Lebítanüxü̃arü puracüchiga 3:1 - Tupanaarü Ore

¹ Rü ngẽxguma texé tümaarü woca i ngexü̃ rüe̱xna yatüxü̃ Cori ya Tupanana taxãxgu nax naxca̱x tayamáxü̃ca̱x rü tayaguxü̃ca̱x nax ngẽmamaxã tanangüxmüxẽẽxü̃ca̱x ya Cori ya Tupana, rü name i wüxi i naxü̃na i taxuwama chixexü̃ nax yixĩxü̃.

Lebítanüxü̃arü puracüchiga 3:1 Referans Kwoze

Iraétanüxü̃arü muxchiga 6:14

Rü ngéma ãmarechicawa tá cha̱u̱xca̱x nayagu i wüxi i carnéru i yatüxü̃ i wüxi ya taunecü nüxü̃́ ngẽxmaxü̃ i taxuwama chixexü̃ chorü ãmareruxü̃. Rü tá cha̱u̱xca̱x nayagu i wüxi i carnéru i ngexü̃ i wüxi ya taunecü nüxü̃́ ngẽxmaxü̃ i taxuwama chixexü̃ norü pecaduarü ütanüruxü̃. Rü tá cha̱u̱xca̱x nayagu i wüxi i carnéru i yatüxü̃ i taxuwama chixexü̃ chorü ngüxmüxẽẽruxü̃.

Lebítanüxü̃arü puracüchiga 1:3

Rü ngẽma tümaarü ãmare rü tá tümaxü̃natama nixĩ. Rü wüxi i woca iyatüxü̃ i taxuwama chixexü̃ tá nixĩ. Rü chopataã̱xtüwa ngẽxmaxü̃ i guruü̃wa tá nixĩ i itayaguxü̃. Rü ngẽxguma i choma ya Cori ya Tupana rü tá chanayaxu.

Nüxíraxü̃xü̃ ga popera ga Cuáü̃ ümatüxü̃ 1:3

Rü yema toma nüxü̃ tadaugüxü̃ rü nüxü̃ taxĩnüexü̃ rü ngẽma nixĩ i pemaxã nüxü̃ tixuxü̃ nax totanüxü̃ pixĩgüxü̃ca̱x, ngẽxgumarüxü̃ i tomax nax Tanatü ya Tupana rü Nane ya Ngechuchu ya Cristutanüxü̃ tixĩgüxü̃rüxü̃.

Popera ga Yudíugü ga yaxõgüxü̃ca̱x ümatüxü̃ 10:22

Rü ngẽmaca̱x tanaxwa̱xe i Tupanamaxã tixaixcümagü nax nüxü̃ rüxoexü̃ i tórü chixexü̃gü. Rü tanaxwa̱xe nax aixcüma nüxü̃́ yaxõgüxü̃, rü torü maxü̃newa nax nataxuxü̃ma i chixexü̃, rü taxü̃negü rü mechiüxü̃ i dexáwa yayauxgüxü̃. Rü ngẽmaãcü tanaxwa̱xe i Tupanana ingaicamagüxü̃.

Amúx 5:22

Rü tama chanaxwa̱xe i naxü̃nagü cha̱u̱xca̱x nax ípeguxü̃. Rü woo i ngẽma perü ãmare i trigu rü tama chanaxwa̱xe. Rü taxũtáma chanayaxu i ngẽma wocaxacügü i ngüexü̃ i cha̱u̱xca̱x pedaixü̃ nax ngẽmamaxã choxü̃ perüngüxmüexẽẽxü̃ca̱x.

Colosenses 1:20

Rü Tupana rü ñoma ga naanewa nanamu ga Cristu nax curuchagu nayuxü̃ca̱x rü nagü inabaxẽãxü̃ca̱x. Rü gumá nagümaxã nixĩ ga Tupana ga nügümaxã inangüxmüexẽẽãxü̃ ga guxü̃ma i ñoma i naanewa ngẽxmaxü̃ rü guxü̃ma i daxũguxü̃ i naanewa ngẽxmaxü̃.

