Lebítanüxü̃arü puracüchiga 5:1 - Tupanaarü Ore

¹ Rü ngẽxguma chi wüxíe ya duü̃xẽ ãẽ̱xgacü tümaca̱x ngẽmagu nax ãẽ̱xgacüpe̱xewa nüxü̃ tixuxü̃ca̱x i wüxi i guxchaxü̃ i nüxü̃ tadauxü̃ rüe̱xna nüxü̃ taxĩnüxü̃, rü ngẽxguma chi tama nüxü̃ tixuchaü̃gu rü tümagu nangu i ngẽma guxchaxü̃.

Lebítanüxü̃arü puracüchiga 5:1 Referans Kwoze

Lebítanüxü̃arü puracüchiga 5:17

Rü ngẽxguma texé naxü̱xgu i ta̱xacü i chorü mugüwa chu̱xuxü̃, rü woo tanaxüxcüraxü̃gu, natürü tümagagu nixĩ i ngẽma chixexü̃ i taxüxü̃, rü tümawa nangẽxma i ngẽma chixexü̃.

Ucu̱xẽgüchiga 29:24

Ngẽxguma namaxã cuxãmücügu i ngẽma ngĩ́xü̃ rü cugütama cuchixexẽxẽ. Rü ngẽxguma nüxü̃ cuxĩnügu nax ãẽ̱xgacü poxcu cumaxã ueguxü̃, rü woo Tupanaégagu cugü ícuxuegu, rü taxucürüwa cugü ícupoxü̃.

Ore i mexü̃ ga Matéu ümatüxü̃ 26:63

Natürü ga Ngechuchu rü nangea̱xmare. Rü yemaca̱x ga chacherdótegüarü ãẽ̱xgacü ga Caipá rü ñanagürü nüxü̃: —Tupana ya Maxü̃cüégagu cuxü̃ chamu nax aixcüma tomaxã nüxü̃ quixuxü̃ nax texé quixĩxü̃. ¿Rü cuma ẽ̱xna i Cristu ya Tupana Nane quixĩxü̃? —ñanagürü.

Lebítanüxü̃arü puracüchiga 19:8

Rü yíxema nangṍxẽ rü tá nitümaguãchi i ngẽma chixexü̃, rü ngẽmagagu tá tüxü̃ ípeta̱xüchi i petanüwa, erü nagu tayanachixexẽxẽ i ngẽma Cori ya Tupanaarü ãmare.

Lebítanüxü̃arü puracüchiga 7:18

Rü ngẽxguma norü tomaepü̱x i ngunexü̃wa texé nangõ̱xgu i ngẽma namachi i chorü ngüxmüxẽẽruü̃ca̱x imáxü̃ rü ngẽma naxü̃na i cha̱u̱xca̱x imáxü̃ rü taxũtáma pexü̃́ chanayaxu. Rü tá nüxü̃ chaxo rü ngẽma namachi rü chope̱xewa rü tá taxuwama name. Rü yíxema ngẽma namachi ngṍxe rü tá nayange i ngẽma pecadu.

Echequié 18:4

Rü guxü̃ma i duü̃xü̃güarü maxü̃ rü cho̱xme̱xwa nangẽxma woo papagü rü woo nanegü. Rü yíxema chixexü̃ ǘxe rü tümaarü chixexü̃gagu tátama tayu.

Nüxíraxü̃xü̃ ga popera ga ãẽ̱xgacügüchiga 8:31

Rü ngẽxguma texé tümamücümaxã ta̱xacürü guxchaxü̃ uxgu, rü ngẽxguma daa cupata ya taxü̃nearü ãmarearü guruü̃pe̱xewa tüxü̃ nagagügu nax ngéma nüxü̃ tixuxü̃ca̱x i ngẽma tümaarü guxchaxü̃ ¡rü nüxü̃ naxĩnü i daxũguxü̃ i naanewa rü nüxü̃ rüngü̃xẽxẽ i ngẽma curü duü̃xü̃gü! ¡Rü napoxcu i ngẽma aixcüma chixexü̃ ügüxü̃, rü tüxü̃ ínanguxuchixẽxẽ ya yíxema taxuxü̃ma i chixexü̃ üxe!

