Lebítanüxü̃arü puracüchiga 4:3 - Tupanaarü Ore

³ Rü ngẽxguma chacherdótegüarü ãẽ̱xgacü yixĩxgu i chixexü̃ üxü̃, rü ngẽma chixexü̃ i naxüxü̃gagu rü guxchaxü̃wa tá nangẽxmagü i guxü̃ma i duü̃xü̃gü. Rü ngẽma chacherdótearü ãẽ̱xgacüarü pecaduarü ütanüca̱x rü nüma rü choxü̃ tá namaxã naxãmareã̱x i wüxi i wocaxacü i yatüxü̃ i taxuwama chixexü̃.

Lebítanüxü̃arü puracüchiga 4:3 Referans Kwoze

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Lebítanüxü̃arü puracüchiga 9:2

Moiché rü Aróü̃xü̃ ñanagürü: —¡Nua naga i wüxi i wocaxacü i yatüxü̃ i ngexwaca yaxü̃ nax pecaduarü ütanüca̱x yamáxü̃ca̱x! ¡Rü ngẽxgumarüxü̃ ta nua naga i wüxi i carnéru i yatüxü̃ i taxuwama chixexü̃, rü Cori ya Tupanaca̱x ínagu!

Lebítanüxü̃arü puracüchiga 4:14

Natürü ngẽxguma nüxü̃ yacuã̱xãchitanügu i ngẽma pecadu i naxügüxü̃ rü name i guxü̃ma i ngẽma duü̃xü̃gü rü wüxigu wüxi i wocaxacü i yatüxü̃ norü pecadutanü nima̱xgü nax ngẽmaãcü nüxü̃́ nüxü̃ icharüngümaxü̃ca̱x i norü pecadu. Rü ngẽma wocaxacü rü chopatape̱xewa tá nanagagü.

Popera ga Yudíugü ga yaxõgüxü̃ca̱x ümatüxü̃ 5:3

Rü ngẽma chacherdotegüarü ãẽ̱xgacü rü tama ngẽma duü̃xü̃güarü pecaduca̱xicatama nixĩ i Tupanaca̱x ínaguaxü̃ i naxü̃nagü, natürü noxrütama pecaduca̱x rü ta nixĩ i ínaguaxü̃ i naxü̃nagü nax ngẽmaãcü Tupana nüxü̃́ nüxü̃ rüngü̃maxü̃ca̱x i noxrütama pecadugü rü ngẽma duü̃xü̃güarü pecadugü rü ta.

Édra 8:35

Rü yemawena ga toma rü naxü̃na ítagu naxca̱x ga guma torü Tupana. Rü guxü̃ma ga Iraétanüxü̃égagu rü ítanagu ga 12 ga wocaxacügü rü 96 ga carnérugü rü 77 ga carnéruxacügü. Rü torü chixexü̃güarü ütanüruxü̃ rü ítanagu ga 12 ga chíbugü.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Echequié 43:19

Rü ngẽma chacherdótegü i Lebítanüxü̃ i Chadóxtaagü tá nixĩ i cha̱u̱xca̱x naxügüxü̃ i ngẽma puracü. Rü cuma rü tá nüxna cunamu i wüxi i wocaxacü i yatüxü̃ nax pecadutanü cha̱u̱xca̱x yagugüãxü̃ca̱x. Rü choma ya Cori ya Tupana rü ngẽma nixĩ i cuxü̃ chamuxü̃.

Ínachoxü̃xü̃chiga 29:21

¡Rü yimá nagü ya ãmarearü guruü̃wa ngẽxmacümaxã naxüexü̃ i ngẽma chíxü̃ i baeruruxü̃! ¡Rü íxracü nayaxu rü Aróü̃xü̃ namaxã namaxcuétü rü naxchiru rü ta namaxcuchara! ¡Rü nanegüxü̃ rü ta namaxcuétü rü naxchirugü rü ta namaxcuchara! Rü ngẽmaãcü i Aróü̃ rü nanegü rü naxchirugü rü choxrügü tá nixĩgü.

Ínachoxü̃xü̃chiga 29:14

Natürü ngẽma namachi, rü naxcha̱xmüxü̃, rü naü̃ i ngẽma woca rü ĩpemawa tá peyanagu nax ngẽmaãcü penaxütanüxü̃ca̱x i ngẽma perü chixexü̃ i pexüxü̃.

Ínachoxü̃xü̃chiga 29:7

¡Rü nayaxu i ngẽma chíxü̃ i baeruruxü̃ rü namaxã nabaeru ya Aróü̃ nax ngẽmaãcü chorü chacherdóte yixĩxü̃ca̱x!

Iraétanüxü̃arü muxchiga 8:8

Rü ngẽmawena rü ngéma tá nanagagü i wüxi i wocaxacü i yatüxü̃, rü ngéma tá nanangegü i íxraxü̃ i arína i rümemaexü̃ i chíxü̃maxã i ñumüxü̃ i chorü ãmareruxü̃. Rü naétü rü ngéma tá nanaga i wüxi i to i wocaxacü i yatüxü̃ norü pecaduarü ütanüruxü̃.

