Lebítanüxü̃arü puracüchiga 4:21 - Tupanaarü Ore

²¹ Rü ngẽmawena rü tá ípepegüxü̃arü düxétüwa nanange, rü ñu̱xũchi ngéma tá nayagu. Rü ngẽma nuxíraxü̃xü̃ i wocaxacü i yaguxü̃rüxü̃ tá nayagu, erü ngẽma rü wüxi i ãmare i duü̃xü̃güarü pecaduarü ütanüruxü̃ nixĩ.

Lebítanüxü̃arü puracüchiga 4:21 Referans Kwoze

Lebítanüxü̃arü puracüchiga 16:15

Rü ngẽmawena rü tá nayama̱x i ngẽma chíbu i duü̃xü̃güarü pecaduarü ütanüruxü̃ ixĩxü̃. Rü yimá nagü i ngẽma chíbu rü tá ngẽma Tupanapataarü tüyemachiü̃arü aixepewa nanange. Rü ngéma aixepewa rü yimá nagümaxã tá nanamaxcuétü rü nanamaxcupe̱xe i ngẽma baúátaü̃ ngẽxgumarüxü̃ nax wocaxacügümaxã namaxcuãxü̃rüxü̃.

2 Corintios 5:21

Cristu rü taguma pecadu naxü. Natürü tagagu nixĩ ga Tupana ga Cristuxü̃ naxütanüxẽẽãxü̃ i guxü̃ma i tórü pecadugü nax yemaacü nagagu tüxü̃ ínanguxü̃xẽẽxü̃ca̱x nawa i tórü pecadugü nax nape̱xewa imexü̃ca̱x ya Tupana.

Ore i mexü̃ ga Matéu ümatüxü̃ 20:28

Yerü Tupana Nane ya duü̃xü̃xü̃ ixĩcü rü tama nüxü̃ nangü̃xẽẽgüxü̃ca̱x núma naxũ. Natürü núma naxũ nax duü̃xü̃güxü̃ yanangü̃xẽẽxü̃ca̱x rü naxca̱x inaxããxü̃ca̱x i norü maxü̃, nax ngẽmaãcü muxü̃ma i duü̃xü̃güarü maxü̃ naxütanüxü̃ca̱x —ñanagürü.

Édra 8:35

Rü yemawena ga toma rü naxü̃na ítagu naxca̱x ga guma torü Tupana. Rü guxü̃ma ga Iraétanüxü̃égagu rü ítanagu ga 12 ga wocaxacügü rü 96 ga carnérugü rü 77 ga carnéruxacügü. Rü torü chixexü̃güarü ütanüruxü̃ rü ítanagu ga 12 ga chíbugü.

Lebítanüxü̃arü puracüchiga 16:21

Rü Aróü̃ rü ngẽma chíbuerugu nanuxme̱xãcüma tá Tupanamaxã nüxü̃ nixu i guxü̃ma i ngẽma Iraétanüxü̃arü chixexü̃gü, rü norü nuwa̱xegü, rü norü pecadugü. Rü ngẽmaãcü tá chíbuwa naxüe i guxü̃ma i ngẽma duü̃xü̃güarü pecadugü. Rü ngẽmawena rü wüxi i duü̃xü̃ tá nayaga rü ínachianexü̃wa tá nayata̱x.

Popera ga Yudíugü ga yaxõgüxü̃ca̱x ümatüxü̃ 13:11

Rü nüma i chacherdótegüarü ãẽ̱xgacü, rü Tupanapatawa nanange ya nagü i naxü̃nagü nax Tupanana naxããxü̃ca̱x nax iyanaxoxẽẽãxü̃ca̱x i duü̃xü̃güarü pecadugü. Natürü naxü̃negü i ngẽma naxü̃nagü, rü ĩanearü ĩxpemawa nayanagugü.