Iraétanüxü̃arü muxchiga 9:13

Natürü yíxema Tupanape̱xewa mexẽ rü tama ũanewa ũxẽ natürü tama Üpetüchiga üchigaxe rü tama ngẽma ngunexü̃gu tümaarü ãmare Tupanana ãxe, rü tá tüxü̃ ípetaxüchi i petanüwa. Rü ngẽmaãcü tümaarü pecadugagu tá tapoxcu.

Lebítanüxü̃arü puracüchiga 20:17

Rü ngẽxguma wüxi i yatü rü naeya̱xmaxãtama naxãxma̱xgu, rü woo nai i ngewáxü̃ tixĩxgu rüe̱xna woo nai ya yatüxacü tixĩxgu, rü ngẽxguma naxü̃nearü ngúchaü̃ nügümaxã naxügügu i ngẽma taxre, rü name nax wüxicana duü̃xü̃güpe̱xegu penadaixü̃. Erü ngẽma nax naeya̱xmaxãtama namaxü̃xü̃ rü wüxi i taxü̃ i ãne nixĩ. Rü yíxema ngẽma üxe rü tá tümaarü chixexü̃gagu tapoxcu.

Lebítanüxü̃arü puracüchiga 17:16

Natürü ngẽxguma taxũtáma nügü naya̱u̱xchirugu rü taxũtáma nügü naxaiyagu, rü nawa tátama nangẽxma i ngẽma norü chixexü̃ —ñanagürü ga Cori ya Tupana.

Nüxíraxü̃xü̃ ga popera ga Pedru ümatüxü̃ 2:24

Rü nümatama ga Cristu rü nügüxü̃negu nayange ga tórü pecadugü ga yexguma curuchagu nayu̱xgu. Rü yemaacü nanaxü nax nüxü̃ rüxoexü̃ca̱x i tórü chixexü̃ rü naxca̱xicatama imaxẽxü̃ca̱x. Nüma rü pexca̱x nanapi̱x nax yemaacü pexü̃ nameexẽẽxü̃ca̱x.

Echequié 18:20

Rü yíxema chixexü̃ üxexicatama tá tixĩ ya tümaarü chixexü̃gagu poxcuexe. Rü nüma ya yimá nane ya mecü rü taxũtáma nanatüarü chixexü̃ naxütanü. Rü wüxi i papa i mexü̃ rü taxũtáma nanearü chixexü̃ naxütanü. Rü yíxema mexü̃ ǘxe rü tá tanayaxu i tümaarü ãmare naxca̱x i ngẽma mexü̃ i taxüxü̃. Rü yíxema chixexü̃ ǘxe rü tá tanayaxu i tümaarü poxcu naxca̱x i ngẽma chixexü̃ i taxüxü̃.

Ichaía 53:11

Natürü nawena nax ngúxü̃ yangexü̃, rü tá nataãxẽ erü nüxü̃ nacua̱x nax norü yugagu muxü̃ma i duü̃xü̃gü tá nanayauxgü i maxü̃ i taguma gúxü̃. Rü nüma ya Cori ya Tupanaarü duü̃ ya mecü rü tá Tupanape̱xewa nayamexẽxẽ i muxü̃ma i duü̃xü̃gü rü tá nayange i norü pecadugü.

Ucu̱xẽgüchiga 30:9

Erü ngẽxguma chi chamuarü diẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma. Rü ngẽxguma chi changearü diẽruã̱xgu, rü chi changĩ̱x, rü ngẽmagagu chi chixri cuchiga nidexagü i duü̃xü̃gü.

Wiyaegü 38:4

Rü ngẽma chorü pecadugü rü nayaxüchi rü chauétügu nangu rü tama namaxã chapora.

Norü taxre ga to ga popera ga ãẽ̱xgacügüchiga ümatüxü̃ 18:15

Natürü nüma ga ãẽ̱xgacü rü ñanagürü nüxü̃: —¿Ñuxree̱xpü̱xcüna tá i cumaxã nüxü̃ chixuxü̃ nax aixcümaxü̃ chomaxã quixuxü̃ca̱x naégagu ya Cori ya Tupana? —ñanagürü.