Maraquía 1:14

¡Rü guxchaxü̃ namaxã chaxuegu i ngẽma idorata̱xáxü̃ i chomaxã nüxü̃ ixuxü̃ nax naxü̃natanüwa tá wüxi i naxü̃na i mexü̃ choxna muxü̃, natürü chixemarexü̃ nixĩ i cha̱u̱xca̱x yamáxü̃! Rü choma nixĩ i Ãẽ̱xgacü ya Guxãétüwa Changexmaxü̃, rü choxü̃ nixĩ i namuü̃exü̃ i guxü̃ma i nachixü̃anecüã̱xgü —ñanagürü ya Tupana ya Guxü̃étüwa Ngẽxmacü.

Maraquía 1:8

¿Ẽ̱xna tama pexca̱x nachixe ega woo naxü̃na i ngexetüxü̃ rüe̱xna ngemaeparaxü̃ rüe̱xna ida̱xawexü̃ cha̱u̱xca̱x piguxgu? ¡Rü ẽcü perü ãẽ̱xgacügüxü̃tawa penana nax ngẽmaãcü nüxü̃ pecuáxü̃ca̱x rü aixcüma taãẽãcü pexü̃́ nayauxgüã i ngẽma perü ãmaregü! —ñanagürü ya Tupana ya Guxü̃étüwa Ngẽxmacü.

Echequié 45:15

Rü ngẽxgumarüxü̃ ta i perü carnérugütanüwa, rü wüxichigü i 200 gütanüwa rü tá choxna penamu i wüxi i carnéru i ngẽma Iraéanearü maxẽ i rümemaecüwa chibüxü̃. Rü ngẽma tríguarü o rü ngẽma chebádaarü o tá nixĩ i ãmare i tá choxna pexãgüxü̃. Rü ngẽma carnérugü tá nixĩ i cha̱u̱xca̱x pedaixü̃ rü ípeguxü̃ nax choxü̃ perüngüxmüxẽẽxü̃ca̱x rü pexü̃́ nüxü̃ icharüngümaxü̃ca̱x i perü pecadugü. Rü ngẽma nixĩ i choma ya Cori ya Tupana pexü̃ chamuxü̃.

Ucu̱xẽgüchiga 7:14

—¡Nua chauxü̃tawa naxũ! Erü õna i chorü tupanagüna chaxuaxü̃xü̃ íchamexẽxẽ rü tá cumaxã chachibü. Ñu̱xma chayanguxẽxẽ i ngẽma uneta i chorü tupanagümaxã nüxü̃ chixuxü̃ nax ngẽmaãcü chomaxã nataãẽgüxü̃ca̱x.

Nüxíraxü̃xü̃ ga to ga popera ga ãẽ̱xgacügüchiga ümatüxü̃ 21:26

Rü yexma Tupanaaxü̃́ nanaxü ga ãmarearü guruxü̃ rü yéma ínanagu ga ãmaregü ga norü chixexü̃arü ütanüruxü̃ nax Tupanaxü̃ nangüxmüxẽẽxü̃ca̱x. Rü ñu̱xũchi Cori ya Tupanamaxã nidexa rü nüxü̃ naca̱a̱xü̃. Rü nüma ga Cori ya Tupana rü nanangãxü̃ rü daxũguxü̃ ga naanewa üxüema narünguxẽxẽ, rü yema ãmarearü guruxü̃étügu nangu.

Ãẽ̱xgacügü ga guxchaxü̃güarü mexẽxẽruü̃gü 21:4

Moxü̃ãcü pa̱xmama ga Iraétanüxü̃ rü ẽxü̃wama ínarüdagü, rü wüxi ga ãmarearü guruxü̃ naxügü. Rü yemawa Cori ya Tupanaca̱x ínanagu ga norü ãmaregü nax yemaacü Tupana namaxã irüngüxmüxü̃ca̱x.

