Lebítanüxü̃arü puracüchiga 27:28 - Tupanaarü Ore

²⁸ Rü ngẽxguma texé ta̱xacü Tupanana ãxgu nax noxrüxicatama yixĩxü̃ca̱x, rü taxucürüwa wena namaxã tataxe rüe̱xna naxca̱x tataxe. Rü woo ega tümaarü duü̃xü̃gü yixĩxgu, rüe̱xna tümaxü̃nagü yixĩxgu, rüe̱xna tümaarü naanegü i noxri tümanatüarü ixĩxü̃ yixĩxgu, rü taxucürüwa wena namaxã tataxe rüe̱xna naxca̱x tataxe. Erü ngẽma Cori ya Tupanana ixãxü̃ nax guxü̃gutáma noxrü ixĩxü̃ rü naxüüne.

Lebítanüxü̃arü puracüchiga 27:28 Referans Kwoze

Ínachoxü̃xü̃chiga 22:20

Rü texé ya yíxema tupananetagüca̱xmare ínaguxe i tümaarü ãmaregü rü tama Cori ya Tupanaca̱xicatama ínaguxe, rü name nax yu namaxã pexueguxü̃.

Lebítanüxü̃arü puracüchiga 27:21

Rü ngẽxguma ngúxü̃chigaarü taunecüwa nanguxgu, rü ngẽma naane rü wenaxarü Tupanaarü tá nixĩ. Rü nüma ya chacherdóte rü tá nanayaxu i ngẽma naane nax noxrü yixĩxü̃ca̱x.

Wenaxarü naxümatü ga Tupanaarü mugü 25:19

Rü ngẽxguma nüma ya Cori ya Tupana rü ngẽma naane i tá pexna naxãxü̃wa nüxü̃ pexü̃ naporamaexẽẽgu i guxü̃ma i ngẽma perü uanügü i ngẽma naanearü ngaicamawa ngẽxmagüxü̃, rü ngẽxguma daiwa perüngü̃gügu, rü ñu̱xũchi tá peyanaxoxẽxẽ i naéga i guxü̃ma i ngẽma duü̃xü̃gü i Amaréxtanüxü̃ nax taxuwama nüxna nacua̱xãchiexü̃ca̱x i ngẽma duü̃xü̃gü. ¡Rü taxṹ i nüxü̃ iperüngümaexü̃ i ngẽma!

1 Chamué 15:18

Rü yexguma rü cuxca̱x choxna naxãga nax cuyada̱i̱xü̃ca̱x i guxü̃ma i ngẽma Amaréxtanüxü̃ i chixexü̃gu imaxẽxü̃ rü taxuxü̃táma nax ícuyaxüxẽẽxü̃ca̱x.

Yochué 7:1

Natürü wüxi ga Yudátanüxü̃ ga Acáü̃gu ãégaxü̃ ga Camí nane ga Chadítaxa rü Chérataxa ixĩxü̃, rü nanadeama ga ñuxre ga yemaxü̃gü ga Tupana chu̱xuxü̃. Rü yemaca̱x ga guxü̃ma ga Iraétanüxü̃ rü naxüétüü̃gü ga Cori ya Tupanape̱xewa yerü ga Acáü̃ rü nanade ga yema Tupana chu̱xuxü̃. Rü yemaca̱x ga Cori ya Tupana rü Iraétanüxü̃maxã nanu.

Yochué 6:26

Rü yemawena nüma ga Yochué rü nanaxuegu ga ñaa dexa rü ñanagürü: —Tupanape̱xewa rü chixexü̃ tá tüxü̃ nangupetü ya yíxema wena inaxügüxe nax ítanadaxẽẽxü̃ ya yimá ĩane ya Yericú. Rü ngẽxguma ítanaxügügu nax wena ítanadaxẽẽxü̃ ya yimá ĩane rü tümane ya yamaxecüca̱x tá ínangu i yu. Rü ngẽxguma nanucugu i naxtapü̱xarü ĩã̱xgü rü tümane ya rübumaecüca̱x tá ínangu i yu —ñanagürü.

Iraétanüxü̃arü muxchiga 18:14

Rü guxü̃ma i ãmaregü i Iraétanüxü̃ cha̱u̱xca̱x inuxũchixü̃ rü cuxrügü tá nixĩ.

