Lebítanüxü̃arü puracüchiga 3:9 - Tupanaarü Ore

^9-10 Rü yíxema tümaxü̃na ixãxẽ nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name i Cori ya Tupanaca̱x tayagu i norü chíxü̃, rü narexü̃ i nawemüxü̃ íyacuáxü̃gu idaene, rü norü chíxü̃ i naü̃nütawa ngẽxmaxü̃, rü yimá taxre ya ñuxmigü guxü̃ i norü chíxü̃maxã, rü ngẽma chíxü̃ i namachica̱xwe̱xwa ngẽxmaxü̃ rü ngẽma nacaarü chíxü̃ i wüxigu norü ñuxmigümaxã nayaxuxü̃.

Lebítanüxü̃arü puracüchiga 3:9 Referans Kwoze

Lebítanüxü̃arü puracüchiga 9:19

Rü nanegü rü yexgumarüxü̃ ta nüxna nanana ga yema woca ga yatüarü chíxü̃, rü yema carnéruarü chíxü̃, rü nareü̃, rü ngẽma naü̃nütaarü chíxü̃, rü norü ñuxmigü rü ñu̱xũchi nacaarü chíxü̃.

Ínachoxü̃xü̃chiga 29:22

¡Rü ñu̱xũchi nayaxu ya yima narexü̃arü chíxü̃ rü naü̃nütagüarü chíxü̃ rü nacaarü chíxü̃ rü yima taxre ya ñuxmigü rü norü chíxü̃ rü yima norü tügüneperema! Erü ngẽma nixĩ i carnéru i chacherdótegüarü baeruca̱x imáxü̃.

Ichaía 53:10

Rü woetama Cori ya Tupanaarü ĩnü nixĩ nax ngúxü̃ yangexü̃. Rü nüma rü nügü inaxã naxca̱x ga tórü chixexü̃gü. Rü ngẽmaca̱x tá nama̱x i norü maxü̃ rü tá namuxũchi i ngẽma nüxü̃́ yaxõgüxü̃. Rü nagagu tá nixĩ i mea ínanguxuchixü̃ i ngẽma Tupana nagu rüxĩnüxü̃.

Ucu̱xẽgüchiga 23:26

Pa Chaunex, ¡aixcüma chauga naxĩnü rü nagu ixũ i chaucüma!

Lebítanüxü̃arü puracüchiga 8:25

Rü yemawena ga Moiché rü nanade ga yema carnéruarü chíxü̃, rü nareü̃, rü guxü̃ma ga naü̃nütaarü chíxü̃, rü yema chíxü̃ ga nacawa yexmaxü̃, rü guma taxre ga norü ñuxmi namaxã ga norü chíxü̃, rü ñu̱xũchi norü tügüneperema.

Lebítanüxü̃arü puracüchiga 7:3

Rü guxü̃ma i ngẽma naxü̃naarü chíxü̃ rü tá choxna penaxã. Rü tá penade i norü chíxü̃ i narexü̃wa ngẽxmaxü̃, rü norü chíxü̃ i naü̃nütawa ngẽxmaxü̃, rü yima taxre ya ñuxmigü guxü̃ i norü chíxü̃maxã, rü ngẽma naxca̱xwe̱xarü chíxü̃, rü ngẽma nacaarü chíxü̃ i wüxigu norü ñuxmigümaxã nayaxuxü̃.

Lebítanüxü̃arü puracüchiga 17:5

Rü ngẽma nixĩ i chorü mu naxca̱x i ngẽma Iraétanüxü̃ i naanegumare nada̱i̱xü̃ i naxü̃nagü i ãmaregü rü ngẽmawena chacherdótexü̃tawa nanaxü̃ nax nüma ya chacherdóte chopatape̱xewa yaguãxü̃ nax ngẽmaãcü choxü̃ nangüxmüxẽẽgüxü̃ca̱x.

Iraétanüxü̃arü muxchiga 7:88

Rü Tupanaarü ngüxmüxẽẽruü̃ca̱x yéma nanagagü ga 24 ga wocaxacü ga iyatüxü̃, rü 60 ga carnérugü ga iyatüxü̃, rü 60 ga chíbugü ga iyatüxü̃, rü ñu̱xũchi 60 ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü nawena nax chíxü̃maxã nabaétügüãxü̃ ga yema ãmarearü guruxü̃ nax Tupanana naxããxü̃ca̱x, rü yema nixĩ ga norü ãmaregü ga inaxãgüxü̃ naxca̱x ga yema ãmarearü guruxü̃arü ãxü̃chi.