Ãẽ̱xgacügü ga guxchaxü̃güarü mexẽxẽruü̃gü 20:26

Rü yemaca̱x ga Iraétanüxü̃ rü wenaxarü Betéca̱x nawoegu rü yéma nayaxauxe nape̱xewa ga Tupana. Rü yema ngunexü̃ rü tama nachibüeãcü yéma nayumüxẽgü ñu̱xmata nachüta. Rü yéma Tupanaca̱x ínanagugü ga naeü̃gü rü ãmaregü Tupanaarü ngüxmüxẽẽruxü̃.

Iraétanüxü̃arü muxchiga 7:17

Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga Nachóü̃ ga Aminadá nanearü ãmaregü.

Lebítanüxü̃arü puracüchiga 17:5

Rü ngẽma nixĩ i chorü mu naxca̱x i ngẽma Iraétanüxü̃ i naanegumare nada̱i̱xü̃ i naxü̃nagü i ãmaregü rü ngẽmawena chacherdótexü̃tawa nanaxü̃ nax nüma ya chacherdóte chopatape̱xewa yaguãxü̃ nax ngẽmaãcü choxü̃ nangüxmüxẽẽgüxü̃ca̱x.

Ínachoxü̃xü̃chiga 29:28

Rü ngẽma namachi tá nixĩ i Aróü̃na rü nanegüna naxãgüxü̃ i Iraétanüxü̃ i ngẽxguma naxü̃na cha̱u̱xca̱x tá inamugügu nax nüxü̃́ nüxü̃ icharüngümaxü̃ca̱x i norü pecadugü. Rü ngẽma nixĩ i wüxi i mu i guxü̃gutáma Iraétanüxü̃ca̱x ixĩxü̃.

Ínachoxü̃xü̃chiga 24:5

Rü ñu̱xũchi nanamu ga ñuxre ga ingextü̱xü̃gü ga Iraétanüxü̃ nax nadaiaxü̃ca̱x ga wocagü ga iyatüxü̃ rü Tupanaca̱x nax ínaguaxü̃ca̱x. Rü yemawa inanawe̱xgü nax aixcüma wena Tupanaga naxĩnüexü̃.

Ínachoxü̃xü̃chiga 20:24

Rü ngẽma ãmarearü guruxü̃ i cha̱u̱xca̱x pexüxü̃ rü chanaxwa̱xe nax waixü̃münaxca̱x nax yixĩxü̃. Rü ngẽmawa tá nixĩ i penaguxü̃ i ngẽma pexü̃nagü i perü ãmare i cha̱u̱xca̱x pedaixü̃ nax pexü̃́ nüxü̃ charüngümaxü̃ca̱x i perü chixexü̃gü. Rü ngẽma wüxichigü i nachica i marü pexca̱x nüxü̃ ichaxunetaxü̃wa rü chanaxwa̱xe i choxna picua̱xãchie. Rü choma rü tá ngéma chaxũ rü tá pexü̃ charüngü̃xẽẽxü̃.

Lebítanüxü̃arü puracüchiga 3:6

Rü ngẽxguma texé tümaxü̃natanüwa Cori ya Tupanana naxãxgu i wüxi i carnéru nax Cori ya Tupanaca̱x tayamáxü̃ca̱x nax ngẽmamaxã tanangüxmüxẽẽxü̃ca̱x, rü name nax wüxi i naxü̃na i yatüxü̃ rüe̱xna ngexü̃ i taxuwama chixexü̃ nax yixĩxü̃.

Lebítanüxü̃arü puracüchiga 9:18

Rü nüma ga Aróü̃ rü yexgumarüxü̃ ta nayawíyenaxãgü ga yema woca ga yatüxü̃ rü yema carnéru ga yatüxü̃ ga Iraétanüxü̃ Cori ya Tupanana naxãgüxü̃ nax yemamaxã nangüxmüxẽẽgüãxü̃ca̱x. Rü Aróü̃ nanegü nanayauxgü ga gumá nagü rü Aróü̃na nanaxãgü. Rü nüma ga Aróü̃ rü yema ãmarearü guruxü̃ namaxã ínabaegu.

