Lebítanüxü̃arü puracüchiga 26:43 - Tupanaarü Ore

⁴³ Rü ngẽxguma tama perü naanewa pengẽxmagüyane, rü ngẽma naane rü tá inarüngü̃. Natürü i pema rü tá penaxütanü i perü pecadu, yerü nüxü̃ pexo ga chorü ucu̱xẽgü rü naxchi pexai ga chorü mugü.

Lebítanüxü̃arü puracüchiga 26:43 Referans Kwoze

Romanos 8:7

Rü yíxema tümaxü̃nearü ngúchaü̃ca̱x daugüxe rü Tupanamaxã tarüxuanügü. Erü tama Tupanaarü mugüga taxĩnüe rü tama tayanguxẽxẽ.

Ore i mexü̃ ga Cuáü̃ ümatüxü̃ 7:7

Ngẽma duü̃xü̃gü i ñoma i naanecüã̱x rü tama pexchi naxaie. Natürü chauxchi naxaie erü chanango̱xẽxẽ nax nachixexü̃ i ngẽma naxügüxü̃.

Chacaría 11:8

Rü wüxi ga tauemacügutama rü íchanawoxü̃ ga tomaepü̱x ga norü dauruü̃gü, yerü tama yáxna namaxã chaxĩnü, rü chauxchi naxaie.

Amúx 5:10

¡Rü pegümaxã pengechaxü̃gü i pema nax tümachi pexaixü̃ ya yíxema ãẽ̱xgacüpe̱xewa ínapoxü̃́xe i ngẽma duü̃xü̃ i aixcümaxü̃ ixuxü̃! Rü pema rü tüxü̃ pexoe ya yíxema aixcümaxü̃ ixuxe.

Danié 9:14

Rü yemaca̱x, Pa Cori Pa Tupanax, rü toxca̱x ícunangu̱xẽxẽ ga yema taxü̃ ga guxchaxü̃ ga cumatama tomaxã cuxueguxü̃. Erü cuma rü aixcüma cuyanguxẽxẽ i ngẽma nüxü̃ quixuxü̃. Natürü i toma rü tama cuxü̃́ itarüxĩnüechaü̃.

Yeremía 31:19

Toma rü cuxna tixĩgachitanü, natürü marü nüxü̃ tarüxoe i torü chixexü̃gü. Rü nüxü̃ ticua̱xãchitanü nax chixexü̃ taxügüxü̃, rü togü tatigüremügü naxcha̱xwa i torü pecadugü. Rü poraãcü taxãnee rü ngúxü̃ tingegü nagagu ga yema pecadugü ga taxügüxü̃ ga yexguma tangextü̱xügügu” —ñanagürügü.

Ichaía 26:16

Rü yexguma guxchaxü̃ toxca̱x ínguxgu, Pa Corix, rü cuxca̱x tadaugüama naétüwa ga yema ngúxü̃ ga toxca̱x ícunguxẽẽxü̃ nax toxü̃ curüwe̱xãchigüxẽẽxü̃ca̱x.

Wiyaegü 119:75

Pa Cori Pa Tupanax, choma rü nüxü̃ chacua̱x i ngẽma curü mugü rü meama niwe̱x. Rü tama ícutü i ngẽxguma choxü̃ icuyarüwe̱xãchixẽẽgu.

Wiyaegü 119:71

Rü choxü̃́ name ga yema choxü̃ nax cuxucu̱xẽxü̃. Erü yemaacü nixĩ i nüxü̃ chacuáxü̃ nax naga chaxĩnüxü̃ i ngẽma curü mugü.

Wiyaegü 119:67

Rü naxü̃pa ga choxü̃ nax cuxucu̱xẽxü̃ rü muxü̃ma ga chixexü̃ chaxü. Natürü i ñu̱xma rü naga chaxĩnü i ngẽma curü mugü.

Wiyaegü 50:15

¡Rü cha̱u̱xca̱x peca ega ngẽxguma guxchaxü̃ pexü̃ ngupetügu! Rü choma rü tá pexü̃ íchapoxü̃ rü pema rü tá choxü̃ picua̱xüü̃gü —ñanagürü ya Tupana.

Yox 5:17

Rü nataãxẽ ya yimá yatü ya Tupana ucu̱xẽcü. ¡Rü taxṹ i nüxü̃ cuxoxü̃ ya yimá Guxãétüwa Ngẽxmacüarü ucu̱xẽ!

Norü taxre ga to ga popera ga ãẽ̱xgacügüchiga ümatüxü̃ 33:12

Natürü yexguma taxü̃ ga ĩ̱xãchiãxẽ naxca̱x ínguxgu, rü Cori ya norü Tupanana naca nax nüxü̃́ nüxü̃ iyanangümaxü̃ca̱x ga norü chixexü̃gü ga naxüxü̃. Rü norü o̱xigüarü Tupanape̱xegu nügü ínarüxíxra.

Lebítanüxü̃arü puracüchiga 26:30

Rü choma rü tá nagu chipogügü i ngẽma nachicagü i nawa perü tupananetaxü̃ picua̱xüü̃güxü̃. Rü taxregu tá chanamate i perü pumarate̱xearü guruü̃gü. Rü wüxigu tá chananutaque̱xe i pexene i yuexü̃ naétügu i ngẽma tupanachicüna̱xãgü i ngearü maxü̃ã́xü̃. Rü ngẽmawa tá pexü̃ chanawe̱x nax pexü̃ chaxoxü̃.

Lebítanüxü̃arü puracüchiga 26:11

Rü choma rü petanüwa tá chamaxü̃ rü taxũtáma pexü̃ chaxo.

Wenaxarü naxümatü ga Tupanaarü mugü 32:36

Rü nüma ya Cori ya Tupana rü tá norü duü̃xü̃güxü̃ ínapoxü̃ i ngẽxguma nüxü̃ nada̱u̱xgu nax marü nangearü poraáxü̃. Rü tá nüxü̃ narüngü̃xẽxẽ i ngẽxguma nüxü̃ nada̱u̱xgu nax marü nataxuxü̃ma i norü duü̃xü̃gü i poraexü̃ i íyaxügüxü̃.

Norü taxre ga to ga popera ga ãẽ̱xgacügüchiga ümatüxü̃ 36:21

Rü yemaacü nixĩ ga yanguxü̃ ga yema Tupanaarü ore ga Yeremíawa nüxü̃ yaxuxü̃ ga ñaxü̃: —Ngẽma naane rü tá inarüngü̃ —ñaxü̃. Rü aixcüma yemaacü nangupetü yerü yema 70 ga taunecü ga Cadéugüme̱xẽwa nax nayexmaxü̃ ga yema Yudáanecüã̱xgü rü inarüngü̃ ga yema naane, yerü nataxuma ga duü̃xü̃gü ga nawa puracüexü̃.