Nüxíraxü̃xü̃ ga popera ga ãẽ̱xgacügüchiga 22:16

Natürü nüma ga ãẽ̱xgacü rü Micaíaxü̃ nangãxü̃ rü ñanagürü: —Marü muẽ̱xpüxcüna cumaxã nüxü̃ chixu rü ngẽxguma ta̱xacüxü̃ chomaxã quixuxgu rü chanaxwa̱xe i Tupanaégagu aixcümaxü̃ chomaxã quixu —ñanagürü.

Ãẽ̱xgacügü ga guxchaxü̃güarü mexẽxẽruü̃gü 17:2

Rü wüxi ga ngunexü̃gu rü naéxü̃ ñanagürü: —Cuxü̃ chaxĩnü nax chixexü̃ namaxã quixugüxü̃ i ngẽma ngĩ́ta̱xaxü̃ i 1,100 tachinü i curü diẽruca̱x ngĩ́xü̃. Natürü choma nixĩ ga cuxü̃́ tümaca̱x changĩ́xü̃ rü daxe tixĩ, rü cuxü̃́ tüxü̃ chatáeguxẽxẽ i ñu̱xmax. Erü cuxü̃ chaxĩnü nax Tupanamaxã nüxü̃ quixuxü̃ nax wüxíexü̃ tá cumuxü̃ nax naiwa cuxü̃́ naxüaxü̃ca̱x i wüxi i naxchicüna̱xã i ngẽma diẽrumaxã pexenexü̃ —ñanagürü. Rü yemaacü naéaxü̃́ tüxü̃ natáeguxẽxẽ ga guxema diẽru. Rü ngĩma ga naé rü ngĩgürügü: —¡Tupana cuxü̃ rüngü̃xẽxẽ, Pa Chaunex! —ngĩgürügü.

Lebítanüxü̃arü puracüchiga 5:15

—Yíxema tama nüxü̃ cuáxe nax choxna tanaxãxü̃ i ngẽma choxna üxü̃ rü tümagagutama chope̱xewa pecadugu tangu. Rü ngẽma pecaduarü ütanüruxü̃ rü name i tümaarü carnérutanüwa tayayaxu i wüxi i carnéru i yatüxü̃ i taxuwama chixexü̃, rü chopatawa tanaga. Rü tá tanangugü i natanü nax ñuxre i diẽrumü naxãtanüxü̃ i ngẽma carnéru i tümaarü pecaduca̱x itaxãxü̃. Rü ngẽma diẽrumüarü ya rü chopatawa ngẽxmaxü̃ i yáruü̃wa tá tanangugü.

Lebítanüxü̃arü puracüchiga 4:2

—¡Iraétanüxü̃maxã nüxü̃ ixu, rü ngẽxguma texé ngürüãchi tümaechita chixexü̃ ücüraxü̃gu rü tama tayangu̱xẽẽgu i ngexü̃rüüxü̃ i chorü mugü, rüe̱xna tanaxü̱xgu i ngẽma choma chachu̱xuxü̃, rü ñaãcü tá nixĩ i tanamexẽẽxü̃ i tümaarü guxchaxü̃:

Ínachoxü̃xü̃chiga 22:11

Natürü name nax Tupanaégagu norü yoramaxã nüxü̃ tixuxü̃ nax tama tüma naxca̱x tangĩ́xü̃ i ngẽma naxü̃na. Rü yíxema norü yora ixĩxẽ i ngẽma naxü̃na, rü name nax tayaxõxü̃ i ngẽma dexa. Rü ngẽmaãcü ya yíxema nüxna dauxe rü taxuxü̃táma tanaxütanü.

Yeremía 23:10

Rü ñaa nachixü̃ane rü namaxã nayapa i duü̃xü̃gü i Tupanana ixĩgachixü̃ rü tama aixcüma naga ĩnüexü̃. Rü ngẽma orearü uruü̃güneta rü paxa naxca̱x nadaugü nax chixexü̃ naxügüxü̃. Rü ngẽmaca̱x ya Cori ya Tupana rü chixexü̃ namaxã naxuegu i ñaa naane rü chianexü̃xü̃ nayangucuchixẽxẽ. Rü ñu̱xma i ngẽma wocachitaü̃güarü maxẽgü rü marü nipagü.