Lebítanüxü̃arü puracüchiga 26:46 - Tupanaarü Ore

⁴⁶ Rü yema nixĩ ga yema mugü, rü ucu̱xẽgü rü ngu̱xẽẽtaegü ga Moichéwa Iraétanüxü̃maxã nüxü̃ yaxuxü̃ ga Cori ya Tupana ga ma̱xpǘne ga Chinaíwa.

Lebítanüxü̃arü puracüchiga 26:46 Referans Kwoze

Lebítanüxü̃arü puracüchiga 27:34

Rü yema nixĩ ga mugü ga Tupana Iraétanüxü̃ca̱x Moichémaxã nüxü̃ ixuxü̃ ga ma̱xpǘne ga Chinaíwa.

Wenaxarü naxümatü ga Tupanaarü mugü 12:1

Rü ngẽxguma nawa pemaxẽgu i ngẽma naane i Cori ya perü Tupana perü o̱xigümaxã unetaxü̃ rü penaxwa̱xe nax guxü̃guma naga pexĩnüexü̃ rü nagu pexĩxü̃ i ngẽma mugü rü ucu̱xẽgü i pemaxã nüxü̃ chixuxü̃.

Wenaxarü naxümatü ga Tupanaarü mugü 6:1

Rü ñanagürü ga Moiché: —Yema nixĩ ga mugü rü ucu̱xẽgü ga Cori ya Tupana choxü̃ muxü̃ nax pexü̃ changúexẽẽxü̃ca̱x nax nagu pexĩxü̃ca̱x nawa i ngẽma naane i tá pexna naxãxü̃.

Wenaxarü naxümatü ga Tupanaarü mugü 13:4

¡Rü perü Cori ya Tupanawexica tátama nixĩ i perüxĩxü̃, rü yima perü Tupanaxü̃xicatata nixĩ i picua̱xüü̃güxü̃! ¡Rü nagu pemaxẽ i norü mugü rü naga pexĩnüe! ¡Rü nüxü̃́ pepuracüe rü guxü̃guma naxca̱xicatama pemaxẽ!

Lebítanüxü̃arü puracüchiga 25:1

Rü ma̱xpǘne ga Chinaíwa Cori ya Tupana rü Moichémaxã nidexa, rü ñanagürü nüxü̃:

Ore i mexü̃ ga Cuáü̃ ümatüxü̃ 1:17

Rü Moichéxü̃ nixĩ ga namuxü̃ ga Tupana nax tüxü̃ nangúexẽẽxü̃ca̱x ga norü mugü. Natürü Ngechuchu ya Cristuxü̃ nixĩ ga namuxü̃ nax tüxü̃ nangúexẽẽxü̃ca̱x nax yigü ingechaü̃güxü̃ rü nagu imaxẽxü̃ca̱x i norü ore i aixcüma ixĩxü̃.

Wiyaegü 77:20

Rü cunamu ga Moiché rü Aróü̃ nax yagagüãxü̃ca̱x ga curü duü̃xü̃gü ñoma carnérugü igagüxü̃rüxü̃.

Iraétanüxü̃arü muxchiga 4:37

Rü yexguma Moiché rü Aróü̃ yaxugügu ga Queáxtanüxü̃, yema Cori ya Tupana Moichémaxã nüxü̃ ixuxü̃ãcü, rü yema nixĩ ga norü mu ga nagu mexü̃ nax Tupanapatawa napuracüexü̃.

Lebítanüxü̃arü puracüchiga 8:36

Rü nüma ga Aróü̃ rü nanegü rü nayanguxẽẽgü ga guxü̃ma ga yema Cori ya Tupana Moichémaxã nüxü̃ ixuxü̃.

Lebítanüxü̃arü puracüchiga 7:38

Rü yema ucu̱xẽgü nixĩ ga Cori ya Tupana Moichémaxã nüxü̃ ixuxü̃ ga Ma̱xpǘne ga Chinaíwa ga yexguma guma ma̱xpǘnearü chianexü̃wa Iraétanüxü̃maxã nüxü̃ yaxuxgu nax ãmaregü nüxna naxãgüxü̃ca̱x.

Lebítanüxü̃arü puracüchiga 27:1

Rü nüma ga Cori ya Tupana rü Moichémaxã nidexa rü ñanagürü nüxü̃:

Iraétanüxü̃arü muxchiga 36:13

Rü yemagü nixĩ ga yema mugü rü ucu̱xẽgü ga Iraétanüxü̃ca̱x Cori ya Tupana Moichémaxã nüxü̃ ixuxü̃ ga yexguma Moáarü doxonexü̃wa nayexmagu ga Yudáü̃cutüwa ga Yericúarü to̱xma̱xtawa.

Wenaxarü naxümatü ga Tupanaarü mugü 4:5

Choma rü marü pexü̃ changúexẽxẽ ga guxü̃ma ga yema mugü ga Cori ya chorü Tupana chomaxã nüxü̃ ixuxü̃ nax ngẽmaãcü aixcüma nagu pemaxẽxü̃ca̱x nawa i ngẽma naane i nagu tá pechocuxü̃.

Wenaxarü naxümatü ga Tupanaarü mugü 29:1

Rü noxri ga nüma ga Cori ya Tupana rü marü Iraétanüxü̃maxã nüxü̃ nixu ga norü uneta ga ma̱xpǘne ga Oréxwa. Rü yemaétü nixĩ ga ñaa yexwaca̱xü̃ ga norü uneta ga Cori ya Tupana Moichéxü̃ muxü̃ nax Iraétanüxü̃maxã nüxü̃ yaxuxü̃ca̱x ga Moátanüxü̃güchixü̃anewa.

Wenaxarü naxümatü ga Tupanaarü mugü 33:4

Rü choma i Moiché rü pexna chanaxã i Tupanaarü mugü nax perü meruxü̃ yixĩxü̃ca̱x, Pa Acóbutanüxü̃x.