tupanax ¡choxü̃́ nüxü̃ irüngüma i ngẽma chixexü̃ i chauechitamare chaxüxü̃!

Lebítanüxü̃arü puracüchiga 5:15

—Yíxema tama nüxü̃ cuáxe nax choxna tanaxãxü̃ i ngẽma choxna üxü̃ rü tümagagutama chope̱xewa pecadugu tangu. Rü ngẽma pecaduarü ütanüruxü̃ rü name i tümaarü carnérutanüwa tayayaxu i wüxi i carnéru i yatüxü̃ i taxuwama chixexü̃, rü chopatawa tanaga. Rü tá tanangugü i natanü nax ñuxre i diẽrumü naxãtanüxü̃ i ngẽma carnéru i tümaarü pecaduca̱x itaxãxü̃. Rü ngẽma diẽrumüarü ya rü chopatawa ngẽxmaxü̃ i yáruü̃wa tá tanangugü.

Lebítanüxü̃arü puracüchiga 4:22

Rü ngẽxguma chi wüxi i ãẽ̱xgacü naxü̱xgu i ta̱xacü i chorü mugüwa chu̱xuxü̃, rü nagutama nangu i ngẽma chixexü̃ i naxüxü̃ woo naechita naxüãgu.

Ore i mexü̃ ga Luca ümatüxü̃ 12:48

Natürü ngẽma coriarü duü̃xü̃ i tama nagu naxĩnüãcüma chixexü̃ naxü, rü tá napoxcuama, natürü írarüwa tá nanacua̱xi. Rü texé ya Tupana muxü̃ma tüxna ãxẽ, rü muxü̃ca̱x tá tüxna naca. Rü texé ya muxü̃ma tüxü̃ nadauxexẽ́xẽ rü yexeraxü̃ca̱x tá tüxna naca.

Romanos 14:23

Natürü ngẽxguma wüxíe nagu rüxĩnügu nax tama namexü̃ i Tupanape̱xewa nax ta̱xacürü õna nax tangṍxü̃, rü pemaxã nüxü̃ chixu rü chixexü̃ taxü ega tanangõ̱xomagu, erü tümaãẽwa nagu tarüxĩnü nax tama aixcüma namexü̃ i ngẽma taxüxü̃. Rü guxü̃ma i ngẽma tümaãẽwa nagu tarüxĩnüxü̃ nax nachixexü̃ rü aixcüma pecadu taxü ega tanaxüamagu.

Lebítanüxü̃arü puracüchiga 5:18

Rü ngẽma pecaduca̱x rü tá tümaxü̃ natanüwa tayayaxu i wüxi i carnéru i taxuwama chixexü̃. Rü cuma rü tá cunangugü i natanü. Rü yíxema duü̃xẽ rü tá chacherdótexü̃tawa tanaga nax yamáaxü̃ca̱x nax ngẽmaãcü choma ya Cori ya Tupana tüxü̃́ nüxü̃ icharüngümaxü̃ca̱x i tümaarü pecadu i tümaechita taxüxü̃. Rü choma rü tá tüxü̃́ nüxü̃ icharüngüma i ngẽma pecadu.

Lebítanüxü̃arü puracüchiga 5:19

Rü ngẽma rü wüxi i ãmare i tümaarü pecadugagu itaxãxü̃ nixĩ, erü yíxema duü̃xẽ rü chope̱xewa tapecaduã̱x —ñanagürü.