1 Chamué 10:8

¡Rü yoxni Guirigáwa naxũ! Erü ngéma tá cumaxã changutaque̱xe nax ngéma Cori ya Tupanaca̱x naxü̃na íchayaguxü̃ca̱x, rü ãmaregü nüxna chayanaxü̃ca̱x nax nangüxmüxü̃ca̱x. ¡Rü 7 i ngunexü̃ ngéma choxü̃ nanguxẽxẽ ñu̱xmatáta ngéma changu! Rü ngéma tá nixĩ i cumaxã nüxü̃ chixuxü̃ nax ta̱xacü tá cuxüxü̃ —ñanagürü.

2 Chamué 6:17

Rü yéma ne nanangegü ga yema baú ga Cori ya Tupanaarü mugü nawa yexmaxü̃. Rü ñu̱xũchi nayaxǘcuchigü nagu ga guma ĩpata ga naxchirunaxca̱x ga Dabí woetama naxca̱x üxü̃ne. Rü yexgumatama ga Dabí rü Cori ya Tupanana ãmare naxã. Rü nanadai ga naxü̃nagü rü ínanagu nax yemaacü namexẽẽãxü̃ca̱x ga norü guxchaxü̃gü ga Cori ya Tupanape̱xewa naxügüxü̃.

Nüxíraxü̃xü̃ ga popera ga ãẽ̱xgacügüchiga 3:15

Rü yexguma naba̱i̱xãchigu ga Charomóü̃, rü nüxü̃ nicua̱xãchi ga nanegüwa nax yixĩxü̃ ga yema. Rü yexguma Yerucharéü̃wa nanguxgu, rü Tupanapatawa naxũ rü yema baú ga Cori ya Tupanaarü mugüchixü̃pe̱xewa nangu. Rü naxü̃na nadai rü ínanagu rü yemaacü Tupanaxü̃ namaxã nicua̱xüxü̃. Rü yemawena rü taxü̃ma ga õna naxü naxca̱x ga guxü̃ma ga norü ngü̃xẽẽruü̃gü.

Nüxíraxü̃xü̃ ga popera ga ãẽ̱xgacügüchiga 8:63

Rü nüma ga Charomóü̃ rü Tupanaca̱x ínanagu ga 22,000 ga wocagü ga iyatüxü̃gü rü 120,000 ga carnérugü ga Tupanaarü taãẽxẽẽruxü̃. Rü yemaacü ga ãẽ̱xgacü rü guxü̃ma ga Iraétanüxü̃ rü Tupanana nanaxuaxü̃gü ga guma napata ga taxü̃ne.

Nüxíraxü̃xü̃ ga popera ga ãẽ̱xgacügüchiga 8:64

Rü yematama ga ngunexü̃gu nüma ga ãẽ̱xgacü rü Tupaname̱xẽgu nanaxǘ ga yema naxã̱xtü ga Cori ya Tupanapata ya taxü̃nepe̱xewa yexmaxü̃. Rü yéma naxa̱xtüwa Tupanaca̱x ínanagu ga naxü̃nagü rü ãmaregü ga chebáda rü trigu rü norü chíxü̃ ga yema naxü̃nagü ga nada̱i̱xü̃ nax Tupanaxü̃ nataãẽxẽẽgüxü̃ca̱x. Yerü yema ãmarearü guruxü̃ ga bróũchenaxca̱x ga Tupanapata ga taxü̃nepe̱xewa yexmaxü̃ rü naxíra naxca̱x ga guxü̃ma ga yema ãmaregü ga íguxü̃ nax yemaacü Cori ya Tupanaxü̃ nataãẽxẽẽgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 16:1

Rü yema baú ga Tupanaarü mugü nagu üxü̃ rü nawa nanangegü ga guma ĩpata ga naxchirunaxca̱x ga Dabí woetama yemaca̱x üxü̃ne. Rü ñu̱xũchi Tupanape̱xewa ínanagu ga ãmaregü ga Tupanaxü̃ namaxã nangüxmüxẽẽgüxü̃.