Gálatas 3:13

Natürü ga Cristu rü nawa tüxü̃ ínanguxü̃xẽxẽ ga yema mugü ga chixexü̃gu tüxü̃ yixẽẽxü̃. Rü nüma ga Cristu rü chixexü̃wa nügü nayexmaxẽxẽ ga yexguma curuchagu nayu̱xgu. Erü Tupanaarü ore i ümatüxü̃wa, rü ñanagürü: “Rü guxãma ya yíxema wüxi i naiwa tüxü̃ natuxẽẽgüãcüma yuxe, rü chixexü̃wa tangexma”, ñanagürü.

Gálatas 3:10

Natürü chixexü̃wa nangẽxmagü i guxü̃ma i ngẽma nagu rüxĩnüexü̃ nax mugü yanguxẽẽgüxü̃gagu Tupanape̱xewa yamexü̃. Erü Tupanaarü ore i ümatüxü̃wa rü ñanagürü: “Rü guxü̃ma i duü̃xü̃gü i tama aixcüma yanguxẽẽgüxü̃ i guxü̃ma i ngẽma mugü i ümatüxü̃, rü chixexü̃wa nangẽxmagü”, ñanagürü.

1 Corintios 16:22

Rü ngẽxguma chi texé tama tórü Cori ya Ngechuchu ya Cristuxü̃ ngechaü̃gu, rü Tupana tá poxcu tümamaxã naxuegu. ¡Paxa nua naxũ, Pa Tórü Corix!

Romanos 9:3

Rü aixcüma pemaxã nüxü̃ chixu rü guxü̃guma ngẽma chautanüxü̃gu charüxĩnü, rü poraãcü chanaxwa̱xe nax Cristuaxü̃́ yaxõgüãxü̃. Rü choma rü aixcüma íchamemare nax poxcuwa choxü̃ namuxü̃ ya Tupana rü Cristuna choxü̃ yaxũgachixẽẽxü̃ ega ngẽmaãcü chi nüxü̃ chayaxõgüxẽẽgu rü chanamaxẽxẽẽgu i ngẽma chautanüxü̃ i Iraétanüxü̃.

Ore i mexü̃ ga Matéu ümatüxü̃ 25:41

Rü ñu̱xũchi i Ãẽ̱xgacü, rü ñanagürü tá nüxü̃ i ngẽma to̱xwewa ngẽxmagüxü̃: “¡Choxna pixĩgachi i pema i perü chixexü̃ca̱x poxcuexe! ¡Rü ngéma pexĩ nawa ya yimá üxü ya taguma ixoxü̃ne ya Tupana ímexẽẽ́ne naxca̱x i ngo̱xo i Chataná rü norü duü̃xü̃gü!

1 Chamué 15:3

Rü ngẽmaca̱x ¡ngéma naxũ rü nadai i guxü̃ma i ngẽma Amaréxtanüxü̃ guxü̃ma i norü ngẽmaxü̃maxã, rü taxũtáma cuxü̃́ nangechaütümüxü̃gü! ¡Rü nadai i yatüxü̃gü, rü ngexü̃gü, rü buxü̃gü, rü õxchanagü! ¡Rü ngẽxgumarüxü̃ ta nadai i norü wocagü, rü carnérugü, rü caméyugü, rü búrugü! ¡Rü bai tá i wüxi ícuyaxüxẽẽxü̃!” ñanagürü ga Cori ya Tupana —ñanagürü ga Chamué.

Ãẽ̱xgacügü ga guxchaxü̃güarü mexẽxẽruü̃gü 21:18

Natürü yixemagü rü taxucürüwama ta̱xacügümaxã tayaxü̱xma̱xgü. Yerü yixema i guxãma i Iraétanüxü̃ rü tanaxuegugü nax taxúxetáma Bẽyamíü̃tanüxü̃xü̃ ümaxü̃, rü texé ya tatanüwa Bẽyamíü̃tanüxü̃xü̃ ümáxe rü Tupana rü tá chixexü̃ tümamaxã naxuegu.

Ãẽ̱xgacügü ga guxchaxü̃güarü mexẽxẽruü̃gü 21:5

Rü nügüna nacagüe rü ñanagürügü: —¿Texé ga tatanüwa tataxu nawa ga yema ngutaque̱xe ga Mispáwa ixügüxü̃? Yerü yema ngutaque̱xewa rü Tupanape̱xewa tanaxuegugü nax tüxü̃ ida̱i̱xü̃ ga guxema taxue nawa ga yema ngutaque̱xe —ñanagürügü.

