Lebítanüxü̃arü puracüchiga 26:44 - Tupanaarü Ore

⁴⁴ Natürü woo ngẽma perü guxchaxü̃gügagu perü uanügüchixü̃anewa nax pengẽxmagüxü̃, rü choma rü tama choxü̃́ pewa̱xtümüü̃ rü tama pexü̃ chaxo. Rü ngẽmaca̱x taxũtáma pexü̃ chadai rü taxũtáma íchayanaxoxẽxẽ ga yema uneta ga perü o̱xigümaxã chaxüxü̃, erü choma nixĩ i perü Cori ya perü Tupana chixĩxü̃.

Lebítanüxü̃arü puracüchiga 26:44 Referans Kwoze

Romanos 11:2

Rü nũxcümamatama Tupana Iraétanüxü̃maxã inaxuneta nax norü duü̃xü̃gü yixĩgüxü̃ca̱x, rü ñu̱xma rü tama Yudíugüxü̃ naxo. ¿Tama ẽ̱xna nüxü̃ pecua̱x nax ñuxũ ñaxü̃ ga Tupanaarü orearü uruxü̃ ga Ería? Rü Tupanaarü orewa nüxü̃ tadaugü rü Ería rü Tupanape̱xewa poraãcü yema Yudíugüxü̃ nixugü.

Neemía 9:31

Natürü yema nax cuxü̃́ nangechaü̃tümüxü̃güxü̃ca̱x rü tama noxtacüma cunadaixüchi rü tama nüxna quixũ. Erü cuma rü Tupana ya mecümaxü̃chicü rü ngechaü̃wa̱xecü quixĩ.

Wiyaegü 94:14

Nüma ya Cori ya Tupana rü tagutáma ínanawogü i norü duü̃xü̃gü rü tagutáma nüxna nixũ nax nüxica ngéma nawogüxü̃ca̱x.

Norü taxre ga popera ga ãẽ̱xgacügüchiga 13:23

Natürü nüma ga Cori ya Tupana rü nüxü̃́ nangechaü̃tümüü̃gü ga yema Iraéanecüã̱xgü yerü Abraáü̃maxã rü Ichaámaxã rü Acóbumaxã marü inaxuneta. Rü yemaca̱x poraãcü yema Iraétanüxü̃gu narüxĩnü rü tama nanaxwa̱xe nax nadaiaxü̃ rü nügüpe̱xewa ínawoxü̃ãxü̃. Rü ñu̱xma rü ta rü tama nüxü̃ naxo rü tama ínanawogü.

Romanos 11:26

Natürü ngẽmawena rü guxü̃táma i Iraétanüxü̃ rü tá ta nayaxõgü, rü tá nanayauxgü i maxü̃ i taguma gúxü̃. Erü Tupanaarü ore i ümatüxü̃wa rü ñanagürü: “Yimá Cristu ya ínanguxü̃xẽẽcü, rü Chióü̃wa tá ne naxũ. Rü nüma rü tá ngẽma Iraétanüxü̃güxü̃ chixexü̃wa ínanguxü̃xẽxẽ.

Echequié 16:60

Natürü i choma rü tá nüxna chacua̱xãchi ga yema uneta ga cumaxã chaxueguxü̃ ga yexguma cupaxgu, Pa Yerucharéü̃x. Rü ñu̱xũchi cumaxã tá chanaxuegu i wüxi i uneta i guxü̃guca̱x ixĩxü̃.

Yeremía 33:26

Rü ngẽxgumarüxü̃ ta Acóbumaxã rü chorü duü̃ ya Dabímaxã ichaxuneta nax nataagü tá nixĩ i namaxã icua̱xgüxü̃ i Abraáü̃taagü rü Ichaátaagü rü Acóbutaagü. Rü taxũtáma nüxü̃ charüngüma i ngẽma chorü uneta, erü choxü̃́ nangechaü̃tümüxü̃gü i chorü duü̃xü̃gü rü tá nüxü̃ charüngü̃xẽxẽ nax wena nachixü̃aneca̱x nawoeguxü̃ca̱x” —ñachagürü.

Yeremía 30:11

Rü choma ya Cori ya Tupana rü ñachagürü: “Choma rü pemaxã changexma nax pexü̃ íchanguxü̃xẽxẽxü̃ca̱x naxme̱xwa i perü uanügü. Rü tá chayanaxoxẽxẽ i guxü̃ma i ngẽma nachixü̃anegü i nagu pexü̃ chawoonexü̃. Natürü i pema rü tagutáma pexü̃ ichayarüxoxẽxẽ. Natürü ngẽma pexna üxü̃ i poxcumaxã tá pexü̃ chapoxcue. Rü taxũtáma nüxü̃ chaxüpetümare nax pexü̃ chapoxcuexü̃” —ñanagürü.