Iraétanüxü̃arü muxchiga 7:59

Rü Tupanaarü ngüxmüxẽẽruü̃ca̱x yéma nanagagü ga taxre ga woca ga iyatüxü̃, rü wüxime̱e̱xpü̱x ga carnérugü ga iyatüxü̃, rü wüxime̱e̱xpü̱x ga chíbugü ga iyatüxü̃, rü ñu̱xũchi wüxime̱e̱xpü̱x ga carnéruxacügü ga iyatüxü̃ ga wüxi ga taunecü nüxü̃́ yexmagüxü̃. Rü yema nixĩ ga norü ãmare ga Gamarié ga Pedachú nane.

Iraétanüxü̃arü muxchiga 15:8

Rü ngẽxguma wüxi i wocaxacü i yatüxü̃ yixĩgu nax cha̱u̱xca̱x pimáxü̃ nax cha̱u̱xca̱x peyaguxü̃ca̱x, rüe̱xna chorü ngüxmüxẽẽruxü̃ nax yixĩxü̃ca̱x, rüe̱xna wüxi i unetaca̱x nax yixĩxü̃ca̱x, rü naétü tá ipenaxã i 6 quíru i arína i taxre i litru i chíxü̃maxã ñumüxü̃. Rü ñu̱xũchi taxre i litru ya bínu tá naétü penaba nax cha̱u̱xca̱x nachixemaxü̃ca̱x i ngẽma ãmare.

Wenaxarü naxümatü ga Tupanaarü mugü 12:27

Rü ngẽma Tupanaarü ãmarearü guruü̃wa tá naxca̱x ípenagu i perü naxü̃nagü. Rü yimá nagü i ngẽma naxü̃nagü i Tupanana pexãxü̃ rü tá ngẽma ãmarearü guruü̃étügu penaba. Natürü i ngẽma namachi rü name nax penangṍxü̃.

Echequié 43:27

Rü 7 i ngunexü̃ tá nixĩ i ngẽmaãcü naxügüãxü̃ nax naxüünexü̃ca̱x i ngẽma ãmarearü guruxü̃. Rü ngẽxguma norü 8 i ngunexü̃wa nanguxgu rü ngẽma chacherdótegü tá inanaxügüe nax ngẽma ãmarearü guruü̃wa cha̱u̱xca̱x ínagugüãxü̃ i duü̃xü̃güarü ãmaregü rü ngẽma norü ãmaregü i choxü̃ namaxã nangüxmüxẽẽgüxü̃. Rü ngẽxguma i choma rü tá taãẽãcü pexü̃ chayaxu. Rü choma ya Cori ya Tupana nixĩ i nüxü̃ chixuxü̃ i ngẽma” —ñanagürü.

Lebítanüxü̃arü puracüchiga 1:10

Rü ngẽxguma texé tümaarü carnérutanüwa rüe̱xna chíbutanüwa choxna taxãxgu i wüxi i ãmare nax tayaguxü̃ca̱x rü name i wüxi i naxü̃na iyatüxü̃ i ngearü chixexü̃ã́xü̃ nax yixĩxü̃.

Lebítanüxü̃arü puracüchiga 9:4

¡Rü ngẽxgumarüxü̃ ta namaxã nüxü̃ ixu nax nua nagagüãxü̃ i wüxi i woca i yatüxü̃, rü wüxi i carnéru i yatüxü̃ nax Cori ya Tupanaca̱x nadaiaxü̃ca̱x rü ngẽmamaxã nax nangüxmüexẽẽgüãxü̃ca̱x! ¡Rü namaxã nüxü̃ ixu nax nua nangegüãxü̃ i norü ãmare i trigute̱xe i chíxü̃maxã iñumüxü̃, erü nüma ya Cori ya Tupana rü ñoma i ngunexü̃ tá pexü̃ nügü nawe̱x! —ñanagürü ga Moiché.