Yochué 7:25

Rü Yochué rü Acáü̃xü̃ ñanagürü: —¿Tü̱xcüü̃ chixexü̃ tatanüwa ícunguxẽxẽ? Rü ñu̱xma ya Cori ya Tupana rü ngẽma chixexü̃ tátama nixĩ i cuxna nanguxẽẽxü̃ —ñanagürü. Rü yema ñaxgu ga Yochué, rü guxü̃ma ga Iraétanüxü̃ rü nutamaxã Acáü̃xü̃ rü natanüxü̃xü̃ nadai. Rü ñu̱xũchi natanüwa nanangixichi.

Lebítanüxü̃arü puracüchiga 27:27

Rü ngẽxguma wüxi i naxü̃na i tama mexü̃ nax nangṍxü̃ yixĩxgu, rü ngẽma norü yora rü nüxü̃́ nangẽxma i tauxcha nax wena naxca̱x nataxexü̃. Rü ngẽma natanü i chacherdóte nagu unetaxü̃ẽ̱xpü̱x tá nixĩ i tanaxütanüxü̃. Rü naétü tá tanaxütanü i wüxi i norü 5 arü yauxye i ngẽma diẽru. Natürü ngẽxguma chi norü yora tama naxca̱x taxegu rü togü naxca̱x taxegu rü tá nanaxütanü i ngẽma natanü i chacherdóte nagu unetaxü̃e̱xpü̱xicatama.

Lebítanüxü̃arü puracüchiga 27:29

Rü ngẽxgumarüxü̃ ta i ngẽma duü̃xü̃ i marü yu namaxã ueguxü̃ rü taxucürüwa naétüwa tachogü. Rü noxtacüma tá nayu.

Wenaxarü naxümatü ga Tupanaarü mugü 7:26

Rü ngẽmaca̱x ¡taxṹ i pepatawa penangexü̃ i ngẽma úiru rü diẽrumü ya Tupana pexna chu̱xuxü̃ nax tama ipeyarüxogüxü̃ca̱x i pema rü ta! Rü ngẽmagü rü tá ípenagu. Erü Tupana naxchi naxai i guxü̃ma i ngẽma tupananetachicüna̱xãgü rü ngẽxgumarüxü̃ ta i pema rü penaxwa̱xe nax nüxü̃ pexoexü̃ —ñanagürü ga Moiché.

Echequié 44:29

Rü nümagü i ngẽma chacherdótegü tá nixĩ i namaxã naxãwemügüxü̃ i ngẽma trigu i Iraétanüxü̃ choxna ãmaregüxü̃ rü ñu̱xũchi ngẽma naxü̃nagü i pecaduarü ütanüca̱x choxna naxãmaregüxü̃ rü ñu̱xũchi ngẽma ãmaregü i duü̃xü̃gü ta̱xacürü guxchaxü̃ naxügüxü̃gagu inaxãmaregüxü̃. Rü ngẽxgumarüxü̃ ta i guxü̃ma i ngẽmaxü̃gü i Iraétanüxü̃ cha̱u̱xca̱x íxüxüchigüxü̃ rü ngẽma chacherdótegüarü tá nixĩgü.

Echequié 48:14

Rü ngẽma naane rü guxü̃ma i to i naane i Iraéanewa ngẽxmagüxü̃xü̃ narümemae. Rü woo íxraxü̃ i ngẽma naane rü taxucürüwa namaxã tataxe rüe̱xna ta̱xacümaxã tanaxüchicüü rüe̱xna texéna tanaxã. Erü ngẽma naane rü Cori ya Tupanaarü nixĩ.

Lebítanüxü̃arü puracüchiga 21:22

Natürü name nax tanangṍxü̃ i ngẽma paũ rü naguxü̃raü̃xü̃ i õna i üünexü̃ rü Üünexüchixü̃.

Norü taxre ga to ga popera ga ãẽ̱xgacügüchiga ümatüxü̃ 31:14

Rü Coré ga Iná nane ga yema ĩã̱x ga éstewaama yexmaxü̃arü dauruxü̃chire̱x nixĩ ga namaxã icuáxü̃ ga yema ãmaregü ga duü̃xü̃gü norü ngúchaü̃maxã Cori ya Tupanaca̱x inaxü̃. Rü nüma ga Coré nixĩ ga chacherdótegüxü̃ rü Lebítanüxü̃güxü̃ yanuaxü̃ ga yema ãmaregü rü õnagü ga duü̃xü̃gü Tupanapatawa naxũ.