Lebítanüxü̃arü puracüchiga 4:13

Rü ngẽxguma guxü̃ma i Iraétanüxü̃ tama nagu naxĩnüeãcüma pecadu naxügügu, rü taxuxü̃ma i duü̃xü̃ nüxü̃ cua̱xgu nax chorü mugüwa nachu̱xuxü̃ i ngẽma pecadu i naxügüxü̃, rü ngẽma pecadu rü ninaguãchi i guxü̃ma i Iraétanüxü̃.

Lebítanüxü̃arü puracüchiga 4:20

Rü ngẽma wocaxacü i yatüxü̃ i pecaduarü ütanüca̱x imáxü̃rüxü̃ tá namaxã naxü i ngẽma wocaxacü. Rü nüma ya chacherdóte rü ngẽmaãcü tá ngẽma naxü̃namaxã duü̃xü̃güarü pecadu naxütanü. Rü choma rü tá nüxü̃́ nüxü̃ icharüngüma i norü pecadugü.

Iraétanüxü̃arü muxchiga 15:24

Rü ngẽxguma chi wüxi i guxchaxü̃ i tama naxügüchaü̃chiréxü̃ naxügügu i guxü̃ma i Iraétanüxü̃, rü chanaxwa̱xe nax guxü̃ma i duü̃xü̃gü wüxi i woca i yatüxü̃ cha̱u̱xca̱x nigu nax naemamaxã chataãẽxü̃ca̱x. Rü ngẽma ãmaremaxã wüxigu tá inanaxãgü i ãmare i arína i chíxü̃maxã ñumüxü̃ rü ñu̱xũchi bínu, yema choma nüxü̃ chixuxü̃rüxü̃. Rü ñu̱xũchi wüxi i chíbu i yatüxü̃ tá choxna naxãmaregü norü chixexü̃arü ütanüruxü̃.

Ínachoxü̃xü̃chiga 29:14

Natürü ngẽma namachi, rü naxcha̱xmüxü̃, rü naü̃ i ngẽma woca rü ĩpemawa tá peyanagu nax ngẽmaãcü penaxütanüxü̃ca̱x i ngẽma perü chixexü̃ i pexüxü̃.

Lebítanüxü̃arü puracüchiga 6:11

Rü ngẽmawena rü tá ínacuxuchi rü to i naxchirugu tá nicu̱x. Rü ngẽmaãcü wüxi i nachica i mexü̃ i ípepegüxü̃arü ĩxpemawa tá nayagü ya yimá tanimaca.

Lebítanüxü̃arü puracüchiga 6:23

Rü guxü̃ma i ngẽma ãmaregü i chacherdótegü choxna ãgüxü̃ rü guxü̃táma ínagu, rü taxúxetáma tanangõ̱x —ñanagürü.

Lebítanüxü̃arü puracüchiga 8:17

Natürü yema naxcha̱xmüxü̃ rü namachi rü naü̃ ga yema wocaxacü rü duü̃xü̃gü ínapegüxü̃arü ĩxpemawa ínanagu yema Cori ya Tupana namaxã nüxü̃ ixuxü̃rüxü̃.

Lebítanüxü̃arü puracüchiga 16:27

Rü ngẽma wocaxacü rü ngẽma chíbu i pecaduca̱x daixü̃, rü yimá nagü i Aróü̃ rü naxmachiã i üünexü̃wa ngecü nax choma pexü̃́ nüxü̃ icharüngümaxü̃ca̱x i perü pecadugü. Rü pema ípexãchiü̃güxü̃arü yáxü̃wa tá ípenagu i naxcha̱xmüxü̃, rü namachi, rü naü̃.

Echequié 45:22

Rü ngẽma ngunexü̃gu rü nüma ya ãẽ̱xgacü rü wüxi i wocaxacü i yatüxü̃ tá cha̱u̱xca̱x nima̱x noxrütama pecaduarü ütanüruxü̃, rü ñu̱xũchi guxü̃ma i duü̃xü̃güarü pecaduarü ütanüruxü̃.