Lebítanüxü̃arü puracüchiga 16:11

Rü nüma ya Aróü̃ rü tá cha̱u̱xca̱x nayagu i ngẽma wocaxacü i noxrütama pecaduarü ütanüruxü̃ nax nüxü̃́ nüxü̃ icharüngümaxü̃ca̱x i noxrütama pecadugü rü napatacüã̱xarü pecadugü.

Lebítanüxü̃arü puracüchiga 16:6

Rü tá cha̱u̱xca̱x nayagu i ngẽma wocaxacü i noxrütama pecadugüarü ütanüruxü̃ rü napatacüã̱xarü pecadugüarü ütanüruxü̃.

Lebítanüxü̃arü puracüchiga 8:12

Rü ñu̱xũchi ga Moiché rü Aróü̃erugu nanaba ga yema chíxü̃, rü yemaacü Tupanaarü puracüca̱x nüxü̃ naxuneta.

Lebítanüxü̃arü puracüchiga 5:6

Rü yíxema duü̃xẽ rü tümaarü pecaduarü ütanüruxü̃ tá Cori ya Tupanaca̱x tayama̱x i wüxi i chíbuxacü i ngexü̃ rüe̱xna wüxi i carnéruxacü i ngexü̃ i tümaxü̃naxüchitama ixĩxü̃. Rü nüma ya chacherdóte rü tá Tupanaca̱x nayagu i ngẽma tümaarü ãmare nax ngẽmaãcü Tupana tüxü̃́ nüxü̃ iyarüngü̃maxü̃ca̱x i tümaarü pecadu ya yíxema duü̃xẽ.

Ínachoxü̃xü̃chiga 30:10

Rü ngẽma naxü̃nagüarü guruxü̃ i chopataarü düxétüwa ngẽxmaxü̃ rü aixcüma tá cha̱u̱xca̱xicatama nixĩ. Rü wüxichigü ya taunecügu rü wüxicanatama ngẽma norü ãgümücüpe̱xegu i ngẽma ãmarearü guruxü̃ tá yimá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü. Rü ngẽmaãcü guxcüma ya taunecügu rü wüxicanatama ngẽma ãmarearü guruü̃pe̱xegu tá ãmarearü nagü ngẽxma nipiichi i Aróü̃ nax ngẽmaãcü nüxü̃́ nüxü̃ ichayarüngü̃maxü̃ca̱x i duü̃xü̃güarü pecadugü —ñanagürü.

Popera ga Yudíugü ga yaxõgüxü̃ca̱x ümatüxü̃ 9:12

Rü Cristu rü wüxicanatama daxũguxü̃ i naanegu naxücu ya Tupana íngẽxmaxü̃wa, rü guxü̃guma ngéma nangẽxma. Rü tama yéma nanange ga nagü ga chíbugü rü wocaxacügü, natürü nagütama yéma nange. Rü yemaacü taétüwa nachogü nax guxü̃guma tüxü̃́ nangẽxmaxü̃ca̱x i maxü̃ i taguma guxü̃.

Lebítanüxü̃arü puracüchiga 4:5

Rü ngẽmawena rü nüma tátama nanayaxu ya íxracü ya nagü i ngẽma wocaxacü, rü ñu̱xũchi chopataarü aixepewa tá nanange. Rü ngéma rü tá yimá nagüwa naxue, rü chope̱xewa rü 7 e̱xpü̱xcüna tá ngẽma chopataarü tüyemachiãguama nanama̱xgü ya yimá nagü.

Lebítanüxü̃arü puracüchiga 4:23

Natürü ngẽxguma nüxna yacua̱xãchigu nax pecadu naxüxü̃, rü name nax choxna namuaxü̃ i wüxi i chíbu i taxuwama chixexü̃.

Lebítanüxü̃arü puracüchiga 4:28

Rü ngẽxguma yíxema duü̃xẽ nüxü̃ icua̱xãchigu nax pecadu taxüxü̃, rü name nax chopatawa tanagaxü̃ i wüxi i cabra i taxuwama chixexü̃ nax tümaarü pecaduarü ütanüruxü̃ yixĩxü̃ca̱x i ngẽma ãmare.

Iraétanüxü̃arü muxchiga 16:22

Natürü nüma ga Moiché rü Aróü̃ rü Tupanape̱xegu ñaxtüanegu nanangücuchitanü rü ñanagürügü nüxü̃: —Pa Tupanax, cuma nax cunamaxẽxẽẽxü̃ i guxü̃ma i duü̃xü̃gü, rü tama name i wüxitama i duü̃xü̃arü chixexü̃gagu rü guxü̃ma i duü̃xü̃gümaxã cunu —ñanagürügü.

Norü taxre ga to ga popera ga ãẽ̱xgacügüchiga ümatüxü̃ 29:21

Rü yéma nanagagü ga norü ãmaregü ga 7 ga wocagü ga iyatüxü̃ rü 7 ga carnérugü ga iyatüxü̃, rü 7 ga carnéruxacügü ga iyatüxü̃, rü 7 ga chíbuxacügü ga iyatüxü̃ nax Tupanaca̱x ínagugüaxü̃ca̱x nax yemaacü Tupana nüxü̃́ nüxü̃ rüngü̃maxü̃ca̱x ga yema chixexü̃gü ga naxügüxü̃ ga natanüxü̃ ga ãẽ̱xgacü rü yema Yudátanüxü̃ rü yemaacü Tupanape̱xewa nax namexü̃ca̱x ga napata ga Tupana. Rü nüma ga ãẽ̱xgacü rü yema chacherdótegü ga Aróü̃tanüxü̃xü̃ namu nax Cori ya Tupanaarü ãmarearü guruü̃wa naxca̱x ínagugüaxü̃ca̱x ga yema ãmaregü.

Lebítanüxü̃arü puracüchiga 1:3

Rü ngẽma tümaarü ãmare rü tá tümaxü̃natama nixĩ. Rü wüxi i woca iyatüxü̃ i taxuwama chixexü̃ tá nixĩ. Rü chopataã̱xtüwa ngẽxmaxü̃ i guruü̃wa tá nixĩ i itayaguxü̃. Rü ngẽxguma i choma ya Cori ya Tupana rü tá chanayaxu.

Lebítanüxü̃arü puracüchiga 1:10

Rü ngẽxguma texé tümaarü carnérutanüwa rüe̱xna chíbutanüwa choxna taxãxgu i wüxi i ãmare nax tayaguxü̃ca̱x rü name i wüxi i naxü̃na iyatüxü̃ i ngearü chixexü̃ã́xü̃ nax yixĩxü̃.

Lebítanüxü̃arü puracüchiga 6:18

Rü guxü̃gutáma i Aróü̃ rü nataagü i yatüxü̃ rü name i nanangõ̱xgü i ngẽma ãmare i cha̱u̱xca̱x yaguxü̃wa íyaxüxü̃. Rü guxü̃ma i ta̱xacü i ngẽmaxü̃gü i namaxã rüñaxü̃ i ngẽma ãmaregü rü narüxü̃ tá naxüüne —ñanagürü.

Lebítanüxü̃arü puracüchiga 9:3

¡Rü Iraétanüxü̃maxã nüxü̃ ixu nax wüxi i chíbu i yatüxü̃ nua nagagüxü̃ nax ngẽmamaxã naxütanügüãxü̃ca̱x i norü pecadugü! ¡Rü ñu̱xũchi nua nagagü i wüxi i wocaxacü i yatüxü̃ i ngexwaca yaxü̃, rü wüxi i carnéruxacü i wüxi ya taunecü nüxü̃́ ngẽxmaxü̃ i taxuwama chixexü̃ nax ngẽma taxre rü Cori ya Tupanaca̱x ícuguxü̃!

Lebítanüxü̃arü puracüchiga 16:3

Rü nüma ya Aróü̃ rü wüxi i wocaxacü i yatüxü̃maxã tá chopataa̱xtügu naxücu nax ngẽxma yamáãxü̃ca̱x noxrütama chixexü̃tanü. Rü ngẽxgumarüxü̃ tá ta ngéma nanaga i wüxi i carnéru nax cha̱u̱xca̱x yaguãxü̃ca̱x.

Lebítanüxü̃arü puracüchiga 16:5

Rü nüma i Iraétanüxü̃ rü tá Aróü̃na nanamugü i taxre i chíbuxacügü, rü ngẽma tá nixĩ i duü̃xü̃güarü pecaduca̱x nada̱i̱xü̃. Rü ngẽxgumarüxü̃ tá ta ngéma nanaga i wüxi i carnéru nax ngéma cha̱u̱xca̱x yaguãxü̃ca̱x.

Echequié 40:39

Rü yema ucapu ga ngu̱xẽẽchicawa nayexma ga ãgümücü ga mechagü. Rü wüxicüwawa nayexma ga taxre ga mechagü rü yema tocüwawa nayexma ga taxre. Rü yema mechagüétügu nixĩ ga nadaiaxü̃ ga naxü̃nagü ga Tupanaca̱x ínaguxchaü̃güxü̃, rü naxü̃nagü ga pecadugüarü ütanüca̱x ínagugüxü̃, rü yema naxü̃nagü ga nagagutama naxüxü̃ ga pecaduarü ütanüruxü̃ca̱x ínagugüxü̃.

Echequié 44:27

Rü ngẽxguma wenaxarü chopataarü aixepewa ngẽxmaxü̃ i naã̱xtügu nachocuxgu nax chorü puracü naxügüxü̃ca̱x, rü pecaduarü ütanüca̱x tá wüxi i naxü̃na nima̱xgü rü nayagu. Rü ngẽma nixĩ i nüxü̃ chixuxü̃ i choma ya Cori ya Tupana.