Lebítanüxü̃arü puracüchiga 27:13 - Tupanaarü Ore

¹³ Rü ngẽxguma norü yora naxwa̱xegu nax wenaxarü noxrü yixĩxü̃ca̱x i ngẽma naxü̃na, rü tá nanaxütanü i ñuxregu naxãtanüxü̃ i ngẽma naxü̃na. Rü naétü tá nanaxütanü i wüxi i norü 5 arü yauxye i ngẽma diẽru.

Lebítanüxü̃arü puracüchiga 27:13 Referans Kwoze

Lebítanüxü̃arü puracüchiga 27:19

Rü ngẽxguma yíxema duü̃xẽ ya Cori ya Tupanana naxãxe i tümaarü naane, rü wenaxarü naxca̱x tataxechaü̃gu, rü ngẽma natanü i chacherdóte nüxü̃ ixuxü̃e̱xpü̱x tá tanaxütanü. Rü naétü tá tanaxütanü i wüxi i norü 5 arü yauxye i ngẽma diẽru. Rü ngẽxguma i ngẽma naane rü wenaxarü tümaarü tá nixĩ.

Lebítanüxü̃arü puracüchiga 27:15

Rü yíxema duü̃xẽ ya Cori ya Tupanana naxãxe ya tümapata, rü wenaxarü naxca̱x tataxechaü̃gu, rü ngẽma natanü i chacherdóte nüxü̃ ixuxü̃e̱xpü̱x tá tanaxütanü. Rü naétü tá tanaxütanü i wüxi i norü 5 arü yauxye i ngẽma diẽru. Rü ngẽxguma ya yima ĩpata rü wenaxarü tümaarü tá nixĩ.

Lebítanüxü̃arü puracüchiga 22:14

Rü ngẽxguma texe tümaechita nangõ̱xcüraxü̃gu i ngẽma õna i üünexü̃, rü chacherdóteaxü̃́ tá tanaxütanü i ngẽma õna. Rü naétü tá nüxna tanaxã i wüxi i norü 5 arü yauxye i ngẽma õnatanü.

Lebítanüxü̃arü puracüchiga 27:10

Rü ngẽmaca̱x taxucürüwama to i naxü̃na i rümemaexü̃ rüe̱xna naxü̃na i rüchixemaexü̃maxã naxüchicüü. Rü ngẽxguma chi to i naxü̃namaxã naxüchicüügu, rü ngẽma naxü̃na i nüxíra choxna pemuxü̃ rü ngẽma naxü̃na i namaxã üchicüxüxü̃ rü ta rü choxrügü tá nixĩgü.

Lebítanüxü̃arü puracüchiga 5:16

Rü yíxema duü̃xẽ ya pecadu üxcüraxü̃xẽ rü tá tanaxütanü i ngẽma diẽru naxca̱x i ngẽma pecadu i taxüxü̃. Rü ngẽma diẽruétü tá tanaxütanü i wüxi i norü 5 arü yauxye. Rü nüma ya chacherdóte rü tá cha̱u̱xca̱x nayagu i ngẽma tümaarü carnéru nax ngẽmaãcü tüxü̃́ nüxü̃ icharüngümaxü̃ca̱x i tümaarü pecadu. Rü choma rü tá tüxü̃́ nüxü̃ icharüngüma i tümaarü pecadu.

Lebítanüxü̃arü puracüchiga 27:12

Rü nüma ya chacherdóte tá nüxü̃ nixu i natanü nax ñuxregu naxãtanüxü̃, ngẽxgumarüxü̃ nax ta̱xacürü naeü̃ yixĩxü̃. Rü ngẽma diẽru i chacherdóte nüxü̃ ixuxü̃gu tá nixĩ i naxãtanüxü̃.

Lebítanüxü̃arü puracüchiga 27:14

Rü ngẽxguma texé Cori ya Tupanana naxãxgu ya tümapata, rü nüma ya chacherdóte tá nixĩ i nüxü̃ ixuxü̃ nax ñuxregu naxãtanüxü̃, ngẽxgumarüxü̃ nax nañuxraxü̃xü̃ i norü me ya yima ĩpata. Rü ngẽma natanü rü taxũtáma naxüchicüü.

Lebítanüxü̃arü puracüchiga 27:27

Rü ngẽxguma wüxi i naxü̃na i tama mexü̃ nax nangṍxü̃ yixĩxgu, rü ngẽma norü yora rü nüxü̃́ nangẽxma i tauxcha nax wena naxca̱x nataxexü̃. Rü ngẽma natanü i chacherdóte nagu unetaxü̃ẽ̱xpü̱x tá nixĩ i tanaxütanüxü̃. Rü naétü tá tanaxütanü i wüxi i norü 5 arü yauxye i ngẽma diẽru. Natürü ngẽxguma chi norü yora tama naxca̱x taxegu rü togü naxca̱x taxegu rü tá nanaxütanü i ngẽma natanü i chacherdóte nagu unetaxü̃e̱xpü̱xicatama.