Lebítanüxü̃arü puracüchiga 4:28 - Tupanaarü Ore

²⁸ Rü ngẽxguma yíxema duü̃xẽ nüxü̃ icua̱xãchigu nax pecadu taxüxü̃, rü name nax chopatawa tanagaxü̃ i wüxi i cabra i taxuwama chixexü̃ nax tümaarü pecaduarü ütanüruxü̃ yixĩxü̃ca̱x i ngẽma ãmare.

Lebítanüxü̃arü puracüchiga 4:28 Referans Kwoze

Lebítanüxü̃arü puracüchiga 4:23

Natürü ngẽxguma nüxna yacua̱xãchigu nax pecadu naxüxü̃, rü name nax choxna namuaxü̃ i wüxi i chíbu i taxuwama chixexü̃.

Lebítanüxü̃arü puracüchiga 4:32

Rü ngẽxguma yíxema duü̃xẽarü ãmare rü wüxi i carnéruxacü yixĩxgu, rü name nax wüxi i carnéruxacü i ngexü̃ i taxuwama chixexü̃ nax yixĩxü̃.

Lebítanüxü̃arü puracüchiga 4:3

Rü ngẽxguma chacherdótegüarü ãẽ̱xgacü yixĩxgu i chixexü̃ üxü̃, rü ngẽma chixexü̃ i naxüxü̃gagu rü guxchaxü̃wa tá nangẽxmagü i guxü̃ma i duü̃xü̃gü. Rü ngẽma chacherdótearü ãẽ̱xgacüarü pecaduarü ütanüca̱x rü nüma rü choxü̃ tá namaxã naxãmareã̱x i wüxi i wocaxacü i yatüxü̃ i taxuwama chixexü̃.

Gálatas 3:28

Rü ñu̱xma rü Tupanape̱xewa rü nüetama nixĩ ega woo Yudíugü pixĩgügu rü ẽ̱xna tama. Rü nüetama ega woo wüxi i coriarü duü̃xü̃gü pixĩgügu rü ẽ̱xna taxúearü duü̃xü̃gü pixĩgügu. Rü nüetama ega woo piyatügu rü ẽ̱xna pingexgu. Erü ñu̱xma nax Ngechuchu ya Cristuarü duü̃xü̃gü nax pixĩgüxü̃, rü wüxitama i duü̃xü̃ pixĩgü i guxãma i pemax.

Romanos 8:3

Rü yemaacü Tupana nanaxü ga yema taxucürüwa naxüxü̃ ga yema mugü ga Moiché ümatüxü̃. Erü taxúema namaxã tapora i tümaarü ngúchaü̃ nax chixexü̃ taxüxü̃. Rü yemaca̱x ga Tupana rü ñoma ga naanewa nanamu ga Nane, rü duü̃xü̃ i pecaduã́xü̃rüxü̃ nixĩ ga naxü̃ne nax yemaacü pecadugagu nayuxü̃ca̱x nax tama tamaxã naporaxü̃ca̱x i ngẽma pecadu.

Yeremía 31:22

Pa Iraétanüxü̃x, ¿ñuxguratáta nüxü̃ perüxoexü̃ nax choxna nu ne penaxĩmarexü̃ ñoma wüxi i pacü i ngĩnatüna nu ne naxũmarecürüxü̃? Rü choma rü tá chanango̱xẽxẽ i ta̱xacü i ñoma i naanewa ngexwaca̱xü̃xü̃. Rü wüxi i ngexü̃ i nateca̱x taeguxü̃rüxü̃ rü pema rü tá cha̱u̱xca̱x pewoegu —ñanagürü.

Ichaía 7:14

Rü nümatama ya Cori ya Tupana rü tá pexü̃ nüxü̃ nadauxẽxẽ i wüxi i cua̱xruxü̃. Rü ngẽma pacü i taguma yatüxü̃ cua̱xcü rü tá ngürü ixãxacü. Rü yimá ngĩne rü tá Emanuégu inaxüéga.

Lebítanüxü̃arü puracüchiga 5:6

Rü yíxema duü̃xẽ rü tümaarü pecaduarü ütanüruxü̃ tá Cori ya Tupanaca̱x tayama̱x i wüxi i chíbuxacü i ngexü̃ rüe̱xna wüxi i carnéruxacü i ngexü̃ i tümaxü̃naxüchitama ixĩxü̃. Rü nüma ya chacherdóte rü tá Tupanaca̱x nayagu i ngẽma tümaarü ãmare nax ngẽmaãcü Tupana tüxü̃́ nüxü̃ iyarüngü̃maxü̃ca̱x i tümaarü pecadu ya yíxema duü̃xẽ.

Lebítanüxü̃arü puracüchiga 4:14

Natürü ngẽxguma nüxü̃ yacuã̱xãchitanügu i ngẽma pecadu i naxügüxü̃ rü name i guxü̃ma i ngẽma duü̃xü̃gü rü wüxigu wüxi i wocaxacü i yatüxü̃ norü pecadutanü nima̱xgü nax ngẽmaãcü nüxü̃́ nüxü̃ icharüngümaxü̃ca̱x i norü pecadu. Rü ngẽma wocaxacü rü chopatape̱xewa tá nanagagü.

Naanearü ügüchiga 3:15

Rü ñu̱xma rü pemaxã chanaxuegu nax cuma rü ngẽma nge rü pegümaxã perüxuanügüxü̃. Rü ngẽxgumarüxü̃ ta i cuxacügü rü ngĩxacügü rü tá nügümaxã narüxuanügü. Rü yimá ngĩne rü tá cuxü̃ nipúmüeru rü cuma rü tá cunangõ̱xchinecutü —ñanagürü.

Wiyaegü 90:8

Rü torü pecadugü rü torü chixexü̃gü i cúãcü taxüxü̃ rü cupe̱xewa nango̱xoma.