Lebítanüxü̃arü puracüchiga 27:34 - Tupanaarü Ore

³⁴ Rü yema nixĩ ga mugü ga Tupana Iraétanüxü̃ca̱x Moichémaxã nüxü̃ ixuxü̃ ga ma̱xpǘne ga Chinaíwa.

Lebítanüxü̃arü puracüchiga 27:34 Referans Kwoze

Lebítanüxü̃arü puracüchiga 26:46

Rü yema nixĩ ga yema mugü, rü ucu̱xẽgü rü ngu̱xẽẽtaegü ga Moichéwa Iraétanüxü̃maxã nüxü̃ yaxuxü̃ ga Cori ya Tupana ga ma̱xpǘne ga Chinaíwa.

Iraétanüxü̃arü muxchiga 1:1

Rü yexguma norü taxre ga taunecüwa nanguxgu nax Equítuanewa ínachoxü̃xü̃, rü gumáarü taxre ga tauemacügu nixĩ ga Tupana ga Moichémaxã yadexaxü̃ nawa ga guma norü tügümüne ga napata ga Chinaíarü chianexü̃wa yexmane.

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Wenaxarü naxümatü ga Tupanaarü mugü 4:45

Rü nawena ga Equítuanewa ínachoxü̃xü̃, rü ñaa nixĩ ga yema Tupanaarü mugü rü ucu̱xẽgü ga Moiché Iraétanüxü̃maxã nüxü̃ ixuxü̃ ga yexguma Yudáü̃arü éstewa nayexmagügu nawa ga yema metachinüanexü̃ ga Bex-peúarü to̱xma̱xtawa yexmaxü̃. Rü yema naane rü Amoréutanüxü̃arü ãẽ̱xgacü ga Chióü̃arü naane nixĩ, rü nüma rü Ebóü̃wa namaxü̃. Natürü nawena nax Equítuanewa ínachoxü̃xü̃ ga Moiché rü Iraétanüxü̃ rü Chióü̃maxã nügü nadai, rü nüxü̃ narüporamaegü. Rü nayama̱xgü ga yexguma Equítuanewa ínachoxü̃gu.

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Lebítanüxü̃arü puracüchiga 7:38

Rü yema ucu̱xẽgü nixĩ ga Cori ya Tupana Moichémaxã nüxü̃ ixuxü̃ ga Ma̱xpǘne ga Chinaíwa ga yexguma guma ma̱xpǘnearü chianexü̃wa Iraétanüxü̃maxã nüxü̃ yaxuxgu nax ãmaregü nüxna naxãgüxü̃ca̱x.

Iraétanüxü̃arü muxchiga 36:13

Rü yemagü nixĩ ga yema mugü rü ucu̱xẽgü ga Iraétanüxü̃ca̱x Cori ya Tupana Moichémaxã nüxü̃ ixuxü̃ ga yexguma Moáarü doxonexü̃wa nayexmagu ga Yudáü̃cutüwa ga Yericúarü to̱xma̱xtawa.

Wenaxarü naxümatü ga Tupanaarü mugü 29:1

Rü noxri ga nüma ga Cori ya Tupana rü marü Iraétanüxü̃maxã nüxü̃ nixu ga norü uneta ga ma̱xpǘne ga Oréxwa. Rü yemaétü nixĩ ga ñaa yexwaca̱xü̃ ga norü uneta ga Cori ya Tupana Moichéxü̃ muxü̃ nax Iraétanüxü̃maxã nüxü̃ yaxuxü̃ca̱x ga Moátanüxü̃güchixü̃anewa.

Iraétanüxü̃arü muxchiga 3:1

Rü yexguma ma̱xpǘne ga Chinaíwa Cori ya Tupana Moichémaxã yadexaxgu, rü nüma ga Aróü̃ rü ãgümücü ga nanegü nüxü̃́ nayexma. Rü guma nanegü nixĩgü ga Nadáx ga yacü, rü Abiú, rü Ereachá, rü Itamá.

Iraétanüxü̃arü muxchiga 28:6

Rü yema nixĩ ga ãmaregü ga guxü̃ma ga ngunexü̃gu Chinaíarü̃ ma̱xpǘnewa yagugüxü̃ nax naemamaxã nataãẽxü̃ca̱x ga Cori ya Tupana.

Wenaxarü naxümatü ga Tupanaarü mugü 1:3

Rü 40 ga taunecü marü nangupetü nax Equítuanewa ínachoxü̃xü̃ ga yema Iraétanüxü̃. Rü Moiché rü marü nüxü̃ narüporamae ga gumá Amoréutanüxü̃arü ãẽ̱xgacü ga Chióü̃ ga Ebóü̃gu ãchiü̃cü rü gumá Bacháü̃arü ãẽ̱xgacü ga Óx ga Atarúgu ãchiü̃cü ga Edréianewa. Rü yexguma norü 40 ga taunecüwa nanguxgu ga norü 11 ga tauemacüarü ügügu, rü yexguma nixĩ ga Moiché Iraétanüxü̃maxã nüxü̃ yaxuxü̃ ga guxü̃ma ga yema ore ga Tupana namaxã nüxü̃ ixuxü̃ naxca̱x ga yema Iraétanüxü̃.