Yeremía 14:21

¡Rü ngẽma cuéga i üünexü̃gagu, rü taxṹ i toxü̃ cuxoxü̃! ¡Rü taxṹ i nüxü̃ cuxoxü̃ ya yima ĩane ya curü tochicaxü̃ i üünexü̃ nawa ngẽxmane! ¡Rü nüxna nacua̱xãchi ga yema curü uneta ga tomaxã cuxüxü̃, rü taxṹ i nüxü̃ curüngü̃maxü̃!

Wiyaegü 89:33

Natürü taxũtáma nüxü̃ charüxo nax nüxü̃ changechaü̃xü̃ ya Dabí rü aixcümaxü̃chi tá chayanguxẽxẽ i ngẽma namaxã nüxü̃ chixuxü̃.

Lebítanüxü̃arü puracüchiga 26:11

Rü choma rü petanüwa tá chamaxü̃ rü taxũtáma pexü̃ chaxo.

Ãẽ̱xgacügü ga guxchaxü̃güarü mexẽxẽruü̃gü 2:1

Rü Tupanaarü orearü ngeruxü̃ i dauxü̃cüã̱x rü Guirigáwa inaxũãchi rü Boquíü̃wa naxũ rü yéma Iraétanüxü̃xü̃ ñanagürü: —Choma nixĩ ga Equítuanewa pexü̃ íchagaxü̃, rü ñaa naane ga perü o̱xigümaxã nüxü̃ chixuxü̃wa pexü̃ chagagüxü̃. Yerü yexguma perü o̱xigümaxã nüxü̃ chixuxgu rü ñachagürü: “Ngẽma chorü uneta i pemaxã nüxü̃ chixuxü̃ rü tagutáma ichayanaxoxẽxẽ. Natürü tama chanaxwa̱xe i pema nax ta̱xacürü uneta namaxã pexügüxü̃ i ngẽma duü̃xü̃gü i ngéma maxẽxü̃. Rü ngẽma chanaxwa̱xexü̃ nixĩ nax nagu pepogüexü̃ i ngẽma norü ãmarearü guruü̃gü”, ñachagürü. Natürü i pema rü tama chauga pexĩnüe. ¡Rü dücax, nüxü̃ peda̱u̱x i ngẽma pexüxü̃!

Naanearü ügüchiga 17:7

Rü ngẽma ñu̱xma tá cumaxã rü cutaagümaxã chaxueguxü̃ rü ñaa nixĩ: Rü choma rü guxü̃gutáma curü Tupana chixĩ rü cutaagüarü Tupana chixĩ.

Neemía 9:17

Rü tama cuga naxĩnüechaü̃, rü bai ga nüxna nax nacua̱xãchiexü̃ ga yema taxü̃ ga mexü̃gü ga nape̱xewa cuxüxü̃. Rü poraãcü ínayataitüarü maxü̃neã̱xgü rü cumaxã nanue, rü yemaca̱x nagu narüxĩnüe nax norü ãẽ̱xgacüxü̃ naxunetagüxü̃ nax yemamaxã Equítuaneca̱x nawoeguxü̃ca̱x rü wenaxarü Equítutanüxü̃me̱xẽwa nayexmagüxü̃ca̱x. Natürü i cuma rü Tupana ya ngechaü̃wa̱xecü quixĩ, rü mecümacü quixĩ, rü ngüxmüwa̱xecü quixĩ rü yáxna ĩnücü quixĩ, rü tama paxa cunu rü yemaca̱x nixĩ ga tama yéma cunawogümarexü̃.

Wiyaegü 103:13

Rü nüma ya Cori rü tüxü̃ nangechaü̃ ya yíxema naga ĩnüexe ñoma wüxi i papa naxacügüxü̃ ngechaü̃xü̃rüxü̃.

Yeremía 24:5

—Choma ya Cori ya Iraétanüxü̃arü Tupana rü ñachagürü: “Rü ngẽma igu i mexü̃rüü̃ãcü tá nüxü̃ chadau i ngẽma duü̃xü̃gü i Yudáanecüã̱xgü ga ñaa naanewa íchawoxü̃xü̃ rü Cadéugüchixü̃anewa chamugüxü̃. Rü ngẽmagü rü tá namaxã chataãxẽ rü tá nüxü̃ charüngü̃xẽxẽ.

Yeremía 31:20

Rü Cori ya Tupana rü ñanagürü: —Ngẽma Efraíü̃tanüxü̃gü̃ rü chaunegü i nüxü̃ changechaü̃güxü̃ nixĩgü. Rü ngẽma nixĩ i chaunegü i yexera nüxü̃ changechaü̃güxü̃. Rü woo yexguma chanapoxcuegu, rü taguma nüxü̃ charüchau nax nüxna chacua̱xãchixü̃. Rü chorü maxü̃newa rü naxca̱x changechaü̃ rü poraãcü choxü̃́ nangechaü̃tümüxü̃gü. Rü choma ya Cori ya Tupana nixĩ i nüxü̃ chixuxü̃ i ngẽma —